ಎಲ್.ಐ.ಸಿ. ಪಾಲಿಸಿಗಳ ಪ್ರಚಾರದ ವಾಹನಕ್ಕೆ ಚಾಲನೆ

ಮಾಲೂರು: ಎಲ್‌ಐಸಿ ಸಂಪರ್ಕ ಶಾಖೆಯಲ್ಲಿ ಶಾಖಾಧಿಕಾರಿ ಪಿತಾಂಬರಂ ಎಲ್.ಐ.ಸಿ. ಪಾಲಿಸಿಗಳ ಪ್ರಚಾರದ ವಾಹನಕ್ಕೆ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶಾಖಾಧಿಕಾರಿಗಳು ಗ್ರಾಮಾಂತರ ಪ್ರದೇಶದಲ್ಲಿ ಎಲ್.ಐ.ಸಿ. ಪಾಲಿಸಿಗಳ ಬಗ್ಗೆ ಅರಿವು ಮೂಡಿಸುವ ಬಗ್ಗೆ ಪ್ರಚಾರದ ವಾಹನವು ತಾಲೂಕಿನಾದ್ಯಂತ ಸಂಚಾರ ಮಾಡಿ ಪ್ರತಿನಿದಿಗಳು ಹಾಗೂ ಗ್ರಾಹಕರಿಗೆ ಅನುಕೂಲವಾಗಲು ಪ್ರಚಾರವನ್ನು ನೀಡುತ್ತಿದ್ದು, ಗ್ರಾಹಕರು ಜೀವನ ರಕ್ಷಣೆಗಾಗಿ ಆರೋಗ್ಯ ಪಾಲಿಸಿ, ಟರ್ಮ್ ಪಾಲಿಸಿಗಳನ್ನು ಕೋವಿಡ್ ಸಂದರ್ಭದಲ್ಲಿ ಮಾಡಿಸಿಕೊಂಡಲ್ಲಿ ಅನುಕೂಲಕರವಾಗುತ್ತದೆ ಎಂದರು.

ಉತ್ತಮವಾದ ಪಾಲಿಸಿಗಳಾದ ಜೀವನ್ ಲಾಭ್, ಜೀವನ್ ಉಮಂಗ್, ಧನರೇಖ, ಜೀವನ್ ಆನಂದ್, ಜೀವನ್ ರಕ್ಷ, ಆದಾರ್ ಸ್ತಂಭ, ಭೀಮಾ ಜ್ಯೋತಿ, ಜೀವನ್ ತರುಣ್, ಮನಿಬ್ಯಾಕ್ ಪಾಲಿಸಿ, ಯೂಲಿಪ್ ಪಾಲಿಸಿ ನಿವೇಶ್ ಪ್ಲಸ್, ಟರ್ಮ ಪಾಲಿಸಿ ಸರಳ್, ಜೀವನ್ ಅಮರ್, ನ್ಯೂಜೀವನ್ ಶಾಂತಿ, ಜೀವನ್ ಅಕ್ಷಯ್, ಆರೋಗ್ಯ ರಕ್ಷಕ್ ಇದರ ಬಗ್ಗೆ ಗ್ರಾಮೀಣ ಪ್ರದೇಶಗಳಲ್ಲಿ ಅರಿವು ಮೂಡಿಸಲಾಗುತ್ತದೆ ಎಂದರು.

ಈ ಸಂದರ್ಭದಲ್ಲಿ ಆಡಳಿತಾಧಿಕಾರಿ ಕೃಷ್ಣಮೂರ್ತಿ, ಅಭಿವೃದ್ಧಿ ಅಧಿಕಾರಿ ಸುನೀಲ್ ಸಿದ್ದಾರ್ಥ್, ಜೀವ ವಿಮಾ ಸಲಹೆಗಾರ ನಂಜುಂಡಪ್ಪ, ಬಿ.ಜಯರಾಮ್, ನಾರಾಯಣರೆಡ್ಡಿ ಹಾಜರಿದ್ದರು.