ನೀಲಕಂಠ ಅವುಂಟಿ ದಂಪತಿಗೆ ಶರಣ ಸನ್ಮಾನ

ಕಲಬುರಗಿ: ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ ಜಿಲ್ಲಾ ಘಟಕದ ಉಪಾಧ್ಯಕ್ಷ, ಜೇವರ್ಗಿಯ ನೀಲಕಂಠ ಮಲ್ಲಣ್ಣ ಅವುಂಟಿ ಹಾಗೂ ಗಂಗಾಂಬಿಕೆ ನೀಲಕಂಠ ಅವುಂಟಿ ದಂಪತಿಗೆ ಚಿತ್ರದುರ್ಗದ ಮುರುಘರಾಜೇಂದ್ರ ಬೃಹನ್ಮಠದಲ್ಲಿ ಡಾ. ಶಿವಮೂರ್ತಿ ಮುರುಘಾ ಶರಣರ ಪೀಠಾರೊಹಣ ತೃತೀಯ ದಶಮಾನೋತ್ಸವ ಮತ್ತು ಶರಣ ಸಂಸ್ಕೃತಿ ಉತ್ಸವ ಕಾರ್ಯಕ್ರಮದಲ್ಲಿ ಸನ್ಮಾನಿಸಲಾಯಿತು.

ಬಸವತತ್ವ ಪ್ರಸಾರ, ಶ್ರೀಮಠದ ಸಾಂಸ್ಕೃತಿಕ ಹಾಗೂ ಸಾಹಿತ್ಯಕ ಸೇವಾ ಕಾರ್ಯಗಳಲ್ಲಿ ತೊಡಗಿಕೊಂಡಿರುವುದನ್ನು ಗುರುತಿಸಿ ಶರಣ ದಂಪತಿ ಸನ್ಮಾನ ಮಾಡಲಾಗಿದ್ದು, ಇನ್ನು ಮುಂದೆಯೂ ಇದೇರೀತಿಯ ಜನಸೇವಾ ಕಾರ್ಯ ತಮ್ಮಿಂದ ಮುಂದುವರಿಯಲಿ. ಶರಣ ದಂಪತಿ ಸನ್ಮಾನ ಸಮಾಜಕ್ಕೆ ಪ್ರೆರಣೆಯಾಗಲಿ ಎಂದು ಶರಣರು ಆಶಿಸಿದರು.

ಜೇವರ್ಗಿ ಪುರಸಭೆಯ ಮಾಜಿ ಅಧ್ಯಕ್ಷೆ ಮಲ್ಲಮ್ಮ ಮಲ್ಲಣ್ಣ ಅವುಂಟಿ, ಬಸವ ಕೆಂದ್ರದ ಶರಣಬಸವ ಕಲ್ಲಾ, ಷಣ್ಮುಖಪ್ಪ ಹಿರೇಗೌಡ, ಗುಲ್ಬರ್ಗ ವಿವಿ ಸಿಂಡಿಕೆಟ್‌ನ ಮಾಜಿ ಸದಸ್ಯ ಸಂಗಣ್ಣಗೌಡ ಗುಳ್ಯಾಳ ವಕೀಲರು, ಮಲ್ಲನಗೌಡ ಕನ್ಯೆಕೋಳೂರ, ಮಲ್ಲನಗೌಡ ಹೆಗ್ಗಳಗಿ, ಶಿವಕುಮಾರ ಕಲ್ಲಾ, ರಾಮಣ್ಣ ತೊನಸನಳ್ಳಿ, ಲಿಂಗಣ್ಣ ಹಳಿಮನಿ ಇತರರು ಇದ್ದರು.