ಬಸ್ ನಿಲ್ದಾಣದಲ್ಲಿ ವೃದ್ಧೆಗೆ ಅತ್ಯಾಚಾರ ಮಾಡಿ ಕೊಲೆ

ಕಲಬುರಗಿ: ಜೇವರ್ಗಿಯ ಜೇರಟಗಿ ಗ್ರಾಮದ ಮುಖ್ಯ ರಸ್ತೆಗೆ ಹೊಂದಿಕೊಂಡಿರುವ ಬಸ್ ನಿಲ್ದಾಣ ಹತ್ತಿರದಲ್ಲಿ ಅರವತ್ತು ವರ್ಷಕ್ಕೂ ಮೇಲ್ಪಟ್ಟ ಮಾನಸಿಕ ಅಸ್ವಸ್ಥತೆಯನ್ನು ಅತ್ಯಾಚಾರವೆಸಗಿ ಕತ್ತು ಕೊಯ್ದು ಕೊಲೆ ಮಾಡಿರುವ ದಾರುಣ ಘಟನೆ ನಡೆದಿದೆ.

ಇಲ್ಲಿನ ರಸ್ತೆ ಬದಿಯ ಮಿನಿ ಬಸ್ ನಿಲ್ದಾಣದಲ್ಲಿ ಮಲಗಿದ್ದ ಮಾನಸಿಕವಾಗಿ ಅಸ್ವಸ್ಥರಾದ ವಯೋವೃದ್ಧೆ ಮೇಲೆ ಅಪರಿಚಿತವ್ಯಕ್ತಿ ಅತ್ಯಾಚಾರ ಮಾಡಿ ಕೊಲೆ ಮಾಡಿದ ಘಟನೆ ನಡೆದಿದೆ.

ಮೂಲತಹ ಸಿಂದಗಿ ತಾಲೂಕಿನ ಕುಮಸಗಿ ಗ್ರಾಮದ ಬಾಗಪ್ಪ ಎನ್ನುವ ಯುವಕನ ಜೊತೆ ಮದುವೆಯ ಮಾಡಿಕೊಡಲಾಗಿತ್ತು. ಈಕೆಗೆ ಒಂದು ಹೆಣ್ಣು ಮಗು ಇದ್ದು ಪತಿಯು ಮಗಳನ್ನು ದೂರ ಮಾಡಿದ್ದು ಬಿಟ್ಟುಹೋದ ಪರಿಣಾಮದಿಂದ ಮಾನಸಿಕವಾಗಿ, ಖಿನ್ನತೆಗೆ ಒಳಗಾಗಿ ಕಳೆದ 20 ವರ್ಷಗಳಿಂದ ಇಲ್ಲಿನ ಜೇರಟಗಿ ಮುಖ್ಯರಸ್ತೆ ಹಾಗೂ ಸುತ್ತಮುತ್ತಲಿನ ಅಂಗಡಿಗಳಲ್ಲಿ ಭಿಕ್ಷೆ ಬೇಡಿ ಮಾನಸಿಕ ಅಸ್ವಸ್ಥೆ ಯಾಗಿ ಜೀವನ ಸಾಗಿಸುತ್ತಿದ್ದಳೆ.

ಘಟನೆಯ ಕುರಿತು ಮೃತ ಮಾನಸಿಕ ಅಸ್ವಸ್ಥೆಯ ಸಹೋದರ ಭೀಮರಾಯ ರೇವಪ್ಪ ನಾಯ್ಕೋಡಿ ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿದ್ದಾರೆ.

ಘಟನಾಸ್ಥಳಕ್ಕೆ ಜೇವರ್ಗಿ ಪೊಲೀಸ್ ಠಾಣೆಯ ಜೇವರ್ಗಿ ಸಿಪಿಐ-ಎಂ ಶಿವಪ್ರಸಾದ್ ಸೇರಿದಂತೆ ನೆಲೋಗಿ ಪೊಲೀಸ್ ಠಾಣೆಯ ಪಿಎಸ್ಐ ರಾಜಕುಮಾರ್ ದ್ಯಾಮಗೊಂಡ ಹಾಗೂ ಸಿಬ್ಬಂದಿಗಳು ಭೇಟಿ ನೀಡಿ ಸ್ಥಳ ಪರಿಶೀಲನೆ ನಡೆಸಿ ಆರೋಪಿಗಳ ಬಂಧನಕ್ಕೆ ಶೋಧ ಕಾರ್ಯಾ ನಡರಸುತ್ತಿದ್ದಾರೆ.