ಗುತ್ತೇದಾರ ಶಾಲೆ ವಿದ್ಯಾರ್ಥಿ ಆಂಗ್ಲ್ ಮಾಧ್ಯಮದಲ್ಲಿ ತಾಲೂಕಿಗೆ ಪ್ರಥಮ

ಆಳಂದ: ಪಟ್ಟಣದ ಪ್ರತಿಷ್ಠಿತ ಎಸ್‌ಆರ್‌ಜಿ ಫೌಂಡೇಶನ್ ಅಡಿಯಲ್ಲಿ ನಡೆಯುತ್ತಿರುವ ಎಸ್‌ಆರ್‌ಜಿ ಆಂಗ್ಲ್ ಮಾಧ್ಯಮ ಶಾಲೆಯ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿ ಆಂಗ್ಲ್ ಮಾಧ್ಯಮ ವಿಭಾಗದಲ್ಲಿ ಸಾನಿಕಾ ರಮೇಶ ಸಂಗಾ ಶೇ. ೯೭.೯೨ರಷ್ಟು ಅಂಕಗಳನ್ನು ಪಡೆಯುವುದರ ಮೂಲಕ ತಾಲೂಕಿಗೆ ಪ್ರಥಮ ಸ್ಥಾನ ಪಡೆದಿದ್ದಾಳೆ.

ಪರೀಕ್ಷೆಗೆ ಕುಳಿತ ಶಾಲೆಯ ೩೬ವಿದ್ಯಾರ್ಥಿಗಳು ಡಿಸ್ಟಿಕ್ಷನ್‌ನಲ್ಲಿ ಪಾಸಾಗಿದ್ದು, ೪ ವಿದ್ಯಾರ್ಥಿಗಳು ಪ್ರಥಮ ಶ್ರೇಣಿಯಲ್ಲಿ ಪಾಸಾಗಿದ್ದಾರೆ. ಶಾಲೆಗೆ ಪ್ರತಿಶತ ಫಲಿತಾಂಶ ಲಭ್ಯವಾಗಿದೆ. ಸತತ ೫ನೇ ವರ್ಷ ಶಾಲೆಗೆ ಪ್ರತಿಶತ ಫಲಿತಾಂಶ ಲಭ್ಯವಾಗುತ್ತಿದೆ. ಶಾಲೆಯ ರತ್ನದೀಪಾ ಬಸವರಾಜ ಪಾಟೀಲ ಶೇ. ೯೭.೭೬, ಸಂಧ್ಯಾ ಸಂಜಯಕುಮಾರ ಸಣ್ಮುಖ ಶೇ ೯೭.೪೪, ಸೃಷ್ಟಿ ಗುರುಲಿಂಗಪ್ಪ ಬಳಬಟ್ಟಿ ಶೇ. ೯೭.೧೨ ಅಂಕಗಳನ್ನು ಪಡೆದು ಉತ್ತಮ ಸಾಧನೆ ತೋರಿದ್ದಾರೆ.

ವಿದ್ಯಾರ್ಥಿಗಳ ಸಾಧನೆಗೆ ಸಂಸ್ಥೆಯ ಅಧ್ಯಕ್ಷರೂ ಹಾಗೂ ಶಾಸಕರಾದ ಸುಭಾಷ್ ಆರ್ ಗುತ್ತೆದಾರ, ಸಂಸ್ಥೆಯ ಕಾರ್ಯದರ್ಶಿಗಳೂ ಹಾಗೂ ಜಿ.ಪಂ ಮಾಜಿ ಸದಸ್ಯರಾದ ಹರ್ಷಾನಂದ ಗುತ್ತೇದಾರ, ಆಡಳಿತಾಧಿಕಾರಿ ಡಾ. ರಾಘವೇಂದ್ರ ಚಿಂಚನಸೂರ, ಪ್ರಾಚಾರ್ಯೆ ಜ್ಯೋತಿ ವಿಶಾಖ ಸೇರಿದಂತೆ ಸಿಬ್ಬಂದಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.

ಉತ್ತಮ ಫಲಿತಾಂಶ ತೋರಿದ ವಿದ್ಯಾರ್ಥಿಗಳಿಗೆ ಅಭಿನಂದನೆಗಳು. ಸತತ ೫ನೇ ವರ್ಷ ಶಾಲೆಗೆ ಶೇ. ೧೦೦% ಫಲಿತಾಂಶ ಲಭ್ಯವಾಗುತ್ತಿದೆ ಇದಕ್ಕಾಗಿ ಶ್ರಮಿಸಿದ ಬೋಧಕ ವರ್ಗಕ್ಕೂ ಅಭಿನಂದನೆಗಳು.- ಸುಭಾಷ್ ಆರ್ ಗುತ್ತೇದಾರ, ಅಧ್ಯಕ್ಷರು ಎಸ್‌ಆರ್‌ಜಿ ಫೌಂಡೇಶನ್ ಶಾಸಕರು ಆಳಂದ.