ಮಾರ್ಚ್ ನಂತರ ಹತ್ತು ದಿನ ನೀರು ಬಿಡಿ: ಮಾಜಿ ಶಾಸಕ ಆರ್‌ವಿಎನ್ ವಿನಂತಿ

ಸುರಪುರ: ಮಾರ್ಚ ನಂತರವೂ ಹತ್ತು ದಿನಗಳ ಕಾಲ ಕೃಷ್ಣಾ ಕಾಲುವೆಗಳಿಗೆ ನೀರು ಹರಿಸುವಂತೆ ಮಾಜಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಅವರು ಕೆಬಿಜೆಎನ್‌ಎಲ್ ವ್ಯವಸ್ಥಾಪಕ ನಿರ್ದೇಶಕರಿಗೆ ವಿನಂತಿಸಿದ್ದಾರೆ.

ಈ ಕುರಿತು ಪತ್ರ ಬರೆದಿದ್ದು, ರೈತರ ಹಿಂಗಾರು ಹಂಗಾಮಿಗಾಗಿ ಮಾ.೩೧ ರ ವರೆಗೆ ಕಾಲುವೆಗೆ ನೀರುಹರಿಸುವಂತೆ ಈ ಹಿಂದೆ ಪತ್ರಬರೆದು ಒತ್ತಾಯಿಸಿದಂತೆ ತಾವುಗಳು ಕ್ರಮಕೈಗೊಂಡಿರುವುದಕ್ಕೆ ಸ್ವಾಗತಿಸುತ್ತೇನೆ. ಸಧ್ಯ ಜಲಾಶಯಗಳಲ್ಲಿ ಇನ್ನು ಸಾಕಷ್ಟು ಪ್ರಮಾಣದ ನೀರು ಇದೆ ಎಂದು ತಿಳಿದುಬಂದಿದೆ, ಹವಾಮಾನದ ವೈಪರಿತ್ಯದಿಂದಾಗಿ ಕ್ಷೇತ್ರದ ಕೆಲವು ಭಾಗದ ರೈತರು ಬೆಳೆ ನಾಟಿಮಾಡುವಲ್ಲಿ ವಿಳಂಬವಾಗಿದ್ದು ತಮ್ಮ ನಿರ್ಣಯದಂತೆ ಮಾ.೩೧ ರ ವರೆಗೆ ನೀರು ಹರಿಸಿದರೂ ಅವರ ಬೆಳೆಗಳು ಕಟಾವಿಗೆ ಬರುವುದಿಲ್ಲ. ಹೀಗಾಗಿ ರೈತರಿಗೆ ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗಿ ರೈತರು ಸಂಕಷ್ಟಕ್ಕೆ ಸಿಲುಕುತ್ತಾರೆ.

ಹೆದ್ದಾರಿ ತಡೆದು ಪ್ರತಿಭಟನೆ: ಬಸ್ ನಿಲ್ಲಿಸಿ ಕಾಲ್ನಡಿಗೆ ತಪ್ಪಿಸಿ: ವಿದ್ಯಾರ್ಥಿಗಳ ಆಗ್ರಹ

ಆದ್ದರಿಂದ ದಯಾಳುಗಳಾದ ತಾವುಗಳು ಇನ್ನು ಒಂದು ವಾರ-ಹತ್ತು ದಿನದ ವರೆಗೆ ಕಾಲುವೆಗೆ ನೀರುಹರಿಸಿದರೆ ರೈತರ ಸಂಪೂರ್ಣ ಬೆಳೆಗಳು ಕಟಾವಿಗೆ ಬಂದು ರೈತರು ನೆಮ್ಮದಿಯಿಂದ ನಿಟ್ಟುಸಿರು ಬಿಡುವಂತಾಗುತ್ತದೆ. ಕಾರಣ ತಾವುಗಳು ಈ ಮೇಲೆ ತಿಳಿಸಿದಂತೆ ವಾರ ಹತ್ತು ದಿನಗಳ ಕಾಲ ನೀರು ಹರಿಸಿದಲ್ಲಿ ರೈತರಿಗೆ ಮತ್ತು ಕಾಲುವೆಯ ಕೊನೆಯ ಭಾಗದ ರೈತರಿಗೆ ಅನೂಕೂಲ ಕಲ್ಪಿಸಿದಂತಾಗುತ್ತದೆ ಎಂದು ಈ ಮೂಲಕ ತಮ್ಮಲ್ಲಿ ಮತ್ತೋಮ್ಮೆ ವಿನಂತಿಸಿಕೊಳ್ಳುತ್ತೇನೆ ಎಂದು ಅವರು ಪತ್ರದಲ್ಲಿ ತಿಳಿಸಿದ್ದಾರೆ.