ಸುರಪುರ: ಶ್ರೀಪ್ರಭು ಮಹಾವಿದ್ಯಾಲಯದಲ್ಲಿ ಎನ್‌ಸಿಸಿ ವಿದ್ಯಾರ್ಥಿಗಳ ಸನ್ಮಾನ

ಸುರಪುರ: ಹೈದರಾಬಾದ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಶ್ರೀ ಪ್ರಭು ಕಲಾ, ವಿಜ್ಞಾನ & ಜೆ.ಎಮ್. ಬೊಹ್ರಾ ವಾಣಿಜ್ಯ ಪದವಿ ಮಹಾವಿದ್ಯಾಲಯದಲ್ಲಿ ಎನ್.ಸಿ.ಸಿ.ಯ ಬಿ ಮತ್ತು ಸಿ ಸರ್ಟಿಫಿಕೇಟ್ ಪಾಸಾದ ವಿದ್ಯಾರ್ಥಿಗಳಿಗೆ ಸನ್ಮಾನ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.

ಕಾರ್ಯಕ್ರಮದಲ್ಲಿ ಪ್ರಾಸ್ತವಿಕವಾಗಿ ಮಾತನಾಡಿದ ಡಾ. ಕ್ಯಾಪ್ಟನ್ ರಮೇಶ ಬಿ. ಶಹಾಪುರಕರ ಅವರು ಕಾಲೇಜಿನ ಇತಿಹಾಸದಲ್ಲಿ ಇಲ್ಲಿಯವರೆಗೆ ಯಾರು ಮಾಡಿರದ ಸಾಧನೆಯನ್ನು ೨೦೨೧-೨೨ ನೇ ಸಾಲಿನ ಕೇಡೆಟ್ ಗಳಾದ ಮುಸ್ಕಾನ,ಆಸಿಫ, ರಾಜೇಶ್ವರಿ, ಅಭಿಶೇಕ್ ಬಶೇಟ್ಟಿ, ಬಸವರಾಜ ಕುಂಬಾರ ಮತ್ತು ಜ್ಯೋತಿ ಸೂಗಣ್ಣ ಅವರು ರ‍್ಯಾಂಕ್ ಪಡೆದಿರುವುದಲ್ಲದೇ ಸಿ ಸರ್ಟಿಫಿಕೇಟ್ ೧೫ ಹಾಗೂ ಬಿ ಸರ್ಟಿಫಿಕೇಟ್ ೧೮ ವಿದ್ಯಾರ್ಥಿಗಳು ಉತೀರ್ಣರಾಗಿ ಕಾಲೇಜಿನ ಕೀರ್ತಿ ಹೆಚ್ಚಿಸದ್ದಾರೆ ಎಂದರು.

ಅತಿಥಿಗಳಾಗಿ ಭಾಗವಹಿಸಿದ್ದ ಕಾಲೇಜಿನ ಉಪ-ಪ್ರಾಚಾರ್ಯರಾದ ಪ್ರೊ. ವೇಣುಗೋಪಾಲ ಜೇವರ್ಗಿಯವರು ಮಾತನಾಡಿ, ಕೇವಲ ಪುಸ್ತಕಗಳು ಪಾಠ ಪ್ರವಚನಗಳು ಕಾಲೇಜಿನ ಗುರಿಯಲ್ಲ ಪಠ್ಯತರ ಚಟುವಟಿಕೆಗಳು ಅಷ್ಟ ಮುಖ್ಯ ರಾಷ್ಟೀಯ ಸೇವೆಗಾಗಿ ರಾಷ್ಟ್ರ ಪ್ರೇಮ ಮೇರೆಯುವಂತ ಇಂದತ ಸಂಘಟನೆಗಳಲ್ಲಿ ವಿದ್ಯಾರ್ಥಿಗಳು ತೊಡಗಿಸಿಕೊಂಡು ಶಿಸ್ತುಬದ್ದ ಜೀವನಶಯಲಿ ರೂಪಿಸಿಕೊಳ್ಳಬೇಕು ಎಂದು ನುಡಿದರು.

ಅಧ್ಯಕ್ಷೀಯ ಸ್ಥಾನ ಅಲಂಕರಿಸಿದ್ದ ಕಾಲೇಜಿನ ಪ್ರಾಚಾರ್ಯರಾದ ಡಾ. ಎಸ್.ಎಚ್. ಹೊಸಮನಿ ಅವರು ಎನ್.ಸಿ.ಸಿಯ ಮಹತ್ವ ವಿವರಿಸದರಲ್ಲದೇ ತಾವು ಕೂಡ ಈ ಮೊದಲು ಎನ್.ಸಿ.ಸಿ. ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ ದಿನಗಳನ್ನು ನೆನಪಿಸಿಕೊಂಡರಲ್ಲದೆ ದೇಶ ಭಕ್ತಿ ಗೀತೆ ಹಾಡುದರ ಮೂಲಕ ಶೋತೃಗಳನ್ನು ಮುಕ ವಿಸ್ಮಿತರನ್ನಾಗಿ ಮಾಡಿದರು. ಅತಿಥಿಗಳಾಗಿ ಪ್ರೊ. ಎಮ್.ಡಿ. ವಾರಿಸ್, ಡಾ. ಪಟೇಲ್ ನಾಗರಾಜರಾಜಗೌಡ, ಮಲ್ಹಾರಾವ ಕುಲ್ಕರ್ಣಿ ವೇದಿಕೆಯಲ್ಲಿದ್ದರು.

ಕಾರ್ಯಕ್ರಮದಲ್ಲಿ ಪ್ರೊ. ವಿರುಪಾಕ್ಷಿ ನಾಯಕ, ಡಾ ಶರಣಗೌಡ ಪಾಟಿಲ್, ಡಾ. ಸುರೇಶ ಮಾಮಡಿ, ಡಾ. ಶಿವಲೀಲಾ, ನಮೃತಾ, ಪ್ರೊ. ವಿಜಕುಮಾರ ಬಣಗಾರ, ಪ್ರೊ. ನಿಂಗಯ್ಯ ಚೌಡೇಶ್ವರಿಹಾಳ ಮುಂತಾದ ಬೋಧಕ ಬೋಧಕೇತರ ಸಿಬ್ಬಂದಿ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಕೆಡೆಟ್ಸಗಳಾದ ನಿವೇದಿತಾ ಚಲವಾದಿ ಪ್ರಾರ್ಥಿಸಿದರು, ಆಭಿಶೇಕ್ ಬಶೆಟ್ಟಿ ನಿರೂಪಿಸಿದರು, ರಿಯಾಜ ಯಾದಗಿರಿ ವಂದಿಸಿದರು.