ಜಾತಿ ಹಂಗು ತೊರೆದು ವಿವಾಹ ಬಂಧಕ್ಕೊಳಗಾದ ಪ್ರೇಮಿಗಳು

ಸುರಪುರ: ಜಾತಿ ಹಂಗು ತೊರೆದು ಪ್ರೇಮಿಗಳಿಬ್ಬರು ವಿವಾಹ ಬಂಧಕ್ಕೊಳಗಾಗಿ ಸರಳವಾಗಿ ಮದುವೆ ಮಾಡಿಕೊಂಡ ಘಟನೆ ನಗರದ ಉಪ ನೊಂದಣಾಧಿಕಾರಿಗಳ ಕಚೇರಿ ಬಳಿ ನಡೆದಿದೆ.

ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ಅಂಬೇಡ್ಕರ್ ವಾದ) ಸಂಘಟನೆಯ ಮುಖಂಡರ ಸಮ್ಮುಖದಲ್ಲಿ ತಾಲೂಕಿನ ಮುನೀರ್ ಬೊಮ್ಮನಹಳ್ಳಿ ಗ್ರಾಮದ ಯುವತಿ ರೇಣುಕಾ ಹಾಗು ಬಳ್ಳಾರಿಯ ಯುವಕ ಸಂತೋಷ ಇಬ್ಬರು ಕೆಲ ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು.ಇಬ್ಬರ ಪ್ರೀತಿಗೆ ಯಾವುದೇ ಜಾತಿಯ ಗೋಡೆ ಅಡ್ಡಬರದಂತೆ ನೋಡಿಕೊಂಡು ಬುಧವಾರ ಉಪ ನೊಂದಣಾಧಿಕಾರಿಗಳ ಕಚೇರಿಯಲ್ಲಿ ಆಹಾರ ಬದಲಾಯಿಸಿಕೊಂಡು ಸರಳವಾಗಿ ಮದುವೆಯಾಗಿದ್ದಾರೆ ಹಾಗು ವಿವಾಹ ನೊಂದಣಿ ಮಾಡಿಸಿಕೊಂಡಿದ್ದಾರೆ.

ವಿವಾಹದ ಕುರಿತು ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ಅಂಬೇಡ್ಕರ್ ವಾದ) ಸಂಘಟನೆಯ ಜಿಲ್ಲಾ ಉಪ ಪ್ರಧಾನ ಸಂಚಾಲಕ ಮಾಳಪ್ಪ ಕಿರದಹಳ್ಳಿ ಮಾತನಾಡಿ,ಇಬ್ಬರು ಜೋಡಿಗಳು ಯಾವುದೇ ಜಾತಿಯ ಗೊಡವೆಗೆ ಬೀಳದೆ ಪ್ರೇಮಕ್ಕೆ ಒಳಗಾಗಿ ಈಗ ಸರಳವಾಗಿ ಮದುವೆಬಂಧಕ್ಕೆ ಒಳಪಡುವ ಮೂಲಕ ಜಾತಿಯನ್ನು ನಿರ್ಮೂಲನೆಗೊಳಿಸುವ ಸಂದೇಶ ನೀಡಿದ್ದಾರೆ.ಇಬ್ಬರಿಗೂ ಬದುಕಿನಲ್ಲಿ ಒಳ್ಳೆಯದಾಗಲಿ ಎಂದು ಹಾರೈಸಿದ್ದಾರೆ.ಅಲ್ಲದೆ ಅವರ ಎಲ್ಲ ಸಂದರ್ಭಕ್ಕೂ ನಮ್ಮ ಸಂಘಟನೆ ಅವರ ಜೊತೆಗಿರಲಿದೆ ಎಂದು ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ಸಂಘಟನೆಯ ತಾಲೂಕು ಸಂಚಾಲಕ ಶರಣಪ್ಪ ತಳವಾರಗೇರಾ,ಮಲ್ಲು ಪರಸನಹಳ್ಳಿ ಸೇರಿದಂತೆ ಇತರರಿದ್ದರು.