ಮದುವೆ ಹುಡುಗಿ ತೋರಿಸುವುದಾಗಿ ನಂಬಿಸಿ ವ್ಯಕ್ತಿಯ ಭೀಕರ ಕೊಲೆ: ಐವರು ಅರೇಸ್ಟ್

ಕಲಬುರಗಿ: ಮದುವೆ ಹುಡುಗಿ ತೋರಿಸುವುದಾಗಿ ನಂಬಿಸಿ ವ್ಯಕ್ತಿ ಓರ್ವನನ್ನು ಮಹಾರಾಷ್ಟ್ರದ ಅಕ್ಕಲಕೋಟಗೆ ಕರೆದುಕೊಂಡು ಹೋಗಿ ದೇಹದ ಎರಡು ಭಾಗವಾಗಿ ಕತ್ತರಿಸಿ ಸಾಕ್ಷಿ ನಾಶ ಮಾಡಲು ಯತ್ನಿಸಿದ ಐವರು ಆರೋಪಿಗಳನ್ನು ಬಂಧಿಸಲಾಗಿದೆ.

ಹಿರೋಳ್ಳಿ ಗ್ರಾಮದ ನಿವಾಸಿಗಳಾದ ಮಲ್ಲಿನಾಥ್ ಲಕ್ಷ್ಮಣರಾವ್ ಗುರುಸಿದ್ದ, ಬಸವರಾಜ ರೇವಣಸಿದ್ದಪ್ಪಾ, ಹಣಮಂತ ಫಕೀರಪ್ಪ ಬೆಳ್ಳಿಕಟ್ಟಿ, ಗಾಂಧರಬಾಯಿ ಹಣಮಂತ ತೋರಣಗಿ ಹಾಗೂ ನಾಗಮ್ಮಾ ಮಲ್ಲಿನಾಥ್ ಲಕ್ಷ್ಮಣರಾವ್ ಬಂಧಿತ ಆರೋಪಿಗಳು.

ಗೋಪಾಲಪುರ ಚರ್ಚಿನಲ್ಲಿ ಶ್ರದ್ಧಾ ಭಕ್ತಿಯಿಂದ ಗುಡ್ ಫ್ರೈಡೆ ಆಚರಣೆ

ಮಾ. 29 ರಂದು ರಾತ್ರಿ ವೇಳೆಯಲ್ಲಿ ನಾಗಪ್ಪ ಅಂದಣ್ಣ ವಾಡೇದ್ ಕೊಲೆಯಾದ ವ್ಯಕ್ತಿ, ಇವರಿಗೆ ಮದುವೆಗಾಗಿ ಹುಡುಗಿ ತೋರಿಸುವ ನೆಪ ಮಾಡಿ ಹಿರೋಳ್ಳಿ ಗ್ರಾಮದಿಂದ ಮಹಾರಾಷ್ಟ್ರದ ಅಕ್ಕಲಕೋಟಗೆ ಕರೆದುಕೊಂಡು ಹೋಗಿ ಅಂದು ಆರೋಪಿಗಳು ಹಳೆ ವೈಷಮ್ಯದ ಹಿನ್ನೆಲೆಯಲ್ಲಿ ಚಾಕುವಿನಿಂದ ಹೊಡೆದು, ಕುರುಪಿಯಿಂದ ಕೊಯ್ದು, ಕೊಡಲಿಯಿಂದ ದೇಹವನ್ನು ಎರಡು ಭಾಗವಾಗಿ ಕತ್ತರಿಸಿ, ಚೀಲಗಳಲ್ಲಿ ತುಂಬಿ ಸಾಕ್ಷಿ ನಾಶಮಾಡುವ ಉದ್ದೇಶದಿಂದ ಹೊಲದ ಕೊಳವೆ ನೀರಿನ ಬಾವಿಯಲ್ಲಿ ಮೃತ ದೇಹದ ತುಂಡುಗಳು ಬಿಸಾಡಿದ್ದಾರೆಂದು ಪೊಲೀಸರು ತನಿಖೆಯಲ್ಲಿ ತಿಳಿಸಿದ್ದಾರೆ.

ಈ ಕುರಿತು ಮಾದನ ಹಿಪ್ಪರಗಾ ಪೊಲೀಸ್ ಭಾಷೆಯಲ್ಲಿ ಪ್ರಕರಣ ದಾಖಲಾಗಿದೆ.