ಹೈದ್ರಾಬಾದ್ ಕರ್ನಾಟಕ ಇತಿಹಾಸ ಅಧ್ಯಯನಕ್ಕೆ ಅಗತ್ಯ ಸೌಲಭ್ಯ: ಇಲಿಯಾಸ್ ಅಹಮ್ಮದ್ ಇಸಾಮದಿ

ಕಲಬುರಗಿ: ಹೈದ್ರಾಬಾದ್ ಕರ್ನಾಟಕ ಪ್ರದೇಶ ಜಿಲ್ಲೆಯ ವಿವಿಧೆಡೆ ಗುರುತಿಸಲಾಗದ ಇತಿಹಾಸ ಅಧ್ಯಯನವನ್ನು ಕೈಗೊಳ್ಳಲು ಬೇಕಾದ ಸೌಲಭ್ಯಗಳನ್ನು ಒದಗಿಸಲಾಗುವುದು ಎಂದು ಹೆಚ್ಚುವರಿ ಪ್ರಾದೇಶಿಕ ಆಯುಕ್ತರಾದ ಇಲಿಯಾಸ ಅಹಮ್ಮದ್ ಇಸಾಮದಿ ಅವರು ಹೇಳಿದರು.

ಸೋಮವಾರ ನಗರದ ಪ್ರಾದೇಶಿಕ ಆಯುಕ್ತರ ಕಚೇರಿ ಸಭಾಂಗಣದಲ್ಲಿ ನಡೆದ ಹೈದ್ರಾಬಾದ ಕರ್ನಾಟಕ ಪ್ರದೇಶದ ಇತಿಹಾಸ ರಚನಾ ಸಮಿತಿ ಸಭೆಯ ಅಧ್ಯಕ್ಷತೆವಹಿಸಿ ಅವರು ಮಾತನಾಡಿದರು.

ಕಲ್ಯಾಣ ಕರ್ನಾಟಕ ಪ್ರದೇಶದಲ್ಲಿ ಬಿಟ್ಟು ಹೋದ ಇತಿಹಾಸವನ್ನು ಮುಂಬರುವ ದಿನಗಳಲ್ಲಿ ಪಠ್ಯಗಳಲ್ಲಿ ಅಳವಡಿಸಲು ಪೂರಕವಾದ ಹಾಗೂ ಆಧಾರವಾಗಲು ‘ಪ್ರಾಚೀನ ಇತಿಹಾಸ’, ‘ಮಧÀ್ಯಕಾಲಿನ ಇತಿಹಾಸ’ ಮತ್ತು ‘ಆಧುನಿಕ ಇತಿಹಾಸ’ ಹೀಗೆ 3 ಭಾಗಗಳ ಆಯಾ ಕಾಲದ ವಿಸ್ತೃತ ಇತಿಹಾಸದ ಸಂಪುಟಗಳನ್ನು ರಚಿಸಲು ಈ ಹಿಂದೆ ಸಮಿತಿಯಿಂದ ಕೈಗೊಂಡ ನಿರ್ಣಯಕ್ಕೆ ಸಂಬಂಧಿಸಿ ಮಾತನಾಡಿದ ಅವರು, ಸಂಪುಟ ರಚನೆಗೆ ಅಗತ್ಯವಾದ ಮೂಲ ಸೌಕರ್ಯ, ಆಕಾರಗಳ ಸಂಗ್ರಹಣೆಗೆ ಹಾಗೂ ಕ್ಷೇತ್ರ ಕಾರ್ಯಕ್ಕೆ ಬೇಕಾದ ಹಣಕಾಸು ಹಾಗೂ ಸಿಬ್ಬಂದಿ ನೆರವು ನೀಡುವುದಾಗಿ ಅವರು ಭರವಸೆ ನೀಡಿದರು. ಇಲ್ಲದೇ, ಸಂಪುಟಗಳ ರಚನೆ ಕುರಿತು ಮುಂದಿನ ದಿನಗಳಲ್ಲಿ ಪೂರ್ವಭಾವಿ ಸಭೆ ನಡೆಸಲಾಗುವುದು ಎಂದು ಹೇಳಿದರು.

ಮುಂದಿನ ಮಾರ್ಚ್ ಮಾಹೆಯಲ್ಲಿ ಹೈದ್ರಾಬಾದ ಕರ್ನಾಟಕ ಪ್ರದೇಶದ ಇತಿಹಾಸ ರಚನಾ ಸಮಿತಿಯ ಸಂಪನ್ಮೂಲ ಸದಸ್ಯರನ್ನು ಒಳಗೊಂಡಂತೆ ಬಳ್ಳಾರಿ ಮತ್ತು ಬೀದರ ಜಿಲ್ಲೆಗಳಲ್ಲಿ ಕಾರ್ಯಗಾರವನ್ನು ಹಮ್ಮಿಕೊಳ್ಳುವ ಬಗ್ಗೆ ರೂಪರೇμÉ ಸಿದ್ಧಪಡಿಸಬೇಕು. ಅಲ್ಲಿಯ ಸ್ಥಳೀಯ ಎಲ್ಲಾ ಕ್ಷೇತ್ರದ ವಿಷಯಗಳ ಅಧ್ಯಯನಕ್ಕೆ ಪೂರಕವಾಗಲು ಆಯಾ ಜಿಲ್ಲೆಯ ಜಿಲ್ಲಾಧಿಕಾರಿಗಳ ಸಹಯೋಗದೊಂದಿಗೆ ಎರಡು ದಿನಗಳ ವಿಭಾಗಮಟ್ಟದ ಕಾರ್ಯಾಗಾರವನ್ನು ಶೀಘ್ರವಾಗಿ ಹಮ್ಮಿಕೊಳ್ಳಬೇಕು ಎಂದು ಅಹಮ್ಮದ್ ಇಸಾಮದಿ ಅವರು ಸೂಚಿಸಿದರು.

ಇದೇ ಸಂದರ್ಭದಲ್ಲಿ ಸಮಿತಿಯ ಸದಸ್ಯ ಕಾರ್ಯದರ್ಶಿ ಹಾಗೂ ಇತಿಹಾಸ ಚಿಂತಕ ಲಕ್ಷ್ಮಣ ದಸ್ತಿ ಅವರು ಸಭೆಯ ನಡಾವಳಿಯನ್ನು ಓದಿ ಹೇಳಿದರು.

ಸಮಿತಿ ಸದಸ್ಯ ಹಾಗೂ ಗುಲಬರ್ಗಾ ವಿಶ್ವವಿದ್ಯಾಲಯದ ಕುಲಸಚಿವರಾದ ದಯಾನಂದ ಅಗಸರ ಮಾತನಾಡಿ, ವಿವಿ ಮಟ್ಟದಲ್ಲೂ ಹೆಚ್ಚೆಚ್ಚು ಇತಿಹಾಸ ಕುರಿತು ಕಾರ್ಯಾಗಾರ, ಚಟುವಟಿಕೆಗಳು, ಅಧ್ಯಯನ ನಡೆಯಬೇಕು. ಇದಕ್ಕಾಗಿ ವಿವಿಯಿಂದ ಸಹಕಾರ ನೀಡಲಾಗುವುದು ಎಂದು ಸಭೆಗೆ ತಿಳಿಸಿದರು.

ಸಭೆಯಲ್ಲಿ ಹೈದ್ರಾಬಾದ್ ಕರ್ನಾಟಕ ಪ್ರದೇಶದ ಇತಿಹಾಸ ರಚನಾ ಸಮಿತಿಯ ಸದಸ್ಯರಾದ ಡಾ.ಮಾಜಿದ ದಾಗಿ, ಡಾ.ಬಿ.ಸಿ.ಮಹಾಬಲೇಶ್ವರಪ್ಪ, ಡಾ.ರಾಜೇಂದ್ರ ಪ್ರಸಾದ ಎನ್.ಎಲ್, ಪ್ರೊ.ಜಗನಾಥ ಸಿಂಧೆ, ಪ್ರಾದೇಶಿಕ ಆಯುಕ್ತ ಕಾರ್ಯಾಲಯದ ತಹಶೀಲ್ದಾರ್ ರಾಜಕುಮಾರ ಇದ್ದರು.