ಪಾದಯಾತ್ರೆ ಮೂಲಕ ದೇವರ ದರುಶನ ಮಾಡಿದರೆ ಪುಣ್ಯ ಪ್ರಾಪ್ತಿ: ಮೌನಯ್ಯ ತಾತಾ

ಸುರಪುರ: ಯಾವುದೇ ದೇವರ ದರಶುನಕ್ಕೆ ಪಾದಯಾತ್ರೆ ಮಾಡುವುದರಿಂದ ಮನುಷ್ಯನಿಗೆ ಪುಣ್ಯ ಪ್ರಾಪ್ತಿಯಾಗಲಿದೆ ಎಂದು ಗೂಳಿ ಮೌನಯ್ಯ ತಾತಾ ನುಡಿದರು.

ತಾಲೂಕಿನ ಪೇಠ ಅಮ್ಮಾಪುರದ ಅನೇಕ ಜನರು ಆರಂಭಿಸಿದ ಶ್ರೀಶೈಲ ಪಾದಯಾತ್ರೆಗೆ ಚಾಲನೆ ನೀಡಿ ಮಾತನಾಡಿದ ಶ್ರೀಗಳು ತಾವೆಲ್ಲರು ಪುಣ್ಯವಂತರು ಪಾದಯಾತ್ರೆ ಮಾಡುವುದರಿಂದ ಮನುಷ್ಯನಿಗೆ ಆರೋಗ್ಯ ನೆಮ್ಮದಿ ಮತ್ತು ದೇವರ ಅನುಗ್ರಹ ಲಭಿಸಲಿದೆ,ತಾವೆಲ್ಲರು ಶ್ರೀಶೈಲ ಮಲ್ಲಿಕಾರ್ಜುನನ ದರುಶನಕ್ಕೆ ಹೋಗುವ ಮೂಲಕ ಮಲ್ಲಯ್ಯನ ಕೃಪೆಗೆ ಪಾತ್ರರಾಗಲಿದ್ದೀರಿ,ತಮ್ಮ ಯಾತ್ರೆ ಸುಖಮಯವಾಗಿರಲಿ ಎಂದು ಹಾರೈಸಿದರು.

“ದುಡಿಯೋಣ ಬಾ ಅಭಿಯಾನ”

ನಂತರ ಗ್ರಾಮದಿಂದ ಪಾದಯಾತ್ರೆ ಹೊರಟವರಿಗೆ ಗೌರವ ಸನ್ಮಾನ ನೆರವೇರಿಸಿ ಅವರೊಂದಿಗೆ ಸ್ವಲ್ಪ ದೂರದ ವರೆಗೆ ಹೆಜ್ಜೆ ಹಾಕುವ ಮೂಲಕ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಮಲ್ಲಿಕಾರ್ಜುನರಡ್ಡಿ ಕೋಳಿಹಾಳ ತಿರುಪತಿ ತನಿಕೆದಾರ ಭೀಮನಗೌಡ ಪೊಲೀಸ್ ಪಾಟೀಲ್ ದೇವಿಂದ್ರಪ್ಪ ಹೊಸ್ಮನಿ ಸೇರಿದಂತೆ ಅನೇಕರಿದ್ದರು,ಒಟ್ಟು ೪೭ ಜನ ಶ್ರೀಶೈಲಕ್ಕೆ ಪಾದಯಾತ್ರೆ ಹೊರಟರು.