ಗ್ರಾಮದಲ್ಲಿ ಪೋಷಣೆ ಮಾಸಾಚರಣೆ

ಅಫಜಲಪುರ: ಚಿಣಮಗೇರಾ ಗ್ರಾಮದಲ್ಲಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯಶಿಶು ಅಭಿವೃದ್ಧಿ ಯೋಜನೆಯ ಆಶ್ರಯದಲ್ಲಿ ರಾಷ್ಟ್ರೀಯ ಪೋಷಣೆ ಮಾಸಾಚರಣೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಖಾಜಾಸಾಬ್ ಹಯ್ಯಾಳ ಕರ್  ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷರು ವಹಿಸಿದ್ದರು. ಉದ್ಘಾಟಕರಾಗಿ ಅಲ್ಲಿನ ಗ್ರಾಮ ಪಂಚಾಯತ್ ಸದಸ್ಯರಾದ ಶಿವಕುಮಾರ್ ಕರ್ಕಲಿ ಚಾಲನೆಯನ್ನು ನೀಡಿದರು.

ಮುಖ್ಯ ಅತಿಥಿಗಳಾಗಿ ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಶಶಿಧರ್ ಬಳೆ ಗೊಬ್ಬುರ ಬಿ ವಹಿಸಿ ಮಾತನಾಡಿ ಪೋಷಣ ಅಭಿಯಾನ ಇದು ರಾಷ್ಟ್ರೀಯ ಕಾರ್ಯಕ್ರಮವಾಗಿದ್ದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಲ್ಲಿ ಮಕ್ಕಳ ಅಪೌಷ್ಟಿಕತೆ ಮಟ್ಟ ಹಾಗೂ ಗರ್ಭಿಣಿ ಬಾಣಂತಿ ಯಲ್ಲಿರುವ ರಕ್ತಹೀನತೆಯನ್ನು ತಡೆಯಲು ಈ ಮಾಸಾಚರಣೆಯ ಉದ್ದೇಶವಾಗಿದೆ ಎಂದು ತಿಳಿಸುತ್ತಾ ಆರೋಗ್ಯ ಇಲಾಖೆಯಿಂದಗರ್ಭಿಣಿ ತಾಯಿ ಮತ್ತು ಮಕ್ಕಳಿಗೆ ಇರುವ ಸೌಲಭ್ಯಗಳ ಕುರಿತು ಮಾಹಿತಿ ನೀಡಿದರು.

ಅದರಲ್ಲಿ ವಿಶೇಷವಾಗಿ ಪ್ರಧಾನಮಂತ್ರಿ ಸುರಕ್ಷಿತ ಮಾತೃತ್ವ ಅಭಿಯಾನ ಪ್ರತಿ ತಿಂಗಳು ಒಂಬತ್ತು ನೇ ದಿನಾಂಕದಂದು ನಡೆಯುತ್ತಿದ್ದು ಅದರಲ್ಲಿ ವಿಶೇಷವಾಗಿ ಗರ್ಭಿಣಿಗೆ ಉಚಿತ ಪ್ರಯೋಗಾಲಯ ವ್ಯವಸ್ಥೆ ಅಂದರೆ ರಕ್ತಪರೀಕ್ಷೆ ಮೂತ್ರ ಪರೀಕ್ಷೆ ಅಲ್ಲದೆ ಉಚಿತ ಸ್ಕ್ಯಾನಿಂಗ್ ವ್ಯವಸ್ಥೆ ಮಾಡಲಾಗುವುದು. ಇದು ಅಲ್ಲದೆ 7 ಗ್ರಾಮ್ ಗಿಂತ ರಕ್ತ ಕಡಿಮೆ ಇರುವ ಗರ್ಭಿಣಿ ತಾಯಿಂದಿರಿಗೆ ರಕ್ತವನ್ನು ಸಹ ಉಚಿತವಾಗಿ ನೀಡಿ ಅವರನ್ನು ಗಂಡಾಂತರ ಗರ್ಭಿಣಿ ಯಿಂದ ಪಾರುಮಾಡಿ ಸುರಕ್ಷಿತ ಹೆರಿಗೆ ಮಾಡಿಸುವುದಾಗಿದೆ ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದರು.

ಅಲ್ಲದೆ ಮಕ್ಕಳಿಗಾಗಿಯೂ ವಿಶೇಷ ವಾರ್ಡಗಳಿದ್ದು ಅವುಗಳ ಉಪಯೋಗ ಪಡೆಯಲು ಅಲ್ಲದೆ ಅಪೌಷ್ಟಿಕ ಮಕ್ಕಳನ್ನು ಗುರುತಿಸಿ ಅವರಿಗೆ NRC ಕೇಂದ್ರಗಳಿಗೆ ಕಳಿಸುವ ಸೌಲಭ್ಯಗಳಿವೆ ಒಟ್ಟಿನಲ್ಲಿ ಆರೋಗ್ಯವಂತ ತಾಯಿ ಆರೋಗ್ಯವಂತ ಮಗು ಆಗುವಂತೆ ಸರಕಾರ ಸೌಲತ್ತುಗಳ ಬಗ್ಗೆ ಮಾಹಿತಿ ನೀಡಿದರು.ನಂತರ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಮೇಲ್ವಿಚಾರಕರಾದ ಮೀನಾಕ್ಷಿ ಪಾಟೀಲ್ ಮಾತನಾಡಿ ತಮಗೆ ಆಹಾರಪದ್ಧತಿಯನ್ನು  ಫ್ರಾತೆಕ್ಷಿ ಕವಾಗಿ  ಇಲ್ಲಿ ಇಡಲಾಗಿದೆ.ಅದನ್ನೇ ತಾವು ಮನೆಯಲ್ಲಿ ರೂಢಿಸಿಕೊಂಡು ರಕ್ತಹೀನತೆಯನ್ನು ಹೋಗಲಾಡಿಸಲು ಸಾಧ್ಯ ಇದಕ್ಕೆ ಪರಿಹಾರ ಸಿಗಬೇಕಾದರೆ ಉತ್ತಮ ಪೌಷ್ಠಿಕ ಆಹಾರ ಸೇವನೆ ಅವಶ್ಯಕವಾಗಿದೆ . ಅದಕ್ಕಾಗಿ ಮೊಳಕೆ ಬರಿಸಿದ ಕಾಳು ಹಸಿ ಸೊಪ್ಪು ತರಕಾರಿಗಳು ಹಣ್ಣುಗಳು ಮೊಟ್ಟೆ ಬಳಸುವುದರಿಂದ ತಮಗೆ ಪೌಷ್ಟಿಕಾಂಶ ದೊರೆಯುತ್ತದೆ ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಚಿಣಮಗೇರಾ ಗ್ರಾಮದ ಲಕ್ಷ್ಮಣ ಪವಾರ್, ಬಾಬು ನಾಯ್ಕೋಡಿ ಗ್ರಾಮಸ್ಥರು, ಗರ್ಭಿಣಿ ತಾಯಿಯಂದಿರು, ಬಾಣಂತಿಯರು, ಕಿಶೋರಿಯರು, ವಲಯದ ಎಲ್ಲಾ ಅಂಗನವಾಡಿ ಕಾರ್ಯಕರ್ತರು, ಆಶಾ ಕಾರ್ಯಕರ್ತರು, ಆರೋಗ್ಯ ಇಲಾಖೆ ಸಿಬ್ಬಂದಿಗಳು , ಅಂಗನವಾಡಿ ಸಹಾಯಕಿಯರು ಭಾಗವಹಿಸಿದ್ದರು.ಕಾರ್ಯಕ್ರಮದ ವಂದನೆಯನ್ನು ಪ್ರಭಾವತಿ ಅಂಗನವಾಡಿ ಕಾರ್ಯಕರ್ತೆ ಅವರಿಂದ ಮುಕ್ತಾಯಗೊಂಡಿತ್ತು.