ಸಮಾಜ ಕಲ್ಯಾಣ ಇಲಾಖೆಯ ಮೂಲಕ ವಿದ್ಯಾರ್ಥಿಗಳ ಏಳಿಗೆ: ಸತ್ಯನಾರಾಯಣ ದರಬಾರಿ

ಸುರಪುರ: ತಾಲೂಕಿನ ವಿದ್ಯಾರ್ಥಿಗಳ ಏಳಿಗೆಗಾಗಿ ಸಮಾಜ ಕಲ್ಯಾಣ ಇಲಾಖೆಯಿಂದ ಸಾಧ್ಯವಾದಷ್ಟು ಅನುಕೂಲ ಕಲ್ಪಿಸುವ ಮೂಲಕ ಸರಕಾರದ ಯೋಜನೆಗಳು ವಿದ್ಯಾರ್ಥಿಗಳಿಗೆ ತಲುಪಿಸೋಣ ಎಂದು ತಾಲೂಕು ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಸತ್ಯನಾರಾಯಣ ದರಬಾರಿ ಮಾತನಾಡಿದರು.

ಸಮಾಜ ಕಲ್ಯಾಣ ಇಲಾಖೆಯ ವ್ಯವಸ್ಥಾಪಕ ಇಬ್ರಾಹಿಂ ತೆಳಗಿನಮನಿಯವರ ಬೀಳ್ಕೊಡುಗೆ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿ,ಇಬ್ರಾಹಿಂ ತೆಳಗಿನಮನಿಯವರು ನಮ್ಮ ಕಚೇರಿಯಲ್ಲಿ ಒಬ್ಬ ದಕ್ಷ ಅಧಿಕಾರಿಯಾಗಿ ಕರ್ತವ್ಯನಿರ್ವಹಿಸಿದ್ದಾರೆ,ಅದರಂತೆ ಇಂದು ನೂತನವಾಗಿ ಆಗಮಿಸಿದ ಚೆನ್ನಕೇಶವ ಅವರಿಗೂ ಎಲ್ಲಾ ರೀತಿಯ ನೆರವು ನೀಡುವುದಾಗಿ ತಿಳಿಸಿದರು.

ನಂತರ ಮುದ್ದೇಬಿಹಾಳದ ಅಂಬೇಡ್ಕರ ಅಭಿವೃಧ್ಧಿ ನಿಗಮದ ಅಧಿಕಾರಿಗಳಾಗಿ ಪದೋನ್ನತಿ ಹೊಂದಿ ವರ್ಗಾವಣೆಗೊಂಡ ಇಬ್ರಾಹಿಂ ತೆಳಗಿನಮನಿಯವರನ್ನು ಮತ್ತು ನೂತನ ವ್ಯವಸ್ಥಾಪಕರಾಗಿ ಆಗಮಿಸಿ ಚೆನ್ನಕೇಶವ ಅವರಿಗೆ ಮತ್ತು ಅನೇಕ ವರ್ಷಗಳಿಂದ ಸಮಾಜ ಕಲ್ಯಾಣ ಇಲಾಖೆಯಲ್ಲಿ ಸೇವೆಯಲ್ಲಿ ಈಗ ಶಹಾಪುರ ವಸತಿ ನಿಲಯಕ್ಕೆ ಜೂನಿಯರ್ ವಾರ್ಡ್‌ನಾಗಿ ವರ್ಗಾವಣೆಗೊಂಡ ತಿರುಪತಿ ಸುರಪುರಕರ್ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಕಚೇರಿಯ ಸಿಬ್ಬಂದಿಗಳಾದ ಸೋಮಶೇಖರ ನಾಯಕ ಬಸವರಾಜ ಸಜ್ಜನ್ ಶಿವುಗೌಡ ಬಿರಾದಾರ್ ರಾಮಕೃಷ್ಣ ದೇವದುರ್ಗ ಹಾಗು ವಸತಿ ನಿಲಯಗಳ ವಾರ್ಡ್‌ನ್‌ಗಳಾದ ಯಶೋಧ ಕೆಂಭಾವಿ ಗೀತಾರಾಣಿ ಗೆದ್ದಲಮರಿ ನಾಗವೇಣಿ ಬೈಚಬಾಳ ಮತ್ತು ಸುರಪುರ ವಸತಿ ನಿಲಯಗಳ ಪೀರಗೋಳ್ ಮಹಾದೇವಪ್ಪ ಬೊಮ್ಮನಹಳ್ಳಿ ಗೋವಿಂದಗೌಡ ವಾಗಣಗೇರಿ ಸೀತಪ್ಪ ನಾಯಕ ಸುನೀಲ ಹಿರೇಮಠ ಇತರರಿದ್ದರು.