ಅ.೧೯ರಂದು ಧರ್ಮ ಸಭೆ, ತುಲಾಭಾರ ಕಾರ್ಯಕ್ರಮ

ಶಹಾಬಾದ್: ತಾಲೂಕಿನ ತೊನಸನಳ್ಳಿ (ಎಸ್) ಗ್ರಾಮದ ಭಾವೈಕ್ಯತೆಯ ತಾಣವಾದ ಶ್ರೀ ಅಲ್ಲಮಪ್ರಭು ಸಂಸ್ಥಾನ ಮಠದ ಪೀಠದ ಪೀಠಾಧಿಪತಿ ಮಲ್ಲಣ್ಣಪ್ಪ ಮಹಾಸ್ವಾಮಿಗಳ ೬೦ನೇ ಜನ್ಮದಿನದ ನಿಮಿತ್ತ ಅ.೧೯ ರಂದು ಮಧ್ಯಾಹ್ನ ೧೨.೩೦ ಕ್ಕೆ ಧರ್ಮ ಸಭೆ ಹಾಗೂ ತುಲಾಭಾರ ಕಾರ್ಯಕ್ರಮಕ್ಕೆ ಬೆಂಗಳೂರಿನ ಸಂಪೂರ್ಣ ವರಮಹಾಲಕ್ಷ್ಮೀ ಮಹಾ ಸಂಸ್ಥಾನದ ಬ್ರಹ್ಮಾಂಡ ಗುರುಜಿ ನರೇಂದ್ರ ಬಾಬು ಶರ್ಮಾ ಅವರು ಆಗಮಿಸಿ ಸಾನಿಧ್ಯ ವಹಿಸುವರು.

ಪಂಚಾಯತ್‌ರಾಜ್ ಮತ್ತು ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್.ಈಶ್ವರಪ್ಪ ಅವರು ಧರ್ಮ ಸಭೆ ಉದ್ಘಾಟಿಸಿವರು. ಸಂಸದ ಡಾ. ಉಮೇಶ ಜಾಧವ ಹಾಗೂ ವಿಧಾನ ಪರಿಷತ್ ಸದಸ್ಯರು, ಮುಂಬೈ ರಾಷ್ಷೀಯ ಕೋಲಿ ಮಹಾಸಂಘದ ಅಧ್ಯಕ್ಷ ರಮೇಶ ದಾದಾ ಪಾಟೀಲ ಅವರು ಬಯಲು ಬೆಡಗು ಗ್ರಂಥ ಬಿಡುಗಡೆ ಮಾಡುವರು. ಹೈದ್ರಾಬಾದನ ರಾಷ್ಷೀಯ ಮುದಿರಾಜ ಮಹಾಸಂಘದ ಅಧ್ಯಕ್ಷ ಕಾಸಾನಿ ಜ್ಞಾನೇಶ್ವರ ಹಾಗೂ ಸಿಂದನೂರನ ಮಾಜಿ ಲೋಕಸಭಾ ಸದಸ್ಯ ಕೆ. ವಿರುಪಾಕ್ಷಪ್ಪ, ಬೆಂಗಳೂರಿನ ಅಹಿಂದ ಸಂಸ್ಥಾಪಕ ಕೆ. ಮುಕುಡಪ್ಪ ಇವರುಗಳು ಅಮೃತಧಾರೆ ಗ್ರಂಥ ಬಿಡುಗಡೆ ಮಾಡುವರು.

ಕಲಬುರಗಿ ಗ್ರಾಮೀಣ ಮತಕ್ಷೇತ್ರದ ಶಾಸಕರಾದ ಬಸವರಾಜ ಮತ್ತಿಮೂಡ ಅಧ್ಯಕ್ಷತೆ ವಹಿಸುವರು. ಮುಖ್ಯ ಅತಿಥಿಗಳಾಗಿ ಶಾಸಕ ಡಾ. ಅಜಯಸಿಂಗ್, ಮಾಜಿ ವಿಧಾನ ಪರಿಪತ್ ಸದಸ್ಯ ತಿಪ್ಪಣಪ್ಪ ಕಮಕನೂರ, ವಿಧಾನ ಪರಿಪತ್ ಸದಸ್ಯ ಎನ್, ರವಿಕುಮಾರ, ಮಾಜಿ ವಿಧಾನ ಪರಿಪತ್ ಸದಸ್ಯ ಅಲ್ಲಮಪ್ರಭು ಪಾಟೀಲ, ಮಾಜಿ ಶಾಸಕ ದೊಡಪ್ಪಗೌಡ ಪಾಟೀಲ, ಕೆ.ಕೆ.ಆರ್.ಟಿ.ಸಿ. ಮಾಜಿ ಅಧ್ಯಕ್ಷ ಭೀಮಣ್ಣ ಸಾಲಿ, ರಾಜ್ಯಗಂಗಾಮತಸ್ಥರ ಸಂಘದ ರಾಜ್ಯಾಧ್ಯಕ್ಷ ಬಿ. ಮೌಲಾಲಿ ಬಳ್ಳಾರಿ, ಕೃಷ್ಣ ಕಾಡಾ ಅಧ್ಯಕ್ಷ ಶರಣಪ್ಪ ತಳವಾರ, ಕಾಂಗ್ರೆಸ್ ಮುಖಂಡ ರಾಜಗೋಪಾಲ ರೆಡ್ಡಿ ಹಾಗೂ ವಿವಿಧ ರಾಜಕಿಯ ಮುಖಂಡರು ಮಠಾಧಿಶರು, ಗ್ರಾಮಸ್ಥರು ಆಗಮಿಸಲ್ಲಿದ್ದಾರೆ ಎಂದು ನಿಂಗಪ್ಪ ಹುಳಗೋಳಕರ್ ಶಹಾಬಾದ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.