ರೈತರ ಬೇಡಿಕೆಳ ಈಡೇರಿಸಲು ಭಾರತೀಯ ಕಿಸಾನ ಸಂಘ ಮನವಿ

ಸುರಪುರ: ದೇಶದಲ್ಲಿನ ರೈತರು ಇಂದು ತೀವ್ರ ಸಂಕಷ್ಟದಲ್ಲಿದ್ದು ರೈತರ ಬೇಡಿಕೆಗಳನ್ನು ಈಡೇರಿಸುವಂತೆ ಮುಖಂಡ ಗಂಗಾಧರ ನಾಯಕ ತಿಂಥಣಿ ಸರಕಾರಕ್ಕೆ ಒತ್ತಾಯಿಸಿದರು.

ಭಾರತೀಯ ಕಿಸಾನ ಸಂಘದಿಂದ ನಗರದ ತಹಸೀಲ್ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿ ಮಾತನಾಡಿ,ದೇಶಕ್ಕೆ ಸ್ವಾತಂತ್ರ್ಯ ಬಂದು ೭೫ ವರ್ಷ ಕಳೆದರು ರೈತರಿಗೆ ಸರಿಯಾದ ನೆರವು ದೊರೆಯುತ್ತಿಲ್ಲ.ರೈತರು ಬೆಳೆದ ಬೆಳೆಗೆ ಸರಿಯಾದ ಬೆಲೆ ಸಿಗದೆ ರೈತರು ಸಂಕಷ್ಟದಲ್ಲಿದ್ದಾರೆ.ಅಲ್ಲದೆ ೯೦ ರಿಂದ ಇಲ್ಲಿಯವರೆಗೆ ಸುಮಾರು ೩೦೫ ಲಕ್ಷದಷ್ಟು ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಇನ್ನು ರೈತರಿಗೆ ಸರಕಾರದಿಂದ ಬೆಳೆಗೆ ಬೆಂಬಲ ಬೆಲೆ ದೊರೆಯುತ್ತಿಲ್ಲ,ವ್ಯವಸಾಯಕ್ಕೆ ಬೇಕಾಗುವ ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೇರಿವೆ ಇದರ ಮದ್ಯೆ ರೈತರು ವ್ಯವಸಾಯ ಮಾಡುವುದು ದುರಸ್ತರವಾಗಿದೆ.ಆದ್ದರಿಂದ ಸರಕಾರ ರೈತರಿಗೆ ಅಗತ್ಯ ಸೌಲಭ್ಯಗಳ ಕಲ್ಪಿಸುವಂತೆ ಸರಕಾರಕ್ಕೆ ನಿರ್ದೇಶನ ನೀಡುವಂತೆ ರಾಷ್ಟ್ರಪತಿಗಳಿಗೆ ಒತ್ತಾಯಿಸಿದರು.

ನಂತರ ರಾಷ್ಟ್ರಪತಿಗಳಿಗೆ ಬರೆದ ಮನವಿಯನ್ನು ತಹಸೀಲ್ದಾರರ ಮೂಲಕ ಸಲ್ಲಿಸಿದರು.ಈ ಸಂದರ್ಭದಲ್ಲಿ ಮುಖಂಡರಾದ ಪ್ರಾಣೇಶ ಕುಲಕರ್ಣಿ ಕಾಮನಟಿಗಿ,ತಾಲೂಕು ಅಧ್ಯಕ್ಷ ಅಂಬಣ್ಣ ರಂಗಂಪೇಟೆ,ಕಾರ್ಯದರ್ಶಿ ಬಸವರಾಜ ಹೆಮ್ಮಡಗಿ,ಅಯ್ಯಪ್ಪ ಗುತ್ತೇದಾರ,ಚೌಡಪ್ಪ ಏರ್ಸನ್,ಭೀಮಣ್ಣ ಖಂಡ್ರೆ ಶಾಂತಪುರ,ಹಂಪಣ್ಣ ಹೆಮ್ಮಡಗಿ,ತಿಪ್ಪಣ್ಣ ಕೊಂಗಂಡಿ,ಮಹೇಂದ್ರ ನಾಯಕ ಸುರಪುರ,ಭೀಮರಾಯ ಕೊಂಡಿ ನಾಯಕ ಹೆಮನೂರು,ಶಿವಣ್ಣ ಶೆಳ್ಳಗಿ,ಶಿವನಗೌಡ ಶಾಪೂರ್ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.