ಕ್ರೈಸ್ತ ದಿ ಕಿಂಗ್ ಶಾಲೆಯ ಮೇಲೆ ಕ್ರಮಕ್ಕೆ ಕುಮಾರಸ್ವಾಮಿ ಸೇನೆ ಮನವಿ

ಸುರಪುರ: ನಗರದಲ್ಲಿರುವ ಕ್ರೈಸ್ತ ದಿ ಕಿಂಗ್ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಕಿರಕುಳ ನೀಡಲಾಗುತ್ತಿದೆ ಎಂದು ಹೆಚ್.ಡಿ.ಕುಮಾರಸ್ವಾಮಿ ಸೇನೆ ರಾಜ್ಯ ಕಾರ್ಯಾಧ್ಯಕ್ಷ ವೆಂಕೋಬ ದೊರೆ ಆಕ್ರೋಶ ವ್ಯಕ್ತಪಡಿಸಿದರು.

ಕ್ಷೆತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಮುಂದೆ ಹಮ್ಮಿಕೊಂಡಿದ್ದ ಹೋರಾಟದ ನೇತೃತ್ವ ವಹಿಸಿ ಮಾತನಾಡಿ,ಕ್ರೈಸ್ತ ದಿ ಕಿಂಗ್ ಶಾಲೆಯ ಆಡಳಿತ ಮಂಡಳಿ ವಿದ್ಯಾರ್ಥಿಗಳ ಶೋಷಣೆ ಮಾಡುತ್ತಿದೆ.ಯಾವುದೆ ಮಗು ಫೀಜು ನೀಡಲು ವಿಳಂಬವಾದರೆ ಕಿರಕುಳ ನೀಡದಂತೆ ಸರಕಾರ ಹೇಳುತ್ತದೆ.ಆದರೆ ಈ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಹಾಗು ಪೋಷಕರಿಗೆ ಮುನ್ಸೂಚನೆ ಇಲ್ಲದೆ ನೊಂದಣಿ ರದ್ದು ಮಾಡುತ್ತಿದ್ದಾರೆ.ಬಡ ಕುಟುಂಬದ ಇಬ್ಬರು ವಿದ್ಯಾರ್ಥಿಗಳಾದ ದೇವರಾಜ ಮತ್ತು ಐಶ್ವರ್ಯ ಎಂಬ ಮಕ್ಕಳ ಟಿ.ಸಿ ಕಿತ್ತಿ ಹಾಕಿದ್ದು ಇದರಿಂದ ಮಕ್ಕಳ ಓದಿಗೆ ಶಾಲೆಯ ಮಂಡಳಿ ಕೊಳ್ಳಿ ಇಟ್ಟಿದೆ.

ಈ ಶಾಲೆಯ ಬಗ್ಗೆ ಹಿಂದಿನಿಂದಲು ಅನೇಕ ಬಾರಿ ಕಂಪ್ಲೇಂಟ್ ಇವೆ,ಆದರೆ ಅಧಿಕಾರಿಗಳು ಶಾಲೆಯ ಆಡಳಿತ ಮಂಡಳಿ ಮೇಲೆ ಯಾವುದೆ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.ನಂತರ ಕ್ರಮಕ್ಕಾಗಿ ಶಿಕ್ಷಣ ಇಲಾಖೆಯ ಆಯುಕ್ತರಿಗೆ ಬರೆದ ಮನವಿಯನ್ನು ಕ್ಷೇತ್ರ ಶಿಕ್ಷಣಾಧಿಕಾರಿ ಅಮರೇಶ ಕುಂಬಾರವರಿಗೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಗೋಪಾಲ ಬಾಗಲಕೋಟೆ,ಮಾನಯ್ಯ ದೊರೆ,ಕೃಷ್ಣಾ ದಿವಾಆಕರ,ಕೇಶಣ್ಣ ದೊರೆ,ಬಸವರಾಜ ಕವಡಿಮಟ್ಟಿ,ದೇವಪ್ಪ ದೇವರಮನಿ ಸೇರಿದಂತೆ ಅನೇಕರಿದ್ದರು.