ವಿಧಾನ ಪರಿಷತ್ ಚುನಾವಣೆಯಲ್ಲಿ ಶಾಂತಿಯುತ ಮತದಾನ

ಶಹಾಬಾದ: ಕಲಬುರಗಿ ವಿಧಾನ ಪರಿಷತ್ ಚುನಾವಣೆ ಹಿನ್ನೆಲೆಯಲ್ಲಿ ಶುಕ್ರವಾರ ನಡೆದ ಮತದಾನ ಪ್ರಕ್ರಿಯೆ ಬಹುತೇಖ ಶಾಂತಿಯುತವಾಗಿ ನಡೆದಿದ್ದು, ಶೇ ೯೯.೧೪ರಷ್ಟು ಮತದಾನವಾಗಿದೆ.

ತಾಲೂಕಿನ ಐದು ಮತದಾನ ಕೇಂದ್ರದಗಳಾದ ಶಹಾಬಾದ ನಗರಸಭೆ, ಹೊನಗುಂಟಾ,ಮರತೂರ, ತೊನಸನಹಳ್ಳಿ(ಎಸ್),ಭಂಕೂರ ಗ್ರಾಮ ಪಂಚಾಯತಿಯ ಮತದಾನ ಕೇಂದ್ರದಲ್ಲಿ ಬೆಳಿಗ್ಗೆ ೭ಗಂಟೆಗೆ ಮತದಾನ ಪ್ರಾರಂಭಗೊಂಡಿತು. ಬೆಳಗಿನ ಸಮಯದಲ್ಲಿ ನಗರಸಭೆಯ ಹಾಗೂ ಗ್ರಾಪಂ ಸದಸ್ಯ ಮತದಾರರು ಶೇ೭೫ರಷ್ಟು ಬಂದು ಬಿರುಸಿನ ಮತ ಚಲಾಯಿಸಿದರು. ಮಧ್ಯಾಹ್ನ ಹೊತ್ತಿಗೆ ಮತದಾನ ನೀರಸ ಪ್ರಕ್ರಿಯೆ ಕಂಡುಬಂದಿತು. ನಂತರ ಉಳಿದ ಮತದಾರರು ೨ ಗಂಟೆಯ ಒಳಗಾಗಿ ಮತಚಲಾಯಿಸಿದರು. ನಗರಸಭೆಯ ಹಾಗೂ ಗ್ರಾಪಂ ಸದಸ್ಯರನ್ನು ಕರೆಯಿಸಿ ಮತದಾನ ಮಾಡಲು ವಿವಿಧ ರಾಜಕೀಯ ಪಕ್ಷಗಳು ಹರಸಾಹಸ ಪಟ್ಟರು.

ವಿವಿಧ ಪಕ್ಷದ ಮುಖಂಡರು ಮತದಾರರಿಗೆ ಕರೆ ಮಾಡಿ ಮತ ಚಲಾಯಿಸಲು ಹೇಳುತ್ತಿರುವುದು ಕಂಡು ಬಂದಿತು.ಅಲ್ಲದೇ ತಮ್ಮ ತಮ್ಮ ಅಭ್ಯರ್ಥಿಗಳ ಪರವಾಗಿ ಮತಗಟ್ಟೆಗೆ ಬರುತ್ತಿದ್ದ ಮತದಾರರನ್ನು ಸೆಳೆಯಲು ಕಸರತ್ತು ನಡೆಸುತ್ತಿದ್ದ ದೃಶ್ಯಗಳು ಕಂಡು ಬಂದವು. ಮತದಾನದ ವೇಳೆ ಮಾಸ್ಕ್ ಧರಿಸಲು ಹೇಳಿದಲ್ಲದೇ, ಸಾಮಾಜಿಕ ಅಂತರ ಕಾಪಾಡಿಕೊಂಡು ಮತ ಚಲಾಯಿಸಲು ಕಟ್ಟು ನಿಟ್ಟಿನ ಕ್ರಮ ಕೈಗೊಳ್ಳಲಾಗಿತ್ತು.ಯಾವುದೇ ಅಹಿತಕರ ಘಟನೆ ನಡೆಯದಂತೆ ಸೂಕ್ತ ಪೊಲೀಸ್ ಬಂದೋಬಸ್ತ್ ಮಾಡಲಾಗಿತ್ತು.ಅಲ್ಲದೇ ತಹಸೀಲ್ದಾರ ಸುರೇಶ ವರ್ಮಾ ಹಾಗೂ ನಗರಸಬೆಯ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ ಮತದಾನ ಕೇಂದ್ರಗಳಿಗೆ ಬೇಟಿ ನೀಡಿ ಪರಿಶೀಲಿಸಿದರು. ಮತದಾನ ಕೇಂದ್ರಗಳಲ್ಲಿ ಕುಡಿಯುವ ನೀರಿನ ವ್ಯವಸ್ಥೆ ಕೂಡ ಮಾಲಾಗಿತ್ತು.

ಒಟ್ಟು ೧೨೨ ಮತದಾರರಲ್ಲಿ ೧೨೧ ಮತದಾರರು ಮತ ಚಲಾಯಿಸಿದರು. ಅದರಲ್ಲಿ ೫೯ ಪುರುಷ ಮತದಾರರು ಮತ್ತು ೬೨ ಮಹಿಳಾ ಮತದಾರರು ಮತ ಚಲಾಯಿಸಿದರು.ಭಂಕೂರ ಗ್ರಾಪಂಯ ಸದಸ್ಯರೊಬ್ಬರೂ ಮಾತ್ರ ಮತದಾನವನ್ನು ಬಹಿಷ್ಕಾರ ಮಾಡಿರುವುದು ಕಂಡು ಬಂದಿತು.ಇವರೊಬ್ಬರು ಮತದಾನ ಮಾಡಿದ್ದರೇ ನೂರಕ್ಕೆ ನೂರರಷ್ಟು ಮತದಾನವಾಗುತ್ತಿತ್ತು.