ನಾಳೆ ಜಗಜೀವನರಾಮ್ ಪುಣ್ಯಸ್ಮರಣೆ ನಿಮಿತ್ಯ ಭಜನೆ

ಕಲಬುರಗಿ: ನಗರದ ಸಾರ್ವಜನಿಕ ಉದ್ಯಾನವನದಲ್ಲಿನ ಡಾ. ಬಾಬು ಜಗಜೀವನರಾಮ್ ಪ್ರತಿಮೆ ಹತ್ತಿರ ಜುಲೈ 6 ರಂದು ಬೆಳಿಗ್ಗೆ 11-30ಕ್ಕೆ ಹಸಿರುಕ್ರಾಂತಿಯ ಹರಿಕಾರ ಹಾಗೂ ಮಾಜಿ ಉಪ ಪ್ರಧಾನಿ ದಿ. ಡಾ. ಬಾಬು ಜಗಜೀವನರಾಮ್ ಅವರ 33ನೇ ಪುಣ್ಯಸ್ಮರಣೆ ನಿಮಿತ್ಯ ಭಜನೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಬಿಜೆಪಿ ನಗರ ಪ್ರಧಾನ ಕಾರ್ಯದರ್ಶಿ ಹಾಗೂ ಪಾಲಿಕೆ ಮಾಜಿ ಸದಸ್ಯ ರಾಜು ಆರ್. ವಾಡೇಕರ್ ಅವರು ಇಲ್ಲಿ ಹೇಳಿದರು.
ಶುಕ್ರವಾರ ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಭಾವಚಿತ್ರಕ್ಕೆ ಸಂಸದ ಡಾ. ಉಮೇಶ್ ಜಾಧವ್ ಅವರು ಮಾಲಾರ್ಪಣೆ ಮಾಡುವರು. ಅಧ್ಯಕ್ಷತೆಯನ್ನು ಶಾಸಕ ದತ್ತಾತ್ರೇಯ್ ಪಾಟೀಲ್ ರೇವೂರ್ ಅವರು ವಹಿಸುವರು ಎಂದರು.

ಡಾ. ಬಾಬು ಜಗಜೀವನರಾಮ್ ಅಭಿವೃದ್ಧಿ ಮತ್ತು ಹೋರಾಟ ಸಮಿತಿಯ ರಾಜ್ಯ ಗೌರವಾಧ್ಯಕ್ಷ ಅಂಬಾರಾಯ್ ಎಂ.ಕೆ. ಚಲಗೇರಿ ಅವರು ಮಾತನಾಡಿ, ಸಮಾರಂಭಕ್ಕೆ ಮುಖ್ಯ ಅತಿಥಿಗಳಾಗಿ ಶಾಸಕರಾದ ಬಸವರಾಜ್ ಮತ್ತಿಮೂಡ್, ಶ್ರೀಮತಿ ಕನೀಜ್ ಫಾತಿಮಾ, ಬಿ.ಜಿ. ಪಾಟೀಲ್ ಅವರು ಆಗಮಿಸುವರು. ಭೀಮಣ್ಣ ಟಿ. ಬಿಲ್ಲವ್ ಅವರು ನುಡಿ ನಮನ ಸಲ್ಲಿಸುವರು. ಪ್ರಮುಖರಾದ ರಾಜು ಆರ್. ವಾಡೇಕರ್, ನಾಗರಾಜ್ ಗುಂಡಗುರ್ತಿ, ಶ್ಯಾಮ್ ನಾಟೀಕಾರ್, ಬಾಬುರಾವ್ ಸಿ. ಸುಂಠಾಣ್, ಗೋಪಿಕೃಷ್ಣ ಗುಡೇನವರ್, ಲಿಂಗರಾಜ್ ಎಸ್. ತಾರಫೈಲ್, ವಿಜಯಕುಮಾರ್ ಅಡಕಿ, ದಶರಥ್ ಕಲಗುರ್ತಿ, ರಾಜು ಹದನೂರ್, ಅಂಬಾರಾಯ್ ಬೆಳಕೋಟೆ, ರಾಣಪ್ಪ ವಾಡೇಕರ್, ರಾಜು ಎಸ್. ಕಟ್ಟಿಮನಿ, ಅನಿಲ್ ಪಿ. ಡೊಂಗರಗಾಂವ್, ಮಂಜುನಾಥ್ ನಾಲ್ವಾರಕರ್, ಯಲ್ಲಪ್ಪ ಜಿ. ಮಾಳಗಿ ಅವರು ಭಾಗವಹಿಸುವರು ಎಂದು ಅವರು ಹೇಳಿದರು. ಸುದ್ದಿಗೋಷ್ಠಿಯಲ್ಲಿ ಯಲ್ಲಪ್ಪ ಮಳಗಿ ಅವರು ಉಪಸ್ಥಿತರಿದ್ದರು.