ಬ್ರಾಹ್ಮಣ ಸಮಾಜಕ್ಕೆ ವಿಜಯಕುಮಾರ ಕೋಥಳಿಕರ ಅಧ್ಯಕ್ಷ

ಆಳಂದ: ಸಮಾಜದಲ್ಲಿ ಮೇಲ್ವರ್ಗ ಎನಿಸಿಕೊಂಡಿರುವ ಬ್ರಾಹ್ಮಣ ಸಮಾಜ ಇಂದು ಆರ್ಥಿಕ ಮತ್ತು ಸಮಾಜಿಕವಾಗಿ ತೀರಾ ಹಿಂದುಳಿದುಕೊಂಡಿದ್ದು, ಸಮಾಜದ ಕೆಲವೇ ಕುಟುಂಬಗಳು ಹೊರತು ಪಡಿಸಿದರೆ ಸಾಕಷ್ಟು ಜನರು ಇಂದಿಗೂ ಬಡತನದಲೇ ಜೀವಿಸುತ್ತಿದ್ದಾರೆ. ಇಂಥವರ ಅಭಿವೃದ್ಧಿಗಾಗಿ ಸಮಾಜ ಕಾರ್ಯಕ್ಕೆ ಎಲ್ಲರನ್ನೂ ಒಗ್ಗೂಡಿಸಿ ಕಾರ್ಯಪ್ರರ್ವತರಾಗುವಂತೆ ಮಾಡುವುದೇ ನನ್ನ ಧೇಯೋದ್ದೇಶವಾಗಿದೆ ಎಂದು ಬ್ರಾಹ್ಮಣ ಸಮಾಜದ ತಾಲೂಕು ನೂತನ ಅಧ್ಯಕ್ಷ ವಿಜಯಕುಮಾರ ಕೋಥಳಿಕರ್ ಅವರು ಇಂದಿಲ್ಲಿ ಹೇಳಿದರು.

ಪಟ್ಟಣದ ನಗರೇಶ್ವರ ರಾಮಮಂದಿರದಲ್ಲಿ ಕರೆದ ತಾಲೂಕು ಬ್ರಾಹ್ಮಣ ಸಮಾಜದ ಸಭೆಯಲ್ಲಿ ತಮ್ಮನು ಅವಿರೋಧವಾಗಿ ಅಧ್ಯಕ್ಷರಾಗಿ ಆಯ್ಕೆಯಾದ ಮೇಲೆ ಸಮಾಜ ಬಾಂಧವರು ನೀಡಿದ ಸನ್ಮಾನ ಸ್ವೀಕರಿಸಿ ಅವರು ಮಾತನಾಡಿದರು.

ಸಮಾಜದ ಹಿಂದಿನ ಅಧ್ಯಕ್ಷರಾಗಿದ್ದ ಹಿರಿಯ ನ್ಯಾಯವಾದಿ ಬಿ.ಎ.ದೇಶಪಾಂಡೆ ಅಧ್ಯಕ್ಷರ ಆಯ್ಕೆ ಸಭೆ ಅಧ್ಯಕ್ಷತೆ ವಹಿಸಿ ಮಾತನಾಡಿ, ತಾಲೂಕಿನಲ್ಲಿ ನಮ್ಮ ಸಮಾಜದ ಭಾಂದವ್ಯರು ಇನ್ನೂ ಬಹಳಷ್ಟು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿ ಬಡತನದಲ್ಲಿ ಇದ್ದಾರೆ, ಕೋಥಳಿಕರ ಅವರು ಪ್ರತಿ ಒಂದು ಹಳ್ಳಿಗೆ ಭೇಟಿ ನೀಡಿ ಬಾಂಧವರ ಸಮಸ್ಯೆ ಅರಿತು ಸಮಾಜವನ್ನು ಮುಂದು ನಡೆಸಿಕೊಂಡು ಹೋಗಬೇಕು ಮತ್ತು ಇನ್ನೂಳಿದ ಪದಾಧಿಕಾರಿಗಳನ್ನು ಅಧ್ಯಕ್ಷರು ನೇಮಕ ಮಾಡಿಕೊಂಡು ಮುನ್ನಡೆಯಬೇಕೆಂದು ಸಲಹೆ ಸೂಚನೆ ನೀಡಿದ್ದಾರೆ.

ಸಮಾಜದ ಮುಖಂಡ ರವೀಂದ್ರ ಕುಲಕರ್ಣಿ, ವಿಜಕುಮಾರ ಚಿಟ್ಟಗೂಪಕರ, ಬಲಬೀಮ ಕುಲಕಣಿ, ವಿಲಾಸ ಪೋತ್ನನಿಸ, ಕಿಶೋರ ದೇಶಪಾಂಡೆ, ಜಯವಂತ ಕುಲಕರ್ಣಿ, ಕಿಶೋರ ಸಂಗೋಳಿಕರ, ರಾಘವೇಂದ್ರ ತಡಕಲ್, ಗೋವಿಂದ ಕುಲಕರ್ಣಿ, ಪ್ರಕಾಶ ಕುಲಕರ್ಣಿ, ರತ್ನಾಕರ ಕುಲಕರ್ಣಿ, ಮೋಹನರಾವ ಕುಲಕರ್ಣಿ, ಸಂದೀಪ ದೇಶಪಾಂಡೆ, ಅವಧೂತ ಕುಲಕರ್ಣಿ, ಸುರೇಶ ಕುಲಕರ್ಣಿ, ಭಗವಾನ ಪೋದ್ದಾರ, ಹಣಮಂತ ಕುಲಕರ್ಣಿ, ಆನಂದ ಕುಲಕರ್ಣಿ, ಶ್ರೀಪಾದ ರಾಜೋಳಕ, ಗೋವರ್ಧನ ಚಿಟ್ಟಗೂಪಕರ, ಶ್ರೀಪಾದ ತಳಿಕೇಡ, ಸುಮಂತ ಜೋಶಿ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.