ಹಸನಾಪುರದಲ್ಲಿ ಕುಡಿಯುವ ನೀರಿನ ವ್ಯವಸ್ಥೆಗೆ ಶಾಸಕ ರಾಜುಗೌಡಗೆ ಮನವಿ

ಸುರಪುರ: ನಗರಸಭೆ ವ್ಯಾಪ್ತಿಯ ವಾರ್ಡ್ ಸಂಖ್ಯೆ ೨೦ರ ಹಸನಾಪುರದಲ್ಲಿ ಕುಡಿಯುವ ನೀರಿನ ವ್ಯವಸ್ಥೆ ಕಲ್ಪಿಸುವಂತೆ ಶಾಸಕ ನರಸಿಂಹ ನಾಯಕ (ರಾಜುಗೌಡ)ಗೆ ಮುಖಂಡರು ಮನವಿಯನ್ನು ಸಲ್ಲಸಿದರು.

ಮನವಿಯನ್ನು ಸ್ವೀಕರಿಸಿದ ಶಾಸಕ ರಾಜುಗೌಡ ಮಾತನಾಡಿ,ಈಗಾಗಲೇ ಹಸನಾಪುರದಲ್ಲಿ ೨೮ ಜನರಲ್ಲಿ ಕೊರೊನಾ ಸೊಂಕು ಕಾಣಿಸಿಕೊಂಡಿದೆ ಅಲ್ಲದೆ ಮೂರು ಜನರು ಕೊರೊನಾದಿಂದ ನಿಧನರಾಗಿದ್ದಾರೆ.ಆದ್ದರಿಂದ ಎಲ್ಲರೂ ಕಡ್ಡಾಯವಾಗಿ ಕೊರೊನಾ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವಂತೆ ಸಲಹೆ ನೀಡಿದರು.

ಯಾರಲ್ಲಿ ಪಾಸಿಟಿವ್ ಇದೆ ಎನ್ನುವುದು ಗೊತ್ತಾಗುವುದಿಲ್ಲ,ಪಾಸಿಟಿವ್ ಇರುವವರು ನಳಗಳಿಗೆ ನೀರಿಗೆ ಬಂದಂತ ಸಂದರ್ಭದಲ್ಲಿ ಜನರು ಸೇರುವುದರಿಂದ ಮತ್ತೊಬ್ಬರಿಗೂ ಹರಡುವ ಸಾಧ್ಯತೆ ಇರಲಿದೆ.ಆದ್ದರಿಂದ ನಗರಸಭೆಯಿಂದ ಕೂಡಲೇ ಪ್ರತಿ ಮನೆಗಳಿಗೂ ನೀರು ಸರಬರಾಜು ಆಗುವಂತೆ ಕ್ರಮ ಕೈಗೊಳ್ಳುವಂತೆ ಸ್ಥಳದಲ್ಲಿದ್ದ ನಗರಸಭೆ ಪೌರಾಯುಕ್ತ ಜೀವನಕುಮಾರ್ ಕಟ್ಟಿಮನಿಗೆ ಸೂಚಿಸಿದರು.

ಹಸನಾಪುರ ಪ್ರತಿ ಮನೆಗಳಿಗೆ ಆಹಾರ ಪದಾರ್ಥಗಳ ವಿತರಿಸಿದ ಸದಸ್ಯೆ

ಈ ಸಂದರ್ಭದಲ್ಲಿ ಮುಖಂಡ ಮಲ್ಲು ಬಿಲ್ಲವ್ ಮಾತನಾಡಿ,ಜನರು ಕೊರೊನಾ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ವಿನಂತಿ ಮಾಡಿದರು ನಿರ್ಲಕ್ಷ್ಯ ತೋರುತ್ತಿದ್ದಾರೆ ಎಂದು ತಿಳಿಸಿದ ನಂತರ ಶಾಸಕರು ಜನರಿಗೆ ಕೈ ಮುಗಿದು ಕೇಳಿಕೊಳ್ಳುತ್ತೇವೆ ದಯವಿಟ್ಟು ಎಲ್ಲರು ಕೊರೊನಾ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ವಿನಂತಿಸಿದರು.

ನಂತರ ಶಾಸಕರಿಗೆ ಅನೇಕ ಮುಖಂಡರು ಮೂಲಭೂತ ಸಮಸ್ಯೆ ಪರಿಹರಿಸಲು ಹಾಗು ಕೊರೊನಾ ದಿಂದ ಮೃತಪಟ್ಟ ವ್ಯಕ್ತಿಯ ಕುಟುಂಬಕ್ಕೆ ಪರಿಹಾರ ನೀಡುವಂತೆ ಹಾಗು ಬಡ ಜನರಿಗೆ ಶಾಸಕ ಪರಿಹಾರ ನಿಧಿಯಿಂದ ಸಹಾಯ ಮಾಡುವಂತೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ವೇಣುಗೋಪಾಲ ಜೇವರ್ಗಿ ಬಿ.ಎಮ್.ಕಳ್ಳಿಕೋಟೆ ಡಿವೈಎಸ್ಪಿ ವೆಂಕಟೇಶ ಹುಗಿಬಂಡಿ ಸ್ಥಳಿಯ ಮುಖಂಡರಾದ ಹೊನ್ನಪ್ಪ ತಳವಾರ ಮಲ್ಕಪ್ಪ ತೇಲ್ಕರ್ ಶ್ರೀಮಂತ ಚಲುವಾದಿ ಅರವಿಂದ ಬಿಲ್ಲವ್ ಶಿವಪ್ಪ ಉಲ್ಪೇನರ್ ಮಾನಪ್ಪ ಚಲುವಾದಿ ಮಹೇಶ ಉಲ್ಪೇನರ್ ದೇವಿಂದ್ರಪ್ಪ ಸೂಗುರು ಹರೀಶ್ ತ್ರಿವೇದಿ ಸೇರಿದಂತೆ ಅನೇಕರಿದ್ದರು.