ಸುರಪುರ:ಮಸೀದಿಯಲ್ಲಿ ಸಾಮೂಹಿಕ ಪ್ರಾರ್ಥನೆಯ ಬಕ್ರೀದ್ ಆಚರಣೆ

ಸುರಪುರ: ನಗರದ ವಿವಿಧ ಮಸೀದಿಗಳಲ್ಲಿ ಕೋವಿಡ್ ನಿಯಮಗಳ ಪಾಲನೆಯೊಂದಿಗೆ ಸಾಮೂಹಿಕ ಪ್ರಾರ್ಥನೆ ಮೂಲಕ ಮುಸ್ಲಿಂ ಬಾಂಧವರು ಬಕ್ರೀದ್ ಹಬ್ಬ ಆಚರಿಸಿದರು.

ನಗರದ ಮೊಜಂಪುರದಲ್ಲಿಯ ಮಸೀದಿಯಲ್ಲಿ ಅನೇಕ ಜನರು ಬುಧವಾರ ಬೆಳಿಗ್ಗೆ ಕೋವಿಡ್ ನಿಯಮಗಳ ಪಾಲಿಸಲು ಎಲ್ಲರು ಮಾಸ್ಕ್ ಧರಿಸಿ ಆಗಮಿಸಿ ಸ್ಯಾನಿಟೈಜರ್ ಬಳಸುವ ಜೊತೆಗೆ ಥರ್ಮಲ್ ಸ್ಕ್ಯಾನ್ ಮಾಡಿ ನಂತರ ಮಸೀದಿಯಲ್ಲಿ ಪ್ರತಿಶತ ೫೦ ರಷ್ಟು ಜನರು ಸಾಮೂಹಿಕ ಪ್ರಾರ್ಥನೆ ಮಾಡಿ ಹಬ್ಬ ಆಚರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡರು,ನಮ್ಮ ದೊಡ್ಡ ಹಬ್ಬಗಳಲ್ಲಿ ಒಂದಾಗಿರುವ ಬಕ್ರೀದ್ ಹಬ್ಬದ ಅಂಗವಾಗಿ ಪ್ರತಿವರ್ಷ ಈದ್ಗಾದಲ್ಲಿ ಎಲ್ಲರು ಸೇರಿ ಪ್ರಾರ್ಥನೆ ಮಾಡುತ್ತಿದ್ದೇವು.ಆದರೆ ಈ ವರ್ಷ ಕೊರೊನಾ ನಿಯಮಗಳ ಪಾಲನೆಯೊಂದಿಗೆ ಹಬ್ಬ ಆಚರಿಸಬೇಕಾಗಿರುವುದರಿಂದ ಈದ್ಗಾ ಬದಲಾಗಿ ನಮ್ಮ ನಮ್ಮ ಮಸೀದಿಗಳಲ್ಲಿಯೆ ಸಾಮೂಹಿಕ ಪ್ರಾರ್ಥನೆಯನ್ನು ಮಾಡುತ್ತಿರುವುದಾಗಿ ತಿಳಿಸಿದರು.ಅಲ್ಲದೆ ಮಸೀದಿಯಲ್ಲಿ ಪ್ರತಿಬಾರಿಗಿಂತ ಅರ್ಧದಷ್ಟು ಜನರು ಮಾತ್ರ ಸೇರಿ ನಮಾಜ್ ಮಾಡುವ ಮೂಲಕ ಸರಳವಾಗಿ ಹಬ್ಬ ಆಚರಿಸುತ್ತಿರುವುದಾಗಿ ತಿಳಿಸಿದರು.

ಈ ಸಂದರ್ಭದಲ್ಲಿ ಖಾಜಾ ಸನ್‌ಊರ್ ರಹಮಾನ್ ಅನ್ಸಾರಿ ಸಾಬ್,ಎಸ್.ಎಮ್.ಬುಖಾರಿ,ಕಲೀಂ ಫರೀದಿ ಸಾಬ್,ಅಬೀದ್ ಹುಸೇನ್ ಪಗಡಿ,ಅನ್ಸಾರಿ ಸಾಬ್,ಸಲೀಂ ಸಾಬ್,ಅಬೀದ್ ಅಲಿ,ಮಹ್ಮದ್ ಸಯ್ಯದ್ ಮಜರ್ ಸಾಬ್,ಮುರ್ತುಜಾ ಪಟೇಲ್,ಇಮ್ರಾನ್ ಖಾನ್ ಸೇರಿದಂತೆ ಅನೇಕರಿದ್ದರು.