ಮನೆಗೊಂದು ಮಗುವಿನಂತೆ ಮನೆಗೊಂದು ಗಿಡ ಬೆಳಸಿ:ಹಳ್ಳೆ ಕರೆ

ಚಿತ್ತಾಪುರ:ಪರಿಸರ ಬೆಳೆಸುವುದು ಪ್ರತಿಯೊಬ್ಬರ ಕರ್ತವ್ಯವಾಗಿದೆ. ಮನೆಗೊಂದು ಮಗುವಿನಂತೆ ಮನೆಗೊಂದು ಮರ ಬೆಳೆಸಿ ಎಂದು ತಹಶೀಲ್ದಾರ್ ಉಮಾಕಾಂತ ಹಳ್ಳೆ ಹೇಳಿದ್ದಾರೆ.

ಪಟ್ಟಣದ ಬಸವೇಶ್ವರ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ ಕೃಷಿ ಹಾಗೂ ಸಂಸ್ಕೃತಿ ಸಂಘ ಕಲಬುರ್ಗಿ ಹಾಗೂ ಕಲ್ಯಾಣ ಕರ್ನಾಟಕ ಸಾಂಸ್ಕೃತಿಕ ಪರಿಷತ್ ನಾವದಗಿ ವತಿಯಿಂದ ಸಸಿ ವಿತರಣೆ ಕಾರ್ಯಕ್ರಮದ ಉದ್ಘಾಟಿಸಿ ಮಾತನಾಡಿದ ಹಳ್ಳೆ ಅವರು ಪರಿಸರ ಕಾಪಾಡುವುದು ಬೆಳೆಸುವುದು ನಮ್ಮೆಲ್ಲರ ಆದ್ಯ ಕರ್ತವ್ಯವಾಗಿದೆ. ಗಿಡ ನೆಡುವುದು ಮುಖ್ಯವಲ್ಲ ಅದನ್ನು ಮಗುವಿನಂತೆ ಸಂರಕ್ಷಣೆ ಮಾಡಬೇಕು.ಕರೋನಾದ ಸಂದರ್ಭದಲ್ಲಿ ಆಮ್ಲಜನಕದ ಮಹತ್ವವನ್ನು ಎಲ್ಲರಿಗೂ ಅರ್ಥವಾಗಿದೆ.ಎಲ್ಲರೂ ಹೆಚ್ಚಿನ ಸಂಖ್ಯೆಯಲ್ಲಿ ಗಿಡಗಳನ್ನು ನೆಟ್ಟು ಪರಿಸರದ ಸಮತೋಲನವನ್ನು ಕಾಪಾಡಬೇಕು.ಗಿಡಗಳನ್ನು ನೀಡುವುದರಿಂದ ಸಮಯಕ್ಕೆ ಸರಿಯಾಗಿ ಮಳೆ-ಬೆಳೆ ಚೆನ್ನಾಗಿ ಆಗುತ್ತದೆ ಎಂದು ಹೇಳಿದರು.

ಸಂಘದ ಜಿಲ್ಲಾ ಸಂಚಾಲಕ ನಾಗಯ್ಯಾ ಸ್ವಾಮಿ ಅಲ್ಲೂರ್ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಸಂಘದ ಕಾರ್ಯ ವೈಖರಿಯನ್ನು ತಿಳಿಸಿದರು ಪ್ರತಿ ತಾಲೂಕಿನಲ್ಲಿ 5000 ಗಿಡಗಳನ್ನು ನೆಡುವ ಗುರಿಯಾಗಿದ್ದು,1 ವರ್ಷದಲ್ಲಿ 5 ಕೋಟಿ ಗಿಡಗಳನ್ನು ನೆಡುವ ಗುರಿ ಸಂಘದ ಅಧ್ಯಕ್ಷ ಬಸವರಾಜ ಪಾಟೀಲ ಸೇಡಂ ಹೊಂದಿದ್ದಾರೆ.ಅವರ ಗುರಿ ಈಡೇರಿಸಲು ನಾವೆಲ್ಲರೂ ಸಹಕಾರ ನೀಡಬೇಕು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಬಸವೇಶ್ವರ ವಿದ್ಯಾ ಸಂಸ್ಥೆಯ ಆಡಳಿತ ಮಂಡಳಿ ಸದಸ್ಯರಾದ ಡಾ.ಪ್ರಭುರಾಜ ಕಾಂತ, ವಿಕಾಸ ಅಕಾಡೆಮಿ ತಾಲೂಕ ಸಂಚಾಲಕ ಮನೋಹರ ಹಡಪದ್,ಸಾಹೇಬರೆಡ್ಡಿ ಬಂಗಾರಿ,ಲಲಿತಾ ರೇಶ್ಮಿ,ಶೈಲಜಾ ಹರಸೂರ್,ಶಂಭುಲಿಂಗ ವಿಶ್ವಕರ್ಮ,ದೇವಿಂದ್ರಪ್ಪಾ ತಳವಾರ,ಕಸ್ತೂರಿ, ಚಂದ್ರು ಅವಂಟಿ,ಸಾಬಣ್ಣ,ನಾಗರಾಜ ಕುಲಕರ್ಣಿ,ಅಕ್ಕಮಹಾದೇವಿ,ಸೇರಿದಂತೆ ಅನೇಕರು ಇದ್ದರು.