ಸುರಪುರ: ನಿಷ್ಠಿ ಕಡ್ಲಪ್ಪನವರ ವಿರಕ್ತಮಠದಲ್ಲಿ ಶ್ರಾವಣ ಶ್ರವಣ ಶಿವಾನುಭವ ಚಿಂತನ

ಸುರಪುರ: ಶರಣರು ಕಾಯಕದಲ್ಲಿ ಸಮಾನತೆಯನ್ನು ಸಾರಿದರು.ಯಾವುದೇ ಕೆಲಸವನ್ನು ನಿಷ್ಠೆಯಿಂದ ಮಾಡಬೇಕು ಶ್ರಾವಣಮಾಸದಲ್ಲಿ ಶರಣರು ದಾರ್ಶನಿಕರ ವಚನಗಳನ್ನು ಶ್ರವಣ ಮಾಡುವುದರ ಮೂಲಕ ತಮ್ಮ ಜೀವನವನ್ನು ಸಾರ್ಥಕ ಮಾಡಿಕೊಳ್ಳಬೇಕು ಎಂದು ಶ್ರೀ .ಮ.ನಿ.ಪ್ರ.ಪ್ರಭುಲಿನಗ ಮಹಾಸ್ವಾಮಿಗಳು ಶ್ರೀ ನಿಷ್ಟಿ ಕಡ್ಲಪ್ಪನವರ ವಿರಕ್ತಮಠದಲ್ಲಿ ಜರುಗಿದ ಶ್ರಾವಣ-ಶ್ರವಣ ಶಿವಾನುಭವ ಚಿಂತನದ ದಿವ್ಯ ಸಾನಿದ್ಯ ವಹಿಸಿ ನುಡಿದರು. ಮುಂದುವರೆದು ಮಾತನಾಡಿದ ಅವರು ಮಾನವೀಯ ಮೌಲ್ಯಗಳು ಜೀವನಾಧಾರವಾಗಿದ್ದು ಮೌಲ್ಯಯುತ ಜೀವನ ಸಾಗಿಸಿರಿ ಎಂದರು.

ಶರಣರ ವಚನಗಳಲ್ಲಿ ಕಾಯಕ ಮತ್ತು ಸಮಾನತೆ ಕುರಿತು ಚಿಂತನ ಮಾಡಿದ ಡಾ.ಮಲ್ಲಿಕಾರ್ಜುನ ಕಮತಗಿಯವರು,ಶರಣರು ಕಾಯಕಕ್ಕೆ ಹೆಚ್ಚು ಮಹತ್ವವನ್ನು ನೀಡಿದ್ದರು ಉದಾರಣೆಗೆ ಆಯ್ದಕ್ಕಿ ಲಕ್ಕಮ್ಮ ತಮ್ಮ ವಚನದಲ್ಲಿ ಕಾಯಕದಲ್ಲಿ ನಿರತನಾದರೆ ಲಿಂಗ ಮುಂದಿದ್ದರೂ ಹಂಗು ಹರಿಯಬೇಕು ಜಂಗಮ ಮುಂದಿದ್ದರೂ ಹಂಗು ಹರಿಯಬೇಕು ಗುರು ಮುಂದಿದ್ದರೂ ಹಂಗು ಹರಿಯಬೇಕು ಏಕೆಂದರೆ ಕಾಯಕವೇ ಕೈಲಾಸ ಎನ್ನುವ ವಚನದಲ್ಲಿ ಕಾಯಕದ ಮಹತ್ವವನ್ನು ಸುಂದರವಾಗಿ ವಿವರಿಸಿದ್ದಾರೆ.

ಶರಣರು ತಮ್ಮ ಜೀವನದಲ್ಲಿ ದುಡಿಯದೇ ಯಾವುದನ್ನು ಸ್ವೀಕರಿಸಬಾರದು ದುಡಿಮೆಯೇ ಭಗವಂತನನ್ನು ಕಾಣುವ ಏಕೈಕ ಮಾರ್ಗ ಎನ್ನುವ ತತ್ವದಡಿಯಲ್ಲಿ ಜೀವನವನ್ನು ಸಾಗಿಸಿ ಪಾವನ ಗೊಳಿಸಿದರು ಹಲವಾರು ಶರಣರ ವಿಚಾರಧಾರೆಗಳನ್ನು ಮಂಡಿಸುತ್ತಾ ಶರಣರು ತಮ್ಮ ಅನುಭವದ ಮೂಲಕ ಹೆಣ್ಣು-ಗಂಡು ಬೇರೆಯಲ್ಲ ಹೆಣ್ಣಿಗೂ ಸಮಾನವಾಗಿರುವಂತ ಅವಕಾಶಗಳನ್ನು ನೀಡಬೇಕು ಹೆಣ್ಣು-ಗಂಡು ಭೇದಭಾವ ಸರಿಯಲ್ಲ ಮೊಲೆ ಮೂಡಿ ಬಂದಿದೆ ಹೆಣ್ಣೆಂಬರು ಮೀಸೆ ಮೂಡಿ ಬಂದಿದೆ ಗಂಡೆಂಬರು ನಡುವೆ ಸುಳಿದಾಡುವ ಆತ್ಮಕ್ಕೆ ಗಂಡು ಇಲ್ಲ ಹೆಣ್ಣು ಇಲ್ಲ ಎಲ್ಲರೂ ಸಮಾನರು ಎಂದು ಹೇಳಿದರು.

ಶರಣಪ್ಪ ಆಂದೋಲ ಸತ್ಯಂಪೇಟರವರು ವೇದಿಕೆಯಲ್ಲಿ ಗೌರವ ಉಪಸ್ಥಿತರಿದ್ದರು ಶಿವಶರಣಯ್ಯ ಸ್ವಾಮಿ ಬಳುಂಡಗಿಮಠ ಸಂಗಡಿಗರು ಪ್ರಾರ್ಥನೆಯನ್ನು ಎಚ್.ರಾಠೋಡ ನಿರೂಪಣೆಮಾಡಿದರು ಶರಣಬಸಪ್ಪ ಯಾಳವಾರ ಸ್ವಾಗತಿಸಿದರು ರಾಜಶೇಖರ ದೇಸಾಯಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು.ದೇವು ಹೆಬ್ಬಾಳ ವಂದನಾರ್ಪಣೆಯನ್ನು ವಿಜಯಲಕ್ಷಿ ಯಾದವ ಮಂಗಲಗೀತೆಯನ್ನು ಹಾಡಿದರು.

ಸಂಗೀತ ಕಾರ್ಯಕ್ರಮವನ್ನು ಮೋಹನ್ ರಾವ್ ಮಾಳದಕರ ಪ್ರಾಣೇಶರಾವ್ ಕುಲಕರ್ಣಿ ವಿಜಯಲಕ್ಷ್ಮಿ ಯಾದವ ರಾಜಶೇಖರ ಗೆಜ್ಜಿ ಉಮೇಶ ಯಾದವ ರಮೇಶ್ ಕುಲ್ಕರ್ಣಿ ಮಹಾಂತೇಶ ಶಹಪೂರಕರ ನಡೆಸಿಕೊಟ್ಟರು.ಪ್ರಮುಖರಾದ ಬಸವರಾಜ ಜಮದ್ರಖಾನಿ ಕೊಟ್ರಯ್ಯಸ್ವಾಮಿ ಬಳುಂಡಗಿಮಠ ನ್ಯಾಯವಾದಿಗಳಾದ ಶಿವಾನಂದ ಅವಂಟಿ ದೇವಪ್ಪ ಜೋಗಿನ್ ಮಾಳಪ್ಪ ಮಾಳಳ್ಳಿ ಮಲ್ಲಿಕಾರ್ಜುನ ದ್ಯಾವಪ್ಪ ಅಂಬರೀಶ್ ಇತರರು ಉಪಸ್ಥಿತರಿದ್ದರು