ಚಿತ್ರನಟ ಪುನೀತ್ ನಿಧನಕ್ಕೆ ರಕ್ಷಣಾ ವೇದಿಕೆ ಶ್ರದ್ಧಾಂಜಲಿ

ಸುರಪುರ: ಕನ್ನಡದ ಖ್ಯಾತ ನಟ ಪುನೀತ್ ರಾಜಕುಮಾರ್ ರವರ ನಿಧನಕ್ಕೆ ಕರ್ನಾಟಕ ರಕ್ಷಣಾ ವೇದಿಕೆ ತಾಲ್ಲೂಕು ಘಟಕದ ವತಿಯಿಂದ ತಾಲ್ಲೂಕು ಕಛೇರಿಯಲ್ಲಿ ಶೋಕ ವ್ಯಕ್ತಪಡಿಸಿ ಭಾವಚಿತ್ರ ಕ್ಕೆ ಪೂಜಿಸಿ ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಸಂಘಟನೆ ತಾಲೂಕು ಅಧ್ಯಕ್ಷ ವೆಂಕಟೇಶ ನಾಯಕ ಬೈರಿಮಡ್ಡಿ ಮಾತನಾಡಿ, ಕನ್ನಡ ಚಿತ್ರರಂಗದ ಧ್ರುವತಾರೆಯಂತಿದ್ದ ಪುನೀತ್ ರಾಜಕುಮಾರ್ ಅಗಲಿಕೆಯಿಂದ ನಾಡಿನ ಕೋಟ್ಯಂತರ ಅಭಿಮಾನಿಗಳಿಗೆ ಹಾಗೂ ನಾಡಿಗೆ ಸಹಿಸಿಕೊಳ್ಳಲು ಆಗದ ಅನಿರೀಕ್ಷಿತ ಆಘಾತ. ದುಃಖ. ಇಷ್ಟು ಚಿಕ್ಕ ವಯಸ್ಸಿನಲ್ಲೇ ಸಾವು ಸಂಭವಿಸಿರುವದು ಇಡೀ ಚಿತ್ರರಂಗಕ್ಕೆ ಮತ್ತು ನಾಡಿನ ಜನತೆಗೆ ತುಂಬಲಾರದ ನಷ್ಟವಾಗಿದೆ. ಎಷ್ಟೇ ಎತ್ತರಕ್ಕೆ ಬೆಳೆದರೂ ಯಾವುದೇ ಗರ್ವ ಅಹಂಕಾರ ಇಲ್ಲದೇ ಅವರ ತಂದೆಯವರ ಹಾದಿಯಲ್ಲಿಯೇ ಸಮಾಜಕ್ಕೆ ಉತ್ತಮ ಸಂದೇಶ ನೀಡುವ ಸದಭಿರುಚಿಯ ಸಿನಿಮಾಗಳನ್ನು ಮಾಡಿದ್ದಾರೆ. ಇಂದು ಇವರ ಅಗಲಿಕೆಯಿಂದ ಇಡೀ ಕರುನಾಡೇ ದುಃಖದ ಮಡುವಿನಲ್ಲಿ ಮುಳುಗಿದೆ. ಅವರ ಕುಟುಂಬಕ್ಕೆ ಹಾಗೂ ಅವರ ಕೋಟ್ಯಂತರ ಅಭಿಮಾನಿಗಳಿಗೆ ಆ ಭಗವಂತ ನೋವನ್ನು ಸಹಿಸಿಕೊಳ್ಳುವ ಶಕ್ತಿ ನೀಡಲಿ ಎಂದು ಕಂಬನಿ ಮಿಡಿದರು.

ತಾಲ್ಲೂಕು ಪದಾಧಿಕಾರಿಗಳಾದ ಹಣಮಗೌಡ ಶಖಾಪೂರ. ಹಣಮಂತ ಹಾಲಗೇರಾ. ಶ್ರೀನಿವಾಸ ಭೈರಿಮಡ್ಡಿ. ಸೋಮನಾಥ ಹಾಲಗೇರಾ. ಆನಂದ ಮಾಚಗುಂಡಾಳ. ಗ್ರಾಮಶಾಖೆಯ ಪದಾಧಿಕಾರಿಗಳಾದ ಶೇಖರ ಚೌಡೇಶ್ವರಿಹಾಳ. ಗುರಪ್ಪ ಹೆಮ್ಮಡಿಗಿ. ಭೀಮರಾಯ ಮಾಚಗುಂಡಾಳ.ಮಹಾಂತೇಶ ಚೌಡೇಶ್ವರಿಹಾಳ.ರಾಮನಗೌಡ ಶಖಾಪೂರ ಸೇರಿದಂತೆ ಅನೇಕರಿದ್ದರು.