ಜಾನಪದಕ್ಕೆ ಜಾಗತಿಕ ಮನ್ನಣೆ ದೊರೆಯಲಿ: ಸೋನಾರೆ

ಸುರಪುರ: ಮೌಖಿಕ ಪರಂಪರೆಯ ತಳಮೂಲ ಸಂಸ್ಕೃತಿಕ ಪ್ರತಿಕವಾದ ಜಾನಪದಕ್ಕೆ ಇಂದು ಜಾಗತಿಕರಣದ ಮನ್ನಣೆ ದೊರೆಯಬೇಕಾಗಿದೆ ಎಂದು ಕರ್ನಾಟಕ ಜಾನಪದ ಅಕಾಡೆಮಿ ಸದಸ್ಯ ವಿಜಯಕುಮಾರ ಸೋನಾರೆ ಹೆಳಿದರು.

ರಂಗಂಪೇಟೆಯ ಖಾದಿ ಕೇಂದ್ರದ ಆವರಣದಲ್ಲಿ ಬಸವಪ್ರಭು ಜಾನಪದ ಮಹಾವಿದ್ಯಾಲಯದ ವತಿಯಿಂದ ಹಮ್ಮಿಕೊಂಡಿದ್ದ ಜಾನಪದ ಗಾಯನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಜಾನಪದ ನಮ್ಮ ಮೂಲ ಪರಂಪರೆ ಇಂದಿನ ಆಧುನಿಕರಣದ ಓಟ, ನಗರಿಕರಣ ಪ್ರಭಾವ ಇವುಗಳ ಮಧ್ಯ ಜಾನಪದ ಮರೆಯಾಗುತ್ತಿವೆ. ಬೇರೆ ಪರಂಪರೆ ಹಾಗೂ ಸಂಸ್ಕೃತಿಗಳಿಗೆ ಸಿಗುವ ಮನ್ನಣ್ಣೆ ಜಾನಪದಕ್ಕೆ ಸಿಕ್ಕಾಗ ಇದು ಜಾಗತಿಕವಾದ ಪರಂಪರೆಯಾಗಿ ಭಾಷೆಯಾಗಿ, ಸಂಸ್ಕೃತಿಯಾಗಿ ಬೆಳೆಯಲು ಸಾಧ್ಯವಾಗುತ್ತದೆ.

ಅನಕ್ಷರಸ್ತರಿಂದ ರೂಪಗೊಂಡಿರುವ ಜಾನಪದ ಈ ನಾಡಿನ ಹೆಮ್ಮೆಯ ಮತ್ತು ಅಭಿಮಾನದ ಪ್ರತಿಕವಾಗಿದೆ, ಇಂದಿನ ಯುವ ಪಿಳಿಗೆ ಆ ಸಂಸ್ಕೃತಿ ಹಾಗೂ ಪರಂಪರೆಯ ವಾರಸುದಾರರಾಗಿ ಕಾರ್ಯಾನಿರ್ವಹಿಸಬೇಕಾಗಿದೆ ಎಂದುರು.
ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಸಹ ಉಪನ್ಯಾಸಕ ಮಂಜುನಾಥ ದೊಡ್ಡಮನಿ ಮಾತನಾಡಿ, ಜಾನಪದ ಪರಂಪರೆ ಮತ್ತು ಕಲೆ ಉಳಿಸಿ ಬೆಳೆಸಲು ಜಾನಪದ ವಿಶ್ವವಿದ್ಯಾಲಯವು ಕಾರ್ಯಾನಿರ್ವಹಿಸುತ್ತಿದೆ ಎಂದು ಹೇಳಿದರು.

ಜಾನಪದ ಅಕಾಡೆಮಿ ಸದಸ್ಯ ಪ್ರಕಾಶ ಅಂಗಡಿ ಕನ್ನೆಳ್ಳಿ ಅಧ್ಯಕ್ಷತೆ ವಹಿಸಿದ್ದರು, ಪ್ರಮುಖರಾದ ವಿರೇಶ ಹಳಿಮನಿ, ಶಾಂತು ನಾಯಕ, ಬಲಭೀಮ ಪಾಟೀಲ, ಬಿರೇಶ ಕುಮಾರ ದೇವತ್ಕಲ್ ಸೇರಿದಂತೆ ಇತರರು ಪಾಲ್ಗೊಂಡಿದ್ದರು. ರಾಜಶೇಖರ ಹುಲ್ಲೂರು ಪ್ರಾರ್ಥಿಸಿದರು, ಮಲ್ಲಯ್ಯ ಸ್ವಾಮಿ ಇಟಗಿ ನಿರೂಪಿಸಿ ವಂದಿಸಿದರು. ಸ