ಶ್ರೀ ಅಂಬಾಭವಾನಿ ಮಂದಿರದ ನೂತನ ರಾಜ ಗೋಪುರದ ಕಳಸಾರೋಹಣ

ಕಲಬುರಗಿ: ಹೀರಾಪೂರ ಗ್ರಾಮದಲ್ಲಿರುವ ಶ್ರೀ ಅಂಬಾಭವಾನಿ ಮಂದಿರದ ನೂತನ ರಾಜ ಗೋಪುರದ ಕಳಸಾರೋಹಣ ಕಾರ್ಯಕ್ರಮವನ್ನು ಉಜ್ವಯಿನಿ ಪೀಠದ ಶ್ರೀಮದ್ ಉಜ್ವಯಿನಿ ಸದ್ಧರ್ಮ ಸಿಂಹಾಸನಾದೀಶ್ವರ ಶ್ರೀ ೧೦೦೮ ಜಗದ್ಗುರು ಡಾ. ಸಿದ್ಧಲಿಂಗ ರಾಜದೇಶಿಕೇಂದ್ರ ಶಿವಾಚಾರ್ಯ ಭಗವತ್ವಾದರು. ಹಾಗೂ ಶ್ರೀಶೈಲ ಪೀಠದ ಶ್ರೀಮದ್ ಗಿರಿರಾಜ ಸೂರ್ಯಸಿಂಹಾಸನಾದೀಶ್ವರ ಶ್ರೀ ೧೦೦೮ ಜಗದ್ಗುರು ಡಾ. ಚನ್ನಸಿದ್ದರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಭಗವತ್ವಾದರು, ಇವರುಗಳ ಅಮೃತ ಹಸ್ತದಿಂದ ಉದ್ಘಾಟಿಸಿ ಕಳಸಾರೋಹಣ ನೆರವೇರಿಸಿದರು.

ಕಡಗಂಚಿ ಮಠದ ಶ್ರೀ ವೀರತಪಸ್ವಿ ಷ.ಬ್ರ ವೀರಭದ್ರ ಶಿವಾಚಾರ್ಯರು, ಡಾ. ಸಿದ್ಧರಾಮ ಶಿವಾಚಾರ್ಯರು, ಡಾ. ಗುರುಮೂರ್ತಿ ಶಿವಾಚಾರ್ಯರು, ಶ್ರೀ ಸಿದ್ಧರೇಣುಕಾ ಶಿವಾಚಾರ್ಯರು, ಪೂಜ್ಯ ಗುರುಸ್ವಾಮಿ, ಪೂಜ್ಯ ಶಾಂತಯ್ಯ ಪಠಪತಿ, ಶಾಸಕ ದತ್ತಾತ್ರೇಯ ಪಾಟೀಲ ರೇವೂರ, ಮಾಜಿ ಸಚಿವ ಡಾ.ಶರಣಪ್ರಕಾಶ ಪಾಟೀಲ, ಮಾಜಿ ಎಂಎಲ್‌ಸಿ ಅಲ್ಲಮಪ್ರಭು ಪಾಟೀಲ, ನೀಲಕಂಠರಾವ ಮೂಲಗೆ, ಗುಂಡೇರಾವ ಪದ್ಮಾಜಿ, ರಾಜಶೇಖರ ಎಳಮೆಲಿ, ಕುಪೆಂದ್ರ ಬಿರಾದಾರ, ಗಿರಿರಾಜ ಯಳಮೇಲಿ, ಪ್ರಕಾಶ ಮಾಲಿಪಾಟೀಲ, ನ್ಯಾಯವಾದಿ ಬಸವರಾಜ ಬಿರಾದಾರ, ಸಿದ್ರಾಮಪ್ಪ ಬಿರಾದಾರ, ಶಿಶರಣಪ್ಪ ಮಾಲಿಪಾಟೀಲ, ಶಿವುಕುಮಾರ ಪದ್ಮಾಜಿ ಹೀರಾಪುರ ಹಾಗೂ ಗ್ರಾಮಸ್ಥರು ಇದ್ದರು.