ಭೂಕಂಪನಕ್ಕೆ ಹೆದರಿ ಗ್ರಾಮ ತೊರೆಯುತ್ತಿರುವ ಗ್ರಾಮಸ್ಥರು

ಕಲಬುರಗಿ: ಕಳೆದ ಒಂದು ವಾರಗಳಿಂದ ಚಿಂಚೋಳಿ ತಾಲ್ಲೂಕಿನ ಗಡಿಕೇಶ್ವರ ಗ್ರಾಮದ 7 ಕಿಮೀ ಭೂ ಪ್ರದೇಶದಲ್ಲಿ ಸತತವಾಗಿ ಭೂಕಂಪದ ಅನುಭವಕ್ಕೆ ಬೇಸತು ಜನರು ಗ್ರಾಮವನ್ನು ತೊರೆಯುತ್ತಿದ್ದಾರೆ.

ಗ್ರಾಮದ ತುಂಬಾ ಟ್ರಾಕ್ಟರಗಳು, ಕ್ರೋಸರ್ ಗಳು ಟಾಟಾ ಐಸಿ, ದೊಡ್ಡ ಆಟೋಗಳೇ ತುಂಬಿಹಹೋಗಿದ್ದು, ಸಾಮಾನು ತುಂಬಿಕೊಂಡು ಹೋಗುತ್ತಿವೆ. ಭಾರವಾದ ಹೃದಯದಿಂದ ನೀರುತುಂಬಿದ ಕಂಗಳಿಂದ ಊರುಬಿಡುತ್ತಿರುವ ಜನರ ಅಸಹಾಯಕ ದೃಶ್ಯಗಳು ಮನಕಲಕುವಂತಿದೆ. ಜನರಿಲ್ಲದೆ ಗ್ರಾಮ ಬಿಕೋ ಎನ್ನುತ್ತಿದೆ.

ಕಡಿಕೇಶ್ವರ, ರಾಯಕೋಡ್, ಕಪನೂರು, ಭೂತ್ಪರ, ರುದ್ನೂರು, ಹೊಡೆಬೀರನಹಳ್ಳಿ, ಮರನಾಳ್, ಭಂಡನಳ್ಳಿ, ನೆನಕನಳ್ಳಿ, ಕೊರವಿ ತಾಂಡಾ, ಸುಲೇಪೆಟ್, ನಾವದಗಿ, ತೇಗಲತಿಪ್ಪ, ಹೊಸಳ್ಳಿ (ಎಚ್) ಸೇರಿದಂತೆ ಹಲವು ಗ್ರಾಮದ ಜನರು ನಿನ್ನೆ ರಾತ್ರಿ 9:55ಕ್ಕೆ ಎರಡು ಬಾರಿ ಭೂಕಂಪ ಸಂಭವಿಸಿ ಮನೆಯಲ್ಲಿದ್ದ ಪಾತ್ರೆ ಮತ್ತು ಮನೆಗಳು ಬಿರುಕುಬಿಟ್ಟಿರುವುದರಿಂದ ರಸ್ತೆಯಲ್ಲಿ ಉಳಿಯಬೇಕಾಯಿತು.

ಈಗಾಗಲೇ ಭೂಕಂಪದ ವಿಪತ್ತು ಅನುಭವಿಸುತ್ತಿರುವ ಗ್ರಾಮಗಳಲ್ಲಿ ಈಗಾಗಲೇ ಡಂಗೂರ ಸಾರಿ ಮನೆಯಲ್ಲಿ ಯಾರು ಮಲಗಬಾರದು ಮನೆಯಿಂದ ಹೊರಬಂದು ಮಲಗಿ ಮುನ್ನೆಚ್ಚರಿಕೆ ವಹಿಸಿ ಎಂದು ತಾಲ್ಲೂಕು ಆಡಳಿತ ಮನವಿ ಮಾಡುತ್ತಿದೆ.

ಜಿಲ್ಲಾಡಳಿತ ಮತ್ತು ರಾಜ್ಯ ಸರಕಾರ ಭೂಕಂಪಿಸುತ್ತಿರುವ ಬಗ್ಗೆ ಕಾರಣ ಪತ್ತೆಹಚ್ಚುವಲ್ಲಿ ವಿಫಲಾಗುತ್ತಿದ್ದು, ಕಳೇದ 1 ವರ್ಷಗಳಿಂದ ಸತತ ಭೂಕಂಪ ಕುರಿತು ಗ್ರಾಮಸ್ಥರು ಆತಂಕೀಡಾಗಿದ್ದಾರೆ. ಕಾರಣ ಪತ್ತೆ ಹಚ್ಚಲು ಸಾಧ್ಯವಾಗದಿರುವುದರಿಂದ ಜನರು ಪ್ರಾಣ ರಕ್ಷಣೆಯ ಹಿತದೃಷ್ಟಿಯಿಂದ ಗ್ರಾಮ ತೊರೆಯುತ್ತಿರುವ ಕಂಡುಬರುತ್ತಿದೆ.