ಉತ್ತಮ ಕೆಲಸದಿಂದ ಗುರುತಿಸಿಕೊಂಡವರು ಮ್ಯಾನೇಜರ್ ವಿ.ನಾಗರಾಜ-ಮದ್ರಕಿ

ಶಹಾಬಾದ: ನಗರದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ವ್ಯವಸ್ಥಾಪಕರಾಗಿ ವಿ.ನಾಗರಾಜ ಆಗಮಿಸಿದಾಗಿನಿಂದಲೂ ಅವರು ಒಳ್ಳೆಯ ಕೆಲಸ ಮಾಡುವ ಮೂಲಕ ತಾಲೂಕಿನಲ್ಲಿ ಜನಮನ್ನಣೆ ಪಡೆದವರು ಎಂದು ಓಂ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಬಸವರಾಜ ಮದ್ರಕಿ ಹೇಳಿದರು.

ಅವರು ನಗರದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಶಾಖೆಯ ವ್ಯವಸ್ಥಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದ ವಿ.ನಾಗರಾಜ ವರ್ಗಾವಣೆಗೊಂಡ ಹಿನ್ನೆಲೆಯಲ್ಲಿ ಆಯೋಜಿಸಲಾದ ಬೀಳ್ಕೊಡುಗೆ ಸಮಾರಂಭದ ಅತಿಥಿಗಳಾಗಿ ಮಾತನಾಡಿದರು.

ಯಾವತ್ತಿಗೂ ಬೇಸರವಿಲ್ಲದೇ ಗ್ರಾಹಕರಿಗೆ ಸ್ಪಂದಿಸುತ್ತ ಕೆಲಸ ಮಾಡಿದವರು. ಅವರು ವರ್ಗಾವಣೆಗೊಂಡಿರುವುದು ನಮಗೆಲ್ಲ ಬೇಸರ ತಂದಿದೆ. ತಮ್ಮ ಉತ್ತಮ ಕೆಲಸದ ಮೂಲಕ ಗುರುತಿಸಿಕೊಂಡವರು.ಬ್ಯಾಂಕಿನಲ್ಲಿ ಸಾಲವನ್ನು ಪಡೆಯಲು ಗ್ರಾಹಕರೇ ಬಂದು ಬೇಟಿ ಮಾಡಿ.ದಲ್ಲಾಳಿಗಳ ಮೂಲಕ ಬರಬೇಡಿ ಎಂದು ಜಾಗೃತಿ ಮೂಡಿಸಿದಲ್ಲದೇ, ದಲ್ಲಾಳಿಗಳಿಗೆ ಬ್ಯಾಂಕಿನಲ್ಲಿ ಜಾಗ ಇಲ್ಲದಂತೆ ಮಾಡಿ ಗ್ರಾಹಕರಿಗೆ ಅನುಕೂಲ ಮಾಡಿಕೊಟ್ಟದ್ದರು.ಎಲ್ಲಾ ಜನರ ಕಷ್ಟಗಳಿಗೆ ಮಿಡಿಯುವ ಹೃದಯವಂತಿಕೆ ಅವರಲ್ಲಿ ಇತ್ತು. ವರ್ಗಾವಣೆ ಎಂಬುದು ಅನಿವಾರ್ಯ.ಇಲಾಖೆಯ ಆದೇಶ ಪಾಲಿಸುವುದು ಅವರ ಕರ್ತವ್ಯ.ಅವರು ಎಲ್ಲೇ ಹೋದರೂ ತಾಲೂಕಿನ ಜನರು ಅವರನ್ನು ಎಂದಿಗೂ ಮರೆಯುವುದಿಲ್ಲ ಎಂದು ಹೇಳಿದರು.

ಸನ್ಮಾನ ಸ್ವೀಕರಿಸಿಕೊಂಡು ಮಾತನಾಡಿದ ಎಸ್‌ಬಿಹೆಚ್ ಶಾಖೆಯ ವ್ಯವಸ್ಥಾಪಕ ವಿ.ನಾಗರಾಜ, ಸೇವೆಯೆಂದರೆ ಬರಿ ವೇತನಕ್ಕಾಗಿ ಮಾಡುವುದಲ್ಲ.ಅಲ್ಲದೇ ನಮ್ಮ ಜೀವನೋಪಾಯಕ್ಕಾಗಿ ಕೆಲಮಾಡುವುದಲ್ಲ.ಅದರ ಬದಲಾಗಿ ಸಂಸ್ಥೆಯ ಅಭಿವೃದ್ಧಿ ಗ್ರಾಹಕರ ಅನುಕೂಲಕ್ಕೆ ಅನುಗುಣವಾಗಿ ಸೇವೆ ಮಾಡಿದಾಗ ನಾವು ವೇತನ ಪಡೆದದ್ದು ಸಾರ್ಥಕವಾಗುತ್ತದೆ.ಜನರಿಗೆ ಬೇಕಾದ ಅಗತ್ಯ ಸೇವೆ ಒದಗಿಸಿ ಅವರ ಸಮಸ್ಯೆಗಳನ್ನು ಬಗೆಹರಿಸಿದ ತೃಪ್ತಿ ಭಾವ ನನ್ನಲ್ಲಿದೆ. ಈ ಶಾಖೆಗೆ ಬಂದ ಮೇಲೆ ಒಳ್ಳೆಯ ಕಾರ್ಯ ಮಾಡಲು ತಾಲೂಕಿನ ಮುಖಂಡರು, ಗ್ರಾಹಕರು, ಸಿಬ್ಬಂದಿ ವರ್ಗವದರು ಒಳ್ಳೆಯ ಸಹಕಾರ ನೀಡಿದ್ದಾರೆ.ಅದೇ ರೀತಿಯಾಗಿ ಮುಂದೆ ಬರುವ ಅಧಿಕಾರಿಗಳಿಗೂ ಕೂಡ ಇದೇ ಸಹಾಯ ಸಹಕಾರ ನೀಡಿ. ಕೆಲಸ ಮಾಡುವ ಸಂಸ್ಥೆಯ ಪ್ರಗತಿಗೆ ಕಾರಣಿಭೂತರಾಗಬೇಕೆಂದು ಹೇಳಿದರು.

ಮರಲಿಂಗ ಗಂಗಭೋ, ಬೆಳ್ಳಪ್ಪ ಕಣದಾಳ, ಶೇಖ ಚಾಂದ್ ವಾಹೀದಿ, ನಾಗರಾಜ ದಂಡಾವತಿ ಮಲ್ಲಿನಾಥ ಪಾಟೀಲ, ವಿವಿಧ ಶಾಲೆಯ ಶಿಕ್ಷಕರು, ಸರಕಾರಿ ನೌಕರರು, ಉದ್ದಿಮೆದಾರರು ಹಾಗೂ ಗ್ರಾಹಕರು ಇದ್ದರು.