೩೨ ಮಂದಿ ರಕ್ತದಾನ-ಸಂಘಟನೆಗಳಿಂದ ಸಮಾಜ ಕಾರ್ಯದ ಒಲವು ಹೆಚ್ಚಳ: ಶ್ರೀ ಶ್ಲಾಘನೆ

ಆಳಂದ: ಕನ್ನಡ ನಾಡು, ನುಡಿಗೆ ಧ್ವನಿಯಾಗಿ ಸಮಾಜ ಕಾರ್ಯದಲ್ಲಿ ತೊಡಗುತ್ತಿರುವ ಕನ್ನಡಪರ ಸಂಘಟನೆಗಳು ವಿಶೇಷವಾಗಿ ಜಯಕರ್ನಾಟಕ ಜನಪರ ವೇದಿಕೆಯ ಕಾರ್ಯ ಶ್ಲಾಘನೀಯವಾಗಿದೆ ಎಂದು ಮಾದನಹಿಪ್ಪರಗಾ ಶಿವಲಿಂಗೇಶ್ವರ ವಿರಕ್ತ ಮಠದ ಶ್ರೀ ಅಭಿನವ ಶಿವಲಿಂಗ ಮಹಾಸ್ವಾಮಿಗಳು ಹೇಳಿದರು.

ಪಟ್ಟಣದ ಗುರುಭವನದಲ್ಲಿ ಜಯ ಕರ್ನಾಟಕ ಜನಪರ ವೇದಿಕೆಯ ಆಯೋಜಿಸಿದ್ದ ಮಹಾತ್ಮಗಾಂಧೀಜಿ ಜನ್ಮದಿನ ಹಾಗೂ ಪದಾಧಿಕಾರಿಗಳ ಸಮಾವೇಶ, ಜಿಲ್ಲಾ ಅಧ್ಯಕ್ಷ ಬಸವರಾಜ ಎಸ್. ಕೋರಳ್ಳಿ ಅವರ ೩೭ನೇ ಹುಟ್ಟು ಹಬ್ಬದ ಅಂಗವಾಗಿ ಆಯೋಜಿಸಿದ್ದ ರಕ್ತದಾನ ಶಿಬಿರ, ಸಾರ್ವಜನಿಕ ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಹಣ್ಣು, ಹಂಫಲ ಹಾಗೂ ಮಿನಿವಿಧಾನಸೌಧ ಆವರಣದಲ್ಲಿ ಸಿಸಿ ನೆಡುವ ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು.

ಕಾರ್ಯಕರ್ತರು ಜನ್ಮದಿನವನ್ನು ಆಡಂಭರಗೊಳಿಸದೆ ಗಾಂಧೀಜಿ ಅವರ ಜನ್ಮದಿನ ಆಚರಿಸಿ ದುಂದು ವೆಚ್ಚ ಮಾಡದೆ ಸರಳ ರೀತಿಯಿಲ್ಲಿ ಆಚರಿಸುವ ಮೂಲಕ ತುರ್ತು ಪರಿಸ್ಥಿತಿಯಲ್ಲಿ ರೋಗಿಗಳಿಗೆ ನೆರವಾಗುವ ಉದ್ದೇಶದಿಂದ ರಕ್ತದಾನ ಶಿಬಿರ ಆಯೋಜಿಸಿದ್ದು ಇನ್ನೊಬ್ಬರಿಗೆ ಮಾದರಿಯಾಗಿದೆ. ಬಸವರಾಜ ಕೊರಳ್ಳಿ ನಾಡು, ನುಡಿ ಜನಪರ ಸಮಸ್ಯೆಗಳಿಗೆ ಧ್ವನಿಯಾಗಿ ಕೈಗೊಳ್ಳುವ ನಿರಂತರ ಹೋರಾಟಕ್ಕೆ ಯುವ ಪಡೆ ಮುಂದಾಗಿರುವುದು ಅವರ ಕಾರ್ಯ ಸದಾ ಯಶಸ್ವಿಯಾಗಿ ಜನ ಸಾಮಾನ್ಯರಿಗೆ ನ್ಯಾಯ ದೊರೆಯಲಿ ಎಂದು ಹಾರೈಸಿದ ಶ್ರೀಗಳು ಸಂಘಟನೆಗಳಿಂದ ಸಮಾಜ ಮುಖಿ ಕಾರ್ಯ ಇಂದಿನ ಅಗತ್ಯವಾಗಿದೆ. ಇಂಥ ಕಾರ್ಯಕ್ಕೆ ಸಮಾಜ ಮತ್ತು ಸರ್ಕಾರ ಸ್ಪಂದಿಸಬೇಕಾಗಿದೆ ಎಂದರು.

ಕಾರ್ಯಕ್ರಮ ಉದ್ಘಾಟಿಸಿದ ಕಲಬುರಗಿ ಹಾಗೂ ಯಾದಗಿರಿ ಜಿಲ್ಲಾ ಕೆಎಂಎಫ್ ಅಧ್ಯಕ್ಷ ಆರ್.ಕೆ. ಪಾಟೀಲ, ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಬಸವರಾಜ ಎಸ್. ಕೊರಳ್ಳಿ, ಕೆಕೆಆರ್‌ಟಿಸಿ ನಿರ್ದೇಶಕ ಮಲ್ಲಿಕಾರ್ಜುನ ತಡಕಲ್, ಬಿಜೆಪಿ ಮಂಡಲ ಅಧ್ಯಕ್ಷ ಆನಂದ ಬಿರಾದಾರ ಕೊರಳ್ಳಿ ಮತ್ತಿತರು ಸಮಾರಂಭವನ್ನುದ್ದೇಶಿಸಿ ಮಾತನಾಡಿದರು.

ವೇದಿಕೆಯಲ್ಲಿ ಕಲಬುರಗಿ ಮಹಾನಗರ ಪಾಲಿಕೆ ಸದಸ್ಯ ಸಚೀನ ಕಡಗಂಚಿ, ಮುಖಂಡ ಪ್ರಶಾಂತ ಅಂಕಲಗಿ, ತಾಲೂಕು ವೀರಶೈವ ಮಹಾಸಭಾ ಅಧ್ಯಕ್ಷ ಚಿನ್ನು ಪಾಟೀಲ, ವಿಜಯಕುಮಾರ ಹತ್ತರಕಿ, ಪಶು ವೈದ್ಯ ಮಹಾಂತೇಶ ಪಾಟೀಲ, ಸಂಘಟನೆಯ ಜಿಲ್ಲಾ ಮುಖಂಡ ಶಂಕರ ಜಮಾದಾರ, ಅಫಜಲಪೂರ ಅಧ್ಯಕ್ಷ ಸದಾಶಿವ ಛತ್ರಿ, ತಾಲೂಕು ಅಧ್ಯಕ್ಷ ನಾಗರಾಜ ಘೋಡಕೆ, ಶರಣು ಕುಲಕರ್ಣಿ, ಸುನೀಲ ಐರೋಡಗಿ, ಸಿದ್ಧರೂಢ ಸರಸಂಬಿ, ನಾಗರಾಜ್ ಆರ್ಯ, ಅಜಯ ಸಿಎಂ, ಅಮೀತ ಪಾಟೀಲ, ಅಶೋಕ ಪಾಟೀಲ ಮತ್ತಿತರು ಉಪಸ್ಥಿತರಿದ್ದರು. ವೆಂಕಟೇಶ ಇಳಿಗಾರ ನಿರೂಪಿಸಿದರು. ರಾಜಕುಮಾರ ಕೋಷ್ಠಿ ಸ್ವಾಗತಿಸಿದರು. ಚಂದ್ರಶೇಖರ ಕಟ್ಟಿಮನಿ ವಂದಿಸಿದರು.