ದಲಿತ ಸೇನೆ ವತಿಯಿಂದ ರೋಗಿಗಳಿಗೆ ಹಣ್ಣು ಹಂಪಲು ವಿತರಣೆ

ಶಹಾಪುರ: ಕೇಂದ್ರ ಸಚಿವರಾದ ರಾಮ್ ವಿಲಾಸ್ ಪಾಸ್ವಾನ್ ಅವರ 73 ನೇ ಹುಟ್ಟುಹಬ್ಬವನ್ನು ಯಾದಗಿರಿ ಜಿಲ್ಲೆಯ ದಲಿತ ಸೇನಾ ವತಿಯಿಂದ ಶಹಾಪುರ  ತಾಲ್ಲೂಕು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಆಚರಣೆ ಮಾಡಿ ರೋಗಿಗಳಿಗೆ ಹಣ್ಣು ಹಂಪಲು ವಿತರಿಸಲಾಯಿತು.

ಈ ಸಂದರ್ಭದಲ್ಲಿ ಬಡ ರೋಗಿಗಳಿಗೆ ಬಾಣಂತಿಯರಿಗೆ ಹಣ್ಣು ಬ್ರೆಡ್ಡು ಹಾಲು ವಿತರಿಸಲಾಯಿತು ಕಾರಣ ರಾಮ್ ವಿಲಾಸ್ ಪಾಸ್ವಾನ್ ಅವರು ದಲಿತರ ದುರ್ಬಲರ ಪರವಾಗಿ ನಿಂತು ಸಂಸತ್ತಿನಲ್ಲಿ ಧ್ವನಿ ಎತ್ತಿ ಬಡವರ ಬಾಳಿಗೆ ಬೆಳಕಾದವರು.

ಈ ಸಂದರ್ಭದಲ್ಲಿ ಯಾದಗಿರಿ ಜಿಲ್ಲಾ ದಲಿತ ಸೇನೆ ಅಧ್ಯಕ್ಷರಾದ ಅಶೋಕ್ ಹೊಸಮನಿ ಗೋಗಿ ಹಾಗೂ ದಲಿತ ಸೇನೆ ರಾಜ್ಯ ಸಂಘಟನಾ  ಕಾರ್ಯದರ್ಶಿಯಾದ ಮಲ್ಲಿಕಾರ್ಜುನ ಅನಸುಗೂರ, ಉಪಾಧ್ಯಕ್ಷ ಟಿ, ರಂಗನಾಥ ಶಹಾಪುರ ದಲಿತ ಸೇನೆ ಅಧ್ಯಕ್ಷರಾದ ಹೊನ್ನರಾಜು ನಾಟೇಕರ್, ಕಾರ್ಯದರ್ಶಿ ರವಿ ಮಂಡಗಳಿ ಮುಖ್ಯ ವೈದ್ಯಾಧಿಕಾರಿಗಳಾದ ಡಾ.ಮಲ್ಲಪ್ಪ ನಾಯ್ಕಲ್ ಹಾಗೂ ದಲಿತ ಸೇನೆಯ ಪದಾಧಿಕಾರಿಗಳು ಇತರರು ಉಪಸ್ಥಿತರಿದ್ದರು.