ಹಸನಾಪುರ ಪ್ರತಿ ಮನೆಗಳಿಗೆ ಆಹಾರ ಪದಾರ್ಥಗಳ ವಿತರಿಸಿದ ಸದಸ್ಯೆ

ಸುರಪುರ: ನಗರಸಭೆ ವ್ಯಾಪ್ತಿಯ ವಾರ್ಡ್ ಸಂಖ್ಯೆ ೨೦ರ ಹಸನಾಪುರದಲ್ಲಿ ಪ್ರತಿ ಮನೆಗಳಿಗೆ ನಗರಸಭೆ ಸದಸ್ಯೆ ಲಕ್ಷ್ಮೀ ಮಲ್ಲು ಬಿಲ್ಲವ್ ಅವರು ರವೆಯ ಪಾಕೀಟ್ ನೀಡುವ ಮೂಲಕ ಜನರಿಗೆ ನೆರವಾಗುವಂತ ಕಾರ್ಯವನ್ನು ಮಾಡಿದರು.

ಈ ಕುರಿತು ಮುಖಂಡ ಮಲ್ಲು ಬಿಲ್ಲವ್ ಮಾತನಾಡಿ,ಕಳೆದ ಅನೇಕ ದಿನಗಳಿಂದ ನಮ್ಮ ವಾರ್ಡ್‌ನ ಅನೇಕ ಕುಟುಂಬಗಳಿಗೆ ಆಹಾರ ಪದಾರ್ಥಗಳಾದ ಅಕ್ಕಿ ಬೇಳೆ ಮತ್ತಿತರೆ ದಿನಸಿಗಳ ಕಿಟ್ ವಿತರಿಸಲಾಗಿದೆ.ತರಕಾರಿ ವಿತರಿಸಲಾಗಿದೆ,ಹಾಲು ಮತ್ತು ಮೊಸರನ್ನು ವಿತರಿಸಲಾಗಿದೆ ಇಂದು ರವೆಯ ಪಾಕೀಟ್‌ನ್ನು ವಿತರಣೆ ಮಾಡಲಾಗುತ್ತಿದೆ. ಯಾಕೆಂದರೆ ಈಗ ಲಾಕ್‌ಡೌನ್ ಇರುವ ಕಾರಣದಿಂದ ನಮ್ಮ ವಾರ್ಡ್‌ನ ಜನರು ತೊಂದರೆಯಲ್ಲಿದ್ದಾರೆ.ಅವರಿಗೆ ನಮ್ಮಿಂದ ಸಾಧ್ಯವಾದಷ್ಟು ನೆರವಾಗಬೇಕು ಎಂಬ ಉದ್ದೇಶದಿಂದ ಈ ಸೇವೆಯನ್ನು ಮಾಡುತ್ತಿದ್ದು ಇದಕ್ಕೆ ಜನರು ಕೂಡ ಉತ್ತಮವಾಗಿ ಸ್ಪಂಧಿಸುತ್ತಿರುವುದು ಸಂತೋಷದಾಯಕವಾಗಿದೆ ಎಂದರು.

ಈ ಸಂದರ್ಭದಲ್ಲಿ ಸ್ಥಳಿಯ ಅಂಗನವಾಡಿ ಮತ್ತು ಆಶಾ ಕಾರ್ಯಕರ್ತೆಯರು ಹಾಗು ಸ್ಥಳಿಯ ಯುವ ಮುಖಂಡರು ಭಾಗವಹಿಸಿ ಜನರಿಗೆ ಕಿಟ್ ವಿತರಿಸಿದರು.