ಸುರಪುರ: ಶಾಂತುಯುತವಾಗಿ ಮುಕ್ತಾಯಗೊಂಡ ಮತದಾನ

ಸುರಪುರ: ತಾಲೂಕಿನ ವಿವಿಧ ಕಡೆಗಳಲ್ಲಿ ನಡೆದ ಪುರಸಭೆ ಮತ್ತು ಒಂದು ಕ್ಷೇತ್ರದ ಗ್ರಾಮ ಪಂಚಾಯತಿ ಉಪ ಚುನಾವಣೆ ಶಾಂತಿಯುತವಾಗಿ ಮುಕ್ತಾಯಗೊಂಡಿವೆ.

ತಾಲೂಕಿನ ಕೆಂಭಾವಿ ಪಟ್ಟಣದ ಪುರಸಭೆಯ ೨೨ ವಾರ್ಡ್‌ಗಳಿಗೆ ಶಾಂತಿಯುತವಾಗಿ ಚುನಾವಣೆ ನಡೆದು ೭೨.೧೭ ರಷ್ಟು ಮತದಾನವಾಗಿದೆ.ಅದರಂತೆ ಕಕ್ಕೇರಾ ಪುರಸಭೆ ಚುನಾವಣೆಯಲ್ಲಿ ೨೩ ವಾರ್ಡ್‌ಗಳಿಗೆ ಚುನಾವಣೆ ನಡೆದಿದ್ದು ಸೋಮವಾರ ಸಂಜೆಯವರೆಗೂ ನಡೆದ ಮತದಾನದಲ್ಲಿ ೭೬.೬೮ ರಷ್ಟು ಮತದಾನವಾಗಿದೆ.

ಇನ್ನೂ ದೇವಾಪುರ ಗ್ರಾಮ ಪಂಚಾಯತಿಯ ಅರಳಹಳ್ಳಿ ಗ್ರಾಮದಲ್ಲಿನ ಒಂದು ಸ್ಥಾನಕ್ಕೆ ನಡೆದ ಉಪಚುನಾವಣೆಯು ಶಾಂತಿಯುತ ಮತದಾನವಾಗಿದ್ದು ೭೬.೯೮ ರಷ್ಟು ಮತದಾನವಾಗಿದೆ.ಎಲ್ಲಾ ಕ್ಷೇತ್ರಗಳಲ್ಲಿಯೂ ಶಾಂತಿಯುತ ಮತದಾನವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.