ಅವೈಜ್ಞಾನಿಕ ರಸ್ತೆ ಅಗಲಿಕರಣ, ಗ್ರಾಮದಲ್ಲಿ ಅಶಾಂತಿ ಉಂಟು ಮಾಡುತ್ತಿರುವವರ ವಿರುದ್ಧ ಕ್ರಮಕ್ಕೆ ಆಗ್ರಹ

ಕಲಬುರಗಿ: ಅಳಂದ ತಾಲೂಕಿನ ನಿಂಬರ್ಗಾ ಗ್ರಾಮದಲ್ಲಿ ಅವೈಜ್ಞಾನಿಕವಾಗಿ ರಸ್ತೆ ಅಗಲೀಕರಣ ತಡೆದು ಗ್ರಾಮದಲ್ಲಿ ಶಾಂತಿ ಭಂಗ ಉಂಟು ಮಾಡುತ್ತಿರುವವರ ಮೇಲೆ ಕಾನೂನು ಕ್ರಮಕ್ಕೆ ಆಗ್ರಹಿಸಿ ಉಪವಾಸ ಧರಣಿ ಸತ್ಯಾಗ್ರಹ ಹಮ್ಮಿಕೊಳ್ಳಲಾಯಿತು.

ನಿಂಬರ್ಗಾ ಗ್ರಾಮದಲ್ಲಿ 2017-18ನೇ ಸಾಲಿನ ಹೆಚ್‌.ಕೆ.ಆರ್‌.ಡಿ.ಬಿ ಯೋಜನೆ ಅಡಿಯಲ್ಲಿ ಡಾ. ಬಿ.ಆರ್‌. ಅ೦ಬೇಡ್ಕರರವರ ವೃತ್ತದಿಂದ ಕಂಬಾರ ಆ೦ಗಡಿಯವರೆಗೆ ರಸ್ತೆಗೆ ಡಾಂಬರೀಕರಣ ಮಂಜೂರು ಆಗಿದ್ದು. ಕಾಮಗಾರಿಯನ್ನು ಲೋಕೋಪಯೋಗಿ ಇಲಾಖೆಯ ನಿಯಮಾನುಸಾರ ರಸ್ತೆಗೆ ಕಾಮಗಾರಿ ನಡೆಸಬೇಕು, ಆದರೆ ಗ್ರಾಮ ಪಂಚಾಯತ ಅಡಳಿತ ಮಂಡಳಿ ರಸ್ತೆ ಅಗಲಿಕರಣದ ವಿಷಯದಲ್ಲಿ ರಾಜಕೀಯ ಬೇರಸಿ, ಠರಾವ್ಪ ಮಾಡಿ ಇಡೀ ಗಾಮದಲ್ಲಿ ಅಶಾಂತಿ ಮೂಡಿಸಿದ್ದಾರೆ ಎಂದು ಹೋರಾಟದ ನೇತೃತ್ವ ವಹಿಸಿದ ಭೀಮಶ್ಯಾ ಕಲ್ಲಪ್ಪ ವಗ್ದರ್ಗಿ ಅವರು ತಿಳಿಸಿದರು.

ತಾಂತ್ರಿಕ ಮಂಜೂರಾತಿ ಪಡೆದಷ್ಟು ರಸ್ತೆ ಅಗಲೀಕರಣ ಮಾಡದೇ ಸುಮಾರು ಬಡವರ, ದಲಿತರ ಮನೆಗಳಿಗೆ ಧಕ್ಕೆ ತರುವ ಮತ್ತು ಬಡವರಿಗೆ ಬೀದಿ ಪಾಲು ಮಾಡಲು ಗ್ರಾಮದ ಕೆಲರಾಜಕೀಯ ಪುಡಾರಿಗಳು ಹೊಂಜು ಹಾಕುತ್ತಲಿದ್ದಾರೆ ಎಂದು ಅವರು ಆರೋಪಿಸಿದರು.

ರಸ್ತೆ ಅಗಲೀಕರಣದ ವಿಷಯದಲ್ಲಿ ವಾಸ್ತವಿಕ ಅಂಶವನ್ನು ಬಜ್ಪಿಟ್ಟು ಕೆಲವರು ತಮ್ಮ ಹಿತಾಸಕ್ತಿಗೋಸ್ಕರ ಹುಸಿ ಧರಣಿ ಸತ್ಯಾಗಹ ಮಾಡಿ ಜನರಿಗೆ ಮತ್ತು ಸರಕಾರಕ್ಕೆ ತಪ್ಪು ಮಾಹಿತಿ ನೀಡುತ್ತಿದ್ದಾರೆ. ಜಿಲ್ಲಾ ಆಡಳಿತ ಮಧ್ಯ ಪ್ರವೇಶಿಸಿ ಸಮಸ್ಯೆ ಪರಿಹರಿಸಬೇಕೆಂದು ಪ್ರತಿಭಟನಾ ಕಾರರು ಆಗ್ರಹಿಸಿದರು.

ಪ್ರತಿಭಟನೆಯಲ್ಲಿ ಮಹಾದೇವ ಚಂದ್ರಪ್ಪ ಚಿಂಚೋಳಿ, ಪ್ರಕಾಶ ಬಸವಂತರಾಯ, ಬಸವರಾಜ ನಾಗಣ್ಣ ಬೀಬರಾಣಿ, ಶಾಮರಾವ ಚಂದ್ರಪ್ಪ ಜಿಡಗಿ, ಬಂಡಪ್ಪ ನಿಂಗಪ್ಪ ಬಣಗಾರ, ಇಸ್ಮಾಯಿಲ್ ಸಾಬ ಚೌದರಿ, ಶಂಕರ ಜವಳಿ, ಭೀಮಣ್ಣ ದೊಡ್ಡಮನಿ ಸೇರಿದಂತೆ ಮುಂತಾದವರು ಈ ಸಂದರ್ಭದಲ್ಲಿ ಇದ್ದರು.