ಶ್ರೀ ಹನುಮಾನ ಮಂದಿರದ ೩೩ ನೇ ವಧಂತಿ ಉತ್ಸವ

ಕಲಬುರಗಿಯ ಪ್ರಶಾಂತ ನಗರದ ಶ್ರೀ ಹನುಮಾನ ಮಂದಿರದ ೩೩ ನೇ ವಧಂತಿ ಉತ್ಸವ ವಿವಿಧ ಧಾರ್ಮಿಕ ಕಾರ್ಯಕ್ರಮಗಯೊಂದಿಗೆ ಆಚರಿಸಲಾಯಿತು.

ಅರ್ಚಕರಾದ ಗುಂಡಾಚಾರ್ಯ ನರಿಬೊಳ ನೇತೃತ್ವದಲ್ಲಿ ಬೆಳಿಗ್ಗೆ ಅಭಿಷೇಕ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ, ಪಲ್ಲಕ್ಕಿ ಉತ್ಸವ, ನಂತರ ಲೋಕಕಲ್ಯಾಣಾರ್ಥವಾಗಿ ಸಾಮೂಹಿಕ ಶ್ರೀ ವಿಷ್ಣು ಸಹಸ್ರನಾಮ ಪಾರಾಯಣ. ನಂತರ ಪಂ ಅಭಯಾಚಾರ್ಯ ಅವರಿಂದ ಸುಂದರಖಾಂಡ ಪ್ರವಚನ ನೆರವೇರಿತು.

ಅರ್ಚಕರಾದ ಗುಂಡಾಚಾರ್ಯರು ಮಾತನಾಡಿ ಬುದ್ದಿ, ಬಲ, ಆರೋಗ್ಯ  ಜ್ಞಾನ ಕೊಡುವ  ವಾಯುದೇವರ ಅನುಗ್ರ ಇದ್ದರೆ ಯಾವುದೇ ತೊಂದರೆ ಬರುವದಿಲ್ಲ ಹನುಮಂತ ದೇವರ ಅನುಗ್ರಹದಿಂದ ವಿಶ್ವದಲ್ಲಿ ಹಬ್ಬುತ್ತಿರುವ ಕರೋನಾ ರೋಗ ನಿವಾರಣೆಯಾಗಿ ಎಲ್ಲರಿಗೂ ಆರೋಗ್ಯ  ದೊರೆಯಲಿ ಎಂದು ಪ್ರಾತಿಸಿದರು.

ಈ ಸಂದರ್ಭದಲ್ಲಿ ಶಾಸಕ ದತ್ತಾತ್ರೇಯ ಪಾಟೀಲ್ ರೇವೂರ್, ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ದಯಾಘನ ಧಾರವಾಡ. ಮಹಾನಗರ ಪಾಲಿಕೆ ಸದಸ್ಯ ವೀರಣ್ಣ ಹೊನ್ನಳ್ಳಿ. ದೇವಸ್ಥಾನ ಅಧ್ಯಕ್ಷ ಡಿ ವಿ ಕುಲಕರ್ಣಿ, ರವಿ ಲಾತುಋ ಸೇರಿದಂತೆ  ಮುಂತಾದವರು ಭಾಗವಹಿಸಿದ್ದರು.