ಶಾಸಕ ಡಾ. ಅವಿನಾಶ ಜಾಧವಗೆ ಮಂತ್ರಿ ಸ್ಥಾನ ನೀಡಲು ಮಸ್ತಾನ ಸಾಬ ರಟಕಲ್ ಮನವಿ

ಚಿಂಚೋಳಿ; ಕ್ಷೇತ್ರದ ಶಾಸಕರಾದ ಡಾ.ಅವಿನಾಶ ಜಾಧವ ಅವರಿಗೆ ಬರುವ ಸಂಪುಟ ವಿಸ್ತರಣೆಯಲ್ಲಿ ಸಚಿವ ಸ್ಥಾನ ನೀಡಬೇಕು ಎಂದು ಬಿಜೆಪಿ ಅಲ್ಪಸಂಖ್ಯಾತರ ಘಟಕದ ತಾಲ್ಲೂಕು ಮಾಜಿ ಅಧ್ಯಕ್ಷರಾದ ಮಸ್ತಾನ ಸಾಬ ಮೆಡಿಕಲ್ ನೂತನ ಮುಖ್ಯಮಂತ್ರಿ ಬಸವರಾಜ್ ಬೋಮ್ಮಾಯಿ ಅವರಿಗೆ ಮನವಿ ಮಾಡಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಚಿಂಚೋಳಿ ಕ್ಷೇತ್ರದ ಅಭಿವೃದ್ಧಿ ಹಾಗೂ ಪಕ್ಷ ಬಲ ಪಡಿಸಿ ಶಕ್ತಿ ತುಂಬಲು ಹಗಲಿರುಳು ಶ್ರಮಿಸುತ್ತಿರುವ ಸಂಸದರಾದ ಡಾ. ಉಮೇಶ್ ಜಾಧವ್ ಮತ್ತು ಶಾಸಕ ಡಾ. ಅವಿನಾಶ ಜಾಧವ್ ಹೆಚ್ಚು ಒತ್ತು ನೀಡಿದ್ದು, ಜನರ ಸೇವೆಗೆ ಮೊದಲ ಆಧ್ಯತೆ ನೀಡುವವರಾಗಿದ್ದಾರೆ. ಅವರ ಕಾರ್ಯಾ ಕ್ಷಮತೆ ಮತ್ತು ಜನರ ಬಗ್ಗೆ ಇರುವ ಕಾಳಜಿ ಮತ್ತು ರಾಜಕೀಯ ಹಿನ್ನೆಲೆಯಲ್ಲಿ ಅವರಿಗೆ ಮಂತ್ರಿ ಸ್ಥಾನ ನೀಡಬೇಕೆಂದು ತಿಳಿಸಿದ್ದಾರೆ.

ಕಲ್ಯಾಣ ಕರ್ನಾಟಕ ಭಾಗದ ಅಭಿವೃದ್ಧಿ ಕಾರ್ಯಾ ಚುರುಕು ನೀಡುವ ಉದ್ದೇಶದಿಂದ ಈ ಭಾಗದ ಶಾಸಕರಾದ ಅವಿನಾಶ ಜಾಧವ್ ಅವರಿಗೆ ಮಂತ್ರಿ ಸ್ಥಾನ ನೀಡಬೇಕೆಂದು ಮಸ್ತಾನ ಸಾಬ್ ಮನವಿ ಮಾಡಿದ್ದಾರೆ.