ಸಾಧಕ ಪ್ರತಿನಿಧಿಗಳಿಗೆ ಪ್ರಶಸ್ತಿ ವಿತರಣೆ.

ಕಲಬುರಗಿ: ಕಠಿಣ ಪರಿಶ್ರಮದಿಂದ ಮನುಷ್ಯನು ಸಾಧನೆಯ ಶಿಖರವೇರಬಹುದು ಎಂದು ಉತ್ತರ ಕರ್ನಾಟಕ  ಧಾರವಾಡ ವಿಭಾಗದ ಜನರಲ್ ಪೋಸ್ಟ್ ಮಾಸ್ಟರಾದ ಡಾ. ಎನ್. ವಿನೋದ ಕುಮಾರ ಹೇಳಿದರು.

ನಗರದ ಮುಖ್ಯ ಅಂಚೆ ಕಚೇರಿ ಯಲ್ಲಿ 2020-21 ಆರ್ಥಿಕ ಸಾಲಿನ ತ್ರೈಮಾಸಿಕ ಅವಧಿಯಲ್ಲಿ ಗರಿಷ್ಠ ಹಣ ಹೂಡಿಕೆ ಮಾಡಿಸುವಲ್ಲಿ ಅವಿರತ  ಪರಿಶ್ರಮ ಪಟ್ಟ ಸಣ್ಣ ಉಳಿತಾಯ ಪ್ರತಿನಿಧಿಗಳಗಳಿಗೆ ಪ್ರಶಸ್ತಿ ನೀಡಿ ಮಾತನಾಡುತ್ತಾ ವಿಶ್ವಾಸಕ್ಕೆ ಇನ್ನೊಂದು ಹೆಸರೇ ಅಂಚೆ ಕಚೇರಿ ಮಕ್ಕಳ  ಭವಿಷ್ಯಕ್ಕಾಗಿ ಅಂಚೆ ಕಚೇರಿಯಲ್ಲಿ ಸಾರ್ವಜನಿಕರು ಹೆಚ್ಚು ಹಣ ಹೂಡಿ ಲಾಭ ಪಡೆದುಕೊಳ್ಳಬೇಕೆಂದು ಹೇಳಿದರು.

ವೇದಿಕೆಯ ಮೇಲೆ ಕಲಬುರಗಿ ವಿಭಾಗದ ವರಿಷ್ಠ ಅಂಚೆ ಕಚೇರಿಯ ಅಧೀಕ್ಷಕರಾದ ಶ್ರೀ ಬಿ. ಆರ್. ನನಜಗಿ,ಅಂಚೆ ಅಧಿಕಾರಿಯಾದ ಶ್ರೀ ಅಶೋಕ ಉಪಸ್ಥಿತರಿದ್ದರು.ಇದೇ ಸಂದರ್ಭದಲ್ಲಿ ಸಣ್ಣ ಉಳಿತಾಯದಲ್ಲಿ ಅತಿ ಹೆಚ್ಚು ಹಣ ಹೂಡಿಕೆ ಮಾಡಿದ ಹಿರಿಯ ಪ್ರತಿನಿಧಿಯಾದ  ಸಂಗಮೇಶ ಸರಡಗಿ ಅವರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಕಾರ್ಯಕ್ರಮದಲ್ಲಿ ಅಂಚೆ ಕಚೇರಿಯ ಅಧಿಕಾರಿಗಳು, ಸಿಬ್ಬಂದಿಗಳು, ಪ್ರತಿನಿಧಿಗಳು ಭಾಗವಹಿಸಿದ್ದರು.