17ನೇ ವರ್ಷದ ಕರವೇ ರಾಜ್ಯೋತ್ಸವ ಸಂಭ್ರಮ ಆಚರಣೆ: ವೆಂಕಟೇಶ ನಾಯಕ

ಸುರಪುರ: ಕರ್ನಾಟಕ ರಕ್ಷಣಾ ವೇದಿಕೆ (ಟಿ.ಎ.ನಾರಾಯಣಗೌಡ) ಬಣದಿಂದ ಇದೇ ತಿಂಗಳು 11ನೇ ತಾರೀಖು 17ನೇ ವರ್ಷದ ಕರವೇ ರಾಜ್ಯೋತ್ಸವ ಸಂಭ್ರಮ ಕಾರ್ಯಕ್ರಮ ಆಚರಿಸಲಾಗುತ್ತಿದೆ ಎಂದು ಕರವೇ ತಾಲೂಕು ಅಧ್ಯಕ್ಷ ವೆಂಕಟೇಶ ನಾಯಕ ಬೈರಿಮಡ್ಡಿ ಮಾತನಾಡಿದರು.

ನಗರದ ಟೈಲರ್ ಮಂಜಿಲ್‍ನಲ್ಲಿ ನಡೆದ ಪೂರ್ವಭಾವಿ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿ,11 ರಂದು ಸಂಜೆ 6 ಗಂಟೆಗೆ ನಗರದ ಶ್ರೀವೇಣುಗೋಪಾಲ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಪವರ್‍ಸ್ಟಾರ್ ಪುನೀತ್ ರಾಜಕುಮಾರ ವೇದಿಕೆ ಅಡಿಯಲ್ಲಿ ಕರವೇ ರಾಜ್ಯೋತ್ಸವ ಸಂಭ್ರಮ ಕಾರ್ಯಕ್ರಮದಲ್ಲಿ ಅನೇಕ ಜನ ಸ್ವಾಮೀಜಿಗಳು,ಶಾಸಕರು ಮತ್ತು ಅನೇಕ ಮುಖಂಡರು ಭಾಗವಹಿಸಲಿದ್ದಾರೆ.

ಅಲ್ಲದೆ ಇದೇ ಸಂದರ್ಭದಲ್ಲಿ ವಿವಿಧ ರಂಗಗಳಲ್ಲಿ ಸಾಧನೆ ಮಾಡಿರುವ 11 ಜನ ಸಾಧಕರಿಗೆ ಕುವೆಂಪು ಪ್ರಶಸ್ತಿ ಮತ್ತು ವಿಶೇಷ ಸನ್ಮಾನ ಕಾರ್ಯಕ್ರಮವು ಜರುಗಲಿದೆ ಜೊತೆಗೆ ಸರಿಗಮಪ ಖ್ಯಾತಿಯ ಕಲಾವಿದರಾದ ಸುನೀಲ್ ಗುಜಗೊಂಡ,ಸಾಕ್ಷಿ ಕಲ್ಲೂರ,ಜ್ಞಾನೇಶ ಹಾಗು ಜೂ ಉಪೇಂದ್ರ ಅವರಿಂದ ರಸಮಂಜರಿ ಮತ್ತು ಸಗರನಾಡು ಸ್ಥಳಿಯ ಸಂಗೀತ ಕಲಾವಿದರಿಂದ ವಿಶೇಷ ಗಾಯನ ವೈಭವ ಕಾರ್ಯಕ್ರವು ಜರುಗಲಿದೆ ಎಂದು ತಿಳಿಸಿದರು.

ಸುರಪುರ ಸಂಸ್ಥಾನದ ರಾಜಾ ಕೃಷ್ಣಪ್ಪ ನಾಯಕರು ಭುವನೇಶ್ವರಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿದರೆ,ಶ್ರೀ ಸಿದ್ದರಾಮಾನಂದ ಶ್ರೀಗಳು ಕನಕ ಗುರುಪೀಠ ತಿಂಥಣಿ ಬ್ರೀಜ್,ಶ್ರಿ ಶಿವಮೂರ್ತಿ ಶಿವಾಚಾರ್ಯರು ದೇವಾಪುರ,ಶ್ರೀ ಚೆನ್ನಮಲ್ಲಿಕಾರ್ಜುನ ಶಿವಾಚಾರ್ಯರು ಲಕ್ಷ್ಮೀಪುರ,ಶ್ರೀವರದಾನಂದ ಮಹಾಸ್ವಾಮಿಗಳು ವಾಲ್ಮೀಕಿ ಗುರುಪೀಠ ಗೋಲಪಲ್ಲಿ,ಭಂತೆ ಸಾರಿಪುತ್ರ ಧಮ್ಮಗಿರಿ ಶಹಾಪುರ,ಸೈಯದ್ ರಾಜಾಕ್ ಪಾಷಾ ಖಾದ್ರಿ ಸುರಪುರ ಹಾಗು ಶ್ರೀ ತೀರ್ಥ ಗುರೂಜಿ ಜೈನ ಮಂದಿರ ಸುರಪುರ ಇವರುಗಳ ಸಾನಿಧ್ಯದಲ್ಲಿ ನಡೆಯುವ ಕಾರ್ಯಕ್ರಮವನ್ನು ಶಾಸಕರಾದ ರಾಜುಗೌಡ ಉದ್ಘಾಟಿಸಲಿದ್ದು ರಾಜಾ ಹನುಮಪ್ಪ ನಾಯಕ (ತಾತಾ) ಜ್ಯೋತಿ ಬೆಳಗಿಸಲಿದ್ದು,ನಮ್ಮ ಸಂಘಟನೆ ರಾಜ್ಯ ಪ್ರಧಾನ ಸಂಚಾಲಕ ಬಸವರಾಜ ಪಡಕೋಟೆ ಹಾಗು ಜಿಲ್ಲಾಧ್ಯಕ್ಷ ಟಿ.ಎನ್.ಭೀಮುನಾಯಕ ಅಧ್ಯಕ್ಷತೆ ವಹಿಸಲಿದ್ದರು ಇನ್ನೂ ಅನೇಕರು ಭಾಗವಹಿಸಲಿದ್ದಾರೆ ಎಂದರು.

ಇದೇ ಸಂದರ್ಭದಲ್ಲಿ ರಾಜ್ಯೋತ್ಸವ ಸಂಭ್ರಮ ಕಾರ್ಯಕ್ರಮದ ಭಿತ್ತಿ ಪತ್ರ ಮತ್ತು ಆಮಂತ್ರಣ ಪತ್ರಿಕೆಯನ್ನು ಬಿಡುಗಡೆಗೊಳಿಸಲಾಯಿತು.

ಸಭೆಯಲ್ಲಿ ಸಂಘಟನೆ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಭೀಮು ನಾಯಕ ಮಲ್ಲಿಬಾವಿ ತಾಲೂಕು ಪದಾಧಿಕಾರಿಗಳಾದ ಹಣಮಗೌಡ ಶಖಾಪುರ,ಶ್ರೀನಿವಾಸ ಬೈರಿಮಡ್ಡಿ,ಆನಂದ ಮಾಚಗುಂಡಾಳ,ಹಣಮಂತ ಹಾಲಗೇರಾ,ಭೀಮನಗೌಡ ಗೌಡಗೇರಾ,ಸೋಮಯ್ಯ ಹಾಲಗೇರಾ,ಶ್ರೀಶೈಲ ಕಾಚಾಪುರ,ವಿದ್ಯಾರ್ಥಿ ಘಟಕದ ಶಾಂತಗೌಡ ದೇವಾಪುರ,ಕೆಂಭಾವಿ ವಲಯದ ಕುಮಾರ ಮೋಪಗಾರ,ಕಕ್ಕೇರಾ ವಲಯದ ಆದಯ್ಯ ಗುರಿಕಾರ,ಮಲ್ಲನಗೌಡ ಕಕ್ಕೇರಾ ಸೇರಿದಂತೆ ಅನೇಕರಿದ್ದರು.