ಕಸಾಪ ಚುನಾವಣೆ: ಮತಗಟ್ಟೆ ಹೆಚ್ಚಳ ಮಾಡಲು ಬಿ.ಎಂ. ರಾವೂರ ಆಗ್ರಹ

ಕಲಬುರಗಿ: ಕೊರೊನಾ ಎರಡನೇ ಅಲೆ ಹೆಚ್ಚಳ ಹಿನ್ನೆಲೆಯಲ್ಲಿ ಮೇ 9ರಂದು ನಡೆಯಲಿರುವ ಕಸಾಪ ಚುನಾವಣೆಯ ಮತಗಟ್ಟೆಗಳನ್ನು ಹೆಚ್ಚಿಸಬೇಕೆಂದು ಶೈಕ್ಷಣಿಕ, ಸಾಮಾಜಿಕ ಕಾರ್ಯಕರ್ತರ ವೇದಿಕೆಯ ಬಿ.ಎಂ. ರಾವೂರ ಆಗ್ರಹಿಸಿದ್ದಾರೆ.

ಈ ಕುರಿತು ಕಸಾಪ ಚುನಾವಣಾಧಿಕಾರಿಗಳಾಗಿರುವ ಕಲಬುರಗಿ ತಹಸೀಲ್ದಾರರಿಗೆ ಮನವಿ ಸಲ್ಲಿಸಿರುವ ಅವರು, ಇದೀಗ ನಗರದ ಎಂ.ಪಿ.ಎಚ್.ಎಸ್. ಶಾಲೆಯಲ್ಲಿ ಒಂದೇಕಡೆ 10 ಬೂತ್ ಗಳನ್ನು ಮಾಡಿದ್ದು, ಇದರಿಂದ ಜನಜಂಗುಳಿ ಜಾಸ್ತಿಯಾಗಿ ಕೊರೊನಾ ಹರಡುವ ಸಾಧ್ಯತೆಗಳಿವೆ ಎಂದು ಅವರು ಆತಂಕ ವ್ತಕ್ತಪಡಿಸಿದ್ದಾರೆ.

ನಗರದ ಎನ್.ವಿ. ಕಾಲೇಜು, ಸರ್ಕಾರಿ ಐಟಿಐ, ರೋಟರಿ ಕ್ಲಬ್, ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜು ಮುಂತಾದ ಕಡೆ ಮತಗಟ್ಟೆಗಳನ್ನು ಸ್ಥಾಪಿಸಿ ಮತದಾರರನ್ನು ಕೊರೊನಾ ದವಡೆಯಿಂದ ಪಾರು ಮಾಡಬೇಕೆಂದು ಸಂಜೀವಕುಮಾರ ಕಾಂಬ್ಳೆ, ನಾರಾಯಣ ಜೋಶಿ, ಸತೀಶ ಕೋಬಾಳ ಆಗ್ರಹಿಸಿದ್ದಾರೆ.