ರಸ್ತೆ ಕಾಮಗರಿ ಕಳಪೆಗೆ ಮಾಜಿ ಶಾಸಕ ಬಿ.ಆರ್. ಸಿಡಿಮಿಡಿ

ಆಳಂದ: ತಾಲೂಕಿನ ಹವಲಡೆ ಕೋಟ್ಯಂತರ ರೂಪಾಯಿ ಖರ್ಚುಮಾಡಿ ನಡೆದ ರಸ್ತೆ ಕಾಮಗಾರಿಗಳು ಕೆಲವೇ ದಿನಗಳಲ್ಲಿ ಮತ್ತೆ ಮೊದಲಿನ ಸ್ಥಿತಿಯಲ್ಲೇ ಕಾಣುತ್ತಿವೆ. ಇದೊಂದು ಕೆಟಪರಿಸ್ಥಿತಿ ಎದುರಾಗಿದೆ ಎಂದು ಮಾಜಿ ಶಾಸಕ ಬಿ.ಆರ್. ಪಾಟೀಲ ಅವರು ಸಿಡಿಮಿಡಿಗೊಂಡಿದ್ದಾರೆ.

ತಾಲೂಕಿನ ವಳವಂಡವಾಡಿ ತಡಕಲ್ ಮಾರ್ಗದ ರಸ್ತೆಯಲ್ಲಿ ಸಾಗುವಾಗ ರಸ್ತೆಯ ಅವ್ಯವಸ್ಥೆ ಕಂಡು ಹೊಲದಲ್ಲಿ ಸಾಗುವಳಿ ಮಾಡುತ್ತಿದ್ದ ರೈತರೊಬ್ಬರಿಗೆ ಅವರು ಮಾತನಾಡಿಸಿದರು.

ಈ ರಸ್ತೆ ಯಾವಾಗ ಕಾಮಗಾರಿ ನಡೆದಿದೆ. ಮತ್ತು ಕಿತ್ತಿ ಹೋಗಿದೇ ಏನು ಕಿತ್ತುಕೊಂಡು ಹೋಗಿದ್ದಾರೆ ಎಂದು ಕೇಳಿದರು.

ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ಮಂಡಳಿಯ 2 ಕೋಟಿ ರೂ.ಗಳ ವೆಚ್ಚದಲ್ಲಿ ಲೋಕೋಪಯೋಗಿ ಬಂದರು ಮತ್ತು ಒಳನಾಡು ಜಲಸಾರಿಗೆ ಇಲಾಖೆಯಿಂದ ಕೈತ್ತಿಕೊಂಡ ತಡಕಲ್‍ನಿಂದ ಒಳವಂಡವಾಡಿ ಗ್ರಾಮದ ಸಂಪರ್ಕದ 3.90 ಕೆ.ಮೀ. ರಸ್ತೆಯನ್ನು ಕಾಮಗಾರಿ ಕೈಗೊಂಡ ಕೆಲವೇ ದಿನಗಳಲ್ಲಿ ಸಂಪೂರ್ಣವಾಗಿ ಮೊದಲಿನಂತೆ ಹದಗೆಟ್ಟಿದೆ. ಇದನ್ನು ಕಂಡ ಪಾಟೀಲ ಸರ್ಕಾರದ ದುಡ್ಡು ಲೂಟಿಹೊಡೆಯುತ್ತಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಪಟ್ಟಣದ ಹೊಸ ಚೆಕ್ ಪೋಸ್ಟ್‍ನಿಂದ ಕೊರಳ್ಳಿ ಮಾರ್ಗದ ರಸ್ತೆಯೂ ಸಂಪೂರ್ಣವಾಗಿ ದುರಸ್ಥಿಕೈಗೊಂಡ ಕೆಲವೇ ದಿನಗಳಲ್ಲಿ ಮೊದಲಿನಂತಾಗಿದೆ ಎಂದರು. ಈ ಸಂದರ್ಭದಲ್ಲಿ ಕಾಂಗ್ರೆಸ್ ಕೆಪಿಸಿಸಿ ಸದಸ್ಯ ರಾಜಶೇಖರ ಮಲಶೆಟ್ಟಿ ಚಿತಲಿ ಇತರರು ಇದ್ದರು.