ವಾಲ್ಮೀಕಿ ನಾಯಕ ಮುಖಂಡನ ಮೇಲೆ ಹಲ್ಲೆ ಮಾಡಿದವರ ಮೇಲೆ ಕ್ರಮಕ್ಕೆ ಮನವಿ

ಸುರಪುರ: ನಗರದ ವಾಲ್ಮೀಕಿ ನಾಯಕ ಸಮುದಾಯದ ಮುಖಂಡನ ಮೇಲೆ ಹಲ್ಲೆ ನಡೆಸಿದವರ ಮೇಲೆ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿ ಸುರಪುರ ತಾಲೂಕು ವಾಲ್ಮೀಕಿ ಮಹರ್ಷಿ ನಾಯಕ ಸಂಘದಿಂದ ಪೊಲೀಸ್ ಅಧಿಕಾರಿಗಳಿಗೆ ಮನವಿ ಸಲ್ಲಿಸಲಾಗಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡರು,ಶುಕ್ರವಾರ ತಡ ರಾತ್ರಿ ನಮ್ಮ ಸಮುದಾಯದ ಯುವ ಮುಖಂಡ ರಾಮು ನಾಯಕ ಅರಳಳ್ಳಿ ಎನ್ನುವವರ ಮೇಲೆ ರವಿಕುಮಾರ ಎನ್ನುವ ವ್ಯಕ್ತಿ ಹಲ್ಲೆ ನಡೆಸಿದ್ದಾನೆ ಅಲ್ಲದೆ ಕಾರಿನಲ್ಲಿದ್ದ ೪ ಲಕ್ಷ ರೂಪಾಯಿಗಳನ್ನು ದೋಚಿದ್ದಾನೆಂದು ಆರೋಪಿಸಿದರು.ಅಲ್ಲದೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ.ಆದ್ದರಿಂದ ಹಲ್ಲೆ ಮಾಡಿದ ವ್ಯಕ್ತಿಯ ಮೇಲೆ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.ಅಲ್ಲದೆ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ ಕಾಯ್ದೆಯಡಿ ಕೇಸು ದಾಖಲಿಸಬೇಕು ಇಲ್ಲವಾದಲ್ಲಿ ಇದೇ ೧೮ನೇ ತಾರೀಖು ಸುರಪುರ ಬಂದ್‌ಗೆ ಕರೆ ನೀಡಲಾಗುವುದು ಇದಕ್ಕೆ ಅನುಮತಿ ನೀಡಬೇಕೆಂದು ಒತ್ತಾಯಿಸಿದರು.

ನಂತರ ಸಿಪಿಐ ಅವರಿಗೆ ಬರೆದ ಮನವಿಯನ್ನು ಪಿಎಸ್‌ಐ ಕೃಷ್ಣಾ ಸುಬೇದಾರ ಅವರ ಮೂಲಕ ಸಲ್ಲಿಸಿದರು.ಈ ಸಂದರ್ಭದಲ್ಲಿ ಸಂಘಟನೆಯ ತಾಲೂಕು ಅಧ್ಯಕ್ಷ ರವಿಚಂದ್ರ ದರಬಾರಿ ಮುಖಂಡರಾದ ದಶರಥ ನಾಯಕ ದೊರೆ,ಹಣಮಂತ್ರಾಯಗೌಡ ಚಿಗರಿಹಾಳ,ಮಾನಪ್ಪ ನಾಯಕ ಪ್ಯಾಪ್ಲಿ,ದುರಗಪ್ಪ ನಾಯಕ ಡೊಣ್ಣಿಗೇರಾ,ಶ್ರವಣಕುಮಾರ ನಾಯಕ ಡೊಣ್ಣಿಗೇರಾ,ಸಿದ್ದು ನಾಯಕ ಕುಂಬಾರಪೇಟ,ಶ್ರೀನಿವಾಸ ನಾಯಕ ದೊರ ಬೈರಿಮಡ್ಡಿ,ಚಂದ್ರು ದಳಪತಿ ಗೋನಾಲ,ಶರಣುಕುಮಾರ ನಾಯಕ ದೇವರಗೋನಾಲ,ಮಲ್ಲು ನಾಯಕ ಕಬಾಡಗೇರ,ಯಲ್ಲಪ್ಪ ನಾಯಕ ಕಬಾಡಗೇರ,ಸಂಜೀವ ದರಬಾರಿ,ಗಂಗಾಧರ ನಾಯಕ ಅರಳಳ್ಳಿ,ಕೃಷ್ಣಾ ಚಿನ್ನಾಕಾಯಿ,ಮೌನೇಶ ಮ್ಯಾಗೇರಿ,ಲಕ್ಷ್ಮಣ ಪ್ಯಾಪ್ಲಿ ಸೇರಿದಂತೆ ಅನೇಕರಿದ್ದರು.