ಸಾಮಾಜಿಕ ಅಂತರ ಮರೆತು ಸಂತೆಯಲ್ಲಿ ತೊಡಗಿದ ಜನ

ಸುರಪುರ: ನಗರದ ರಂಗಂಪೇಟೆಯಲ್ಲಿ ಪ್ರತಿ ಶುಕ್ರವಾರ ನಡೆಯುವ ಸಂತೆಯು ಈ ವಾರವೂ ನಡೆಯಿತು.ರಾಜ್ಯದಲ್ಲಿ ಕೊರೊನಾ ಸೊಂಕು ಹರಡುವಿಕೆ ಹೆಚ್ಚಾಗಿರುವುದರಿಂದ ಸಂತೆ ಜಾತ್ರೆ ಉತ್ಸವಗಳನ್ನು ರದ್ದುಗೊಳಿಸಲಾಗಿದೆ,ಆದರೆ ರಂಗಂಪೇಟೆಯಲ್ಲಿ ಶುಕ್ರವಾರ ಬೆಳಿಗ್ಗೆಯೆ ಹಣ್ಣು ತರಕಾರಿ ಸೇರಿದಂತೆ ವಿವಿಧ ದವಸ ಧಾನ್ಯಗಳ ಮಾರಾಟಗಾರರು ಅಂಗಡಿಗಳನ್ನು ಆರಂಭಿಸಿದ್ದರು.

ಬೆಳಿಗ್ಗೆ ೬ ಗಂಟೆಯಿಂದ ಸುಮಾರು ೧೦ ಗಂಟೆಯವರೆಗೂ ವ್ಯಾಪಾರ ಜೋರಾಗಿತ್ತು.ಸಂತೆಯಲ್ಲಿ ತೊಡಗಿದ ಜನರು ಅನೇಕರು ಮಾಸ್ಕ್ ಇಲ್ಲದೆ ಸಾಮಾಜಿಕ ಅಂತರವೂ ಇಲ್ಲದೆ ಕೋವಿಡ್ ನಿಯಮಗಳನ್ನು ಸಂಪೂರ್ಣವಾಗಿ ಗಾಳಿಗೆ ತೂರಿ ಗುಂಪು ಗುಂಪಾಗಿ ಸೇರಿದ್ದರು.ನಂತರ ವಿಷಯ ತಿಳಿದ ನಗರಸಭೆಯ ಸಿಬ್ಬಂದಿಗಳು ಆಗಮಿಸಿ ನಡೆಯುತ್ತಿದ್ದ ವ್ಯಾಪಾರ ವಹಿವಾಟು ಬಂದ್ ಮಾಡಿಸಿ ನಂತರ ಎಲ್ಲರನ್ನು ಓಡಿಸಿದರು.

ಆದರೆ ಬೆಳಿಗ್ಗೆಯಿಂದ ಜನರು ಆಗಮಿಸಿ ತಮಗೆ ಬೇಕಾದ ಎಲ್ಲಾ ವಸ್ತುಗಳ ಖರಿದಿಯನ್ನು ಮಾಡಿಯಾದ ಮೇಲೆ ಸಂತೆಯನ್ನು ರದ್ದುಗೊಳಿಸಲಾಯಿತು.ಆದರೆ ಬೆಳಿಗ್ಗೆಯಿಂದ ನಡೆದ ಸಂತೆಯಿಂದಾಗಿ ಕೊರೊನಾ ಸೊಂಕು ಹರಡಿದರು ಆಶ್ಚರ್ಯವಿಲ್ಲ.ಈಗಾಗಲೇ ರಾಜ್ಯದಲ್ಲಿ ಸಂಪೂರ್ಣ ಲಾಕ್‌ಡೌನ್ ಇದ್ದು,ಇಲ್ಲಿ ನೂರಾರು ಸಂಖ್ಯೆಯಲ್ಲಿ ಜನರು ಸೇರುವ ಮೂಲಕ ಸೊಂಕು ಹರಡಲು ಕಾರಣವಾಗಬಹುದು ಎಂದು ಅನೇಕರು ಮಾತಾನಾಡಿಕೊಂಡಿದ್ದು ಕಂಡು ಬಂತು.