ಹಿರಿಯ ಪತ್ರಕರ್ತ ಜಯತೀರ್ಥ ಕಾಗಲಕರ್ ರಿಗೆ ನುಡಿ ನಮನ

ಚಿತ್ತಾಪುರ: ಹಿರಿಯ ಪತ್ರಕರ್ತ,ಸಂಯುಕ್ತ ಕರ್ನಾಟಕ ಕಲಬುರ್ಗಿ ಆವೃತ್ತಿಯ ಸ್ಥಾನಿಕ ಸಂಪಾದಕ ಜಯತೀರ್ಥ ಕಾಗಲಕರ್ ಕರೋನಾ ಸೋಂಕಿಗೆ ಬಲಿಯಾಗಿದ್ದು,ಅವರ ಆತ್ಮಕ್ಕೆ ಶಾಂತಿ ಸಲ್ಲಿಸಲೆಂದು ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ನುಡಿ ನಮನ ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಹಿರಿಯ ಪತ್ರಕರ್ತ ನಾಗಯ್ಯ ಸ್ವಾಮಿ ಅಲ್ಲುರ್ ಮಾತನಾಡಿ ಜಯತೀರ್ಥ ಕಾಗಲಕರ್ ಅವರನ್ನು ಕಳೆದುಕೊಂಡು ಕಲಬುರ್ಗಿ ಜಿಲ್ಲೆಯ ಪತ್ರಿಕರಂಗಕ್ಕೆ ತುಂಬಲಾರದ ಭಾರಿ ನಷ್ಟವಾಗಿದೆ.ಮೂರು ದಶಕಗಳಿಂದ ಹಲವು ಜನಪರ ವರದಿಗಳ ಮೂಲಕ ಸರ್ಕಾರದ ಗಮನ ಸೆಳೆಯುತ್ತಿದ್ದ ಕಾಗಲಕರ್ ಅವರ ಅಗಲಿಕೆ ಮನಸ್ಸಿಗೆ ತುಂಬಾ ನೋವು ಆಗಿದೆ ಎಂದರು.

ಪತ್ರಕರ್ತ ಪ್ರಶಾಂತ್ ಪಾಟೀಲ್ ತೆಂಗಳಿ ಮಾತನಾಡಿ ನಾನು ಪತ್ರಿಕಾ ಕ್ಷೇತ್ರಕ್ಕೆ ಬರಲು ಪ್ರರಣೆ ನೀಡಿದ್ದ ಕಾಗಲಕರ್ ಅವರು ಬಬ್ಬ ಸರಳ ಜೀವಿ,ಪ್ರಾಮಾಣಿಕ ಪತ್ರಕರ್ತ, ಜನಸ್ನೇಹಿ ವ್ಯಕ್ತಿತ್ವ ಹೊಂದಿದ್ದರು.

ಅನೇಕ ಯುವ ಬರಹಗಾರರಿಗೆ,ಸಂಘಟನಾಕಾರರಿಗೆ ಸಲಹೆ ಸೂಚನೆ,ಮಾರ್ಗದರ್ಶನ ನೀಡುತ್ತಿದ್ದರು.ಅವರ ಅಗಲಿಕೆ ತುಂಬಾ ನೋವು ಉಂಟು ಮಾಡಿದೆ ಅವರ ಕುಟುಂಬಕ್ಕೂ,ಅಭಿಮಾನಿ ವರ್ಗಕ್ಕೂ ದುಃಖ ಭರಿಸುವವಂತ ಶಕ್ತಿ ಭಗವಂತ ನೀಡಲಿ ಎಂದರು.

ಈ ಸಂದರ್ಭದಲ್ಲಿ ಹಿರಿಯ ಪತ್ರಕರ್ತರಾದ ವೀರೇಂದ್ರ ಕೊಲ್ಲೂರ್,ಮಲ್ಲಿಕಾರ್ಜುನ ಮುಡಭೂಳಕರ್,ಯುವ ಪತ್ರಕರ್ತರಾದ ಸಂಜಯ ಬುಳಕರ್,ಅನಂತನಾಗ ದೇಶಪಾಂಡೆ, ಜಗದೇವ ದಿಗ್ಗಾಂವಕರ್, ಸಂತೋಷ ಕಟ್ಟಿಮನಿ,ಬಿಜೆಪಿ ವಕ್ತಾರ ಮಹೇಶ ಬಟಗೇರಿ,ಭಿಮು ಕರದಾಳ ಇದ್ದರು.