ಬಡಾವಣೆಯ ಯುವ ಮುಖಂಡ ಶರಣಗೌಡ ಪಾಟೀಲ್ ಬಿಜೆಪಿ ತೊರೆದು ಕಾಂಗ್ರೆಸ್ ಸೇರ್ಪಡೆ

ಕಲಬುರಗಿ: ಮಹಾ ನಗರ ಪಾಲಿಕೆಗೆ ಇದೇ ಸೆ. 3 ರಂದು ನಡೆಯಲಿರುವ ಮತದಾನದ ಹಿನ್ನೆಲೆಯಲ್ಲಿ ಇಲ್ಲಿನ ಕೈಲಾಶ ನಗರ, ಷಹಾಬಜಾರ್ ವ್ಯಾಪ್ತಿಯ ವಾರ್ಡ್ 25 ರಲ್ಲಿ ಕಾಂಗ್ರೆಸ್ ಹುರಿಯಾಳಾಗಿರುವ ರತೀಶ ಕುಮಾರ್ ಭೂಸನೂರ್ ಪರ ಚುನಾವಣೆ ಪ್ರತಾರಕ್ಕೆ ಯುವಕರೇ ಮುಂದಾಗಿ ವಿದ್ಯುಕ್ತ ಚಾಲನೆ ನೀಡಿದ್ದಾರೆ.

ಇದಲ್ಲದೆ ಇದೇ ವಾರ್ಡ್‍ನಲ್ಲಿ ನಡೆದಂತಹ ಪ್ರಮುಖ ರಾಜಕೀಯ ಬೆಳವಣಿಗೆಯೊಂದರಲ್ಲಿ ಬಡಾವಣೆಯ ಯುವ ಮುಖಂಡ, ಇದುವರೆಗೂ ಬಿಜೆಪಿಯ ಜೊತೆಗಿದ್ದ ಶರಣಗೌq ಪಾಟೀಲ್ ಅವರು ರತೀಶ ಭೂಸನೂರ್ ಅವರನ್ನು ಬೆಂಬಲಿಸಿ ಕಾಂಗ್ರೆಸ್ ಪಕ್ಷ ಸೇರ್ಪಡೆಯಾಗಿದ್ದಾರೆ.

ಕಲಬುರಗಿ ಉತ್ತರ ಕಾಂಗ್ರೆಸ್ ಶಾಸಕಿ ಕನೀಜ್ ಫತೀಮಾ, ಅವರ ಪುತ್ರ ಫರ್ಜುಲ್ ಇಸ್ಲಾಂ, ಅಭ್ಯರ್ಥಿ ರತೀಶ ಕುಮಾರ್ ಈ ಸಂದರ್ಭದಲ್ಲಿದ್ದರು. ಇದೇ ವಾರ್ಡ್‍ನಲ್ಲಿ ಕಾಂಗ್ರೆಸ್ ಯುವ ಹಗಟಕ ಅಧ್ಯಕ್ಷ ಶಿವಾನಂದ ಹೊನಗುಂಟೀಕರ್ ಅವರು ತಮ್ಮ ಬೆಂಬಲಿಗರೊಂದಿಗೆ ಬಂದು ರತೀಶ ಕುಮಾರ್ ಭೂಸನೂರ್ ಪರ ಪ್ರಚಾರಕ್ಕೆ ಚಾಲನೆ ನೀಡಿದ್ದಾರೆ. ಯುವಕರ ದೊಡ್ಡ ಗುಂಪು ರತೀಶ ಕುಮಾರ್ ಪರ ಪ್ರಚಾರದಲ್ಲಿ ತೊಡಗಿದೆ.

ಕಣದಲ್ಲಿರುವ ಹುರಿಯಾಳು ರತೀಶ ಕುಮಾರ್ ಭೂಸನೂರ್ ಮನೆ ಮನೆ ಸುತ್ತುವ, ಬಡಾವಣೆಗಳಲ್ಲಿ ಸಭೆ ನಡೆಸುವ ಮೂಲಕ ಪ್ರಚಾರಕ್ಕೆ ಚಾಲನೆ ನೀಡಿದ್ದಾರೆ. ಕೋವಿಡ್ ನಿಯಮಗಳ ಅಡಿಯಲ್ಲಿಯೇ ಪಾಲಿಕೆ ಪ್ರಚಾರ ಸಾಗಿದೆ.