ರಾಜಾ ವೇಣುಗೋಪಾಲ ನಾಯಕ ಜನುಮ ದಿನ:ವಿವಿಧ ಸೇವೆ

ಸುರಪುರ: ತಾಲೂಕಿನ ಕಾಂಗ್ರೆಸ್ ಪಕ್ಷದ ಯುವ ಮುಖಂಡರು ಹಾಗು ಮಾಜಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಅವರ ಸುಪುತ್ರ ರಾಜಾ ವೇಣುಗೋಪಾಲ ನಾಯಕ ಅವರ ಜನುಮ ದಿನದ ಅಂಗವಾಗಿ ಅಭಿಮಾನಿಗಳು ಹಾಗು ಹಿತೈಸಿಗಳು ವಿವಿಧ ಸೇವೆಗಳ ಮೂಲಕ ಆಚರಿಸಿದರು.

ಬುಧವಾರ ಬೆಳಿಗ್ಗೆ ನಗರದ ಮಹಾತ್ಮ ಗಾಂಧಿ ವೃತ್ತದಲ್ಲಿ ಅನ್ನದಾಸೋಹವನ್ನು ಮಾಡಲಾಯಿತು,ಈ ಸಂದರ್ಭದಲ್ಲಿ ಗ್ರಾಮೀಣ ಪ್ರದೇಶದಿಂದ ಆಗಮಿಸಿದ್ದ ಜನರು ಅನ್ನ ದಾಸೋಹದಲ್ಲಿ ಪಾಲ್ಗೊಂಡು ರಾಜಾ ವೇಣುಗೋಪಾಲ ನಾಯಕರಿಗೆ ಶುಭವನ್ನು ಹಾರೈಸಿದರು.ಈ ಸಂದರ್ಭದಲ್ಲಿ ಮಾಜಿ ಶಾಸಕರಾದ ರಾಜಾ ವೆಂಕಟಪ್ಪ ನಾಯಕ ಮುಖಂಡರಾದ ವಿಠ್ಠಲ್ ಯಾದವ್,ರಾಜಾ ರೂಪಕುಮಾರ ನಾಯಕ, ವೆಂಕೋಬ ಯಾದವ್, ರಾಜಾ ಸಂತೋಷ ನಾಯಕ,ಯೂತ್ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ರಾಜಾ ಕುಮಾರ ನಾಯಕ,ರಾಜಾ ವಿಜಯಕುಮಾರ್ ನಾಯಕ,ವೆಂಕಟೇಶ ಹೊಸ್ಮನಿ,ಶ್ರೀನಿವಾಸ ನಾಯಕ ಬೊಮ್ಮನಹಳ್ಳಿ,ಮಾನಪ್ಪ ಸುಗೂರು,ಪ್ರಕಾಶ ಯಾದವ್,ಮಾಳಪ್ಪ ಕಿರದಳ್ಳಿ,ಶರಣು ಶಾಂತಪುರ,ಶರಣು ತಳವಾರಗೇರಾ,ರಮೇಶ ಅರಕೇರಿ,ಶರಣು ಕಲಬುರ್ಗಿ,ಶರಣು ದೇವರಗೋನಾಲ,ಪರಶುರಾಮ ಮಂಗಿಹಾಳ ಸೇರಿದಂತೆ ಅನೇಕರಿದ್ದರು.

ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಹಾಲು ಹಣ್ಣು ವಿತರಣೆ: ರಾಜಾ ವೇಣುಗೋಪಾಲ ನಾಯಕ ಅವರ ಜನುಮ ದಿನದ ಅಂಗವಾಗಿ ನಗರದ ತಾಲೂಕು ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಹಣ್ಣು ಹಾಲು ಬ್ರೇಡ್ ವಿತರಣೆ ಮಾಡಲಾಯಿತು.ರಾಜಾ ಸಂತೋಷ ನಾಯಕ ಅವರ ನೇತೃತ್ವದಲ್ಲಿ ಆಸ್ಪತ್ರೆಯಲ್ಲಿನ ಎಲ್ಲಾ ರೋಗಿಗಳಿಗೆ ಹಣ್ಣು ಹಾಲು ವಿತರಣೆ ಮಾಡುವ ಮೂಲಕ ಶುಭ ಹಾರೈಸಿದರು.ಈ ಸಂದರ್ಭದಲ್ಲಿ ಮುಖಂಡರಾದ ಪ್ರಕಾಶ ಯಾದವ್,ಶರಣು ಕಲಬುರ್ಗಿ,ಪರಶುರಾಮ ಮಂಗಿಹಾಳ,ಬಸವರಾಜ ಹಡಪದ ಜಾಲಿಬೆಂಚಿ,ಶರಣು ಶಾಂತಪುರ,ರಾಜು ಕಟ್ಟಿಮನಿ ಸೇರಿದಂತೆ ಅನೇಕರಿದ್ದರು.