ಗಣರಾಜ್ಯೋತ್ಸವ ಪ್ರಯುಕ್ತ ರಂಗೋಲಿ ಸ್ಪರ್ಧೆ

ಕೊಪ್ಪಳ (ಕುಕನೂರ) : ತಾಲೂಕಿನ ವಿದ್ಯಾನಂದ ಗುರುಕುಲ ಪ್ರೌಢಶಾಲೆಯಲ್ಲಿ ಶಾಲಾ ಮಕ್ಕಳಿಗೆ ಬುಧವಾರ ರಂಗೋಲಿ ಸ್ಪರ್ಧೆ ಏರ್ಪಡಿಸಲಾಗಿತ್ತು.

73 ನೇ ಗಣರಾಜ್ಯೋತ್ಸವ ಅಂಗವಾಗಿ ಮತ್ತು ಮುಂದಿನ ಎಸ್ಎಸ್ಎಲ್ಸಿ ವಾರ್ಷಿಕ ಮುಖ್ಯ ಪರೀಕ್ಷೆಯ ಪೂರ್ವಭಾವಿ ತಯಾರಿಗಾಗಿ ಸಮಾಜವಿಜ್ಞಾನ, ಕನ್ನಡ ಮತ್ತು ವಿಜ್ಞಾನ, ಗಣಿತ ವಿಷಯಗಳ ಕುರಿತು ಶಿಕ್ಷಕರ ಮಾರ್ಗದರ್ಶನದ ಮೇರೆಗೆ ವಿವಿಧ ರೀತಿಯ ವೈವಿಧ್ಯಮಯವಾದ ಬಣ್ಣ ಬಣ್ಣದಿಂದ ಕೂಡಿದ ಅಲಂಕಾರ ಗೊಳಿಸಿದ ರಂಗೋಲಿ ಚಿತ್ರಗಳನ್ನು ವಿದ್ಯಾರ್ಥಿಗಳು ಬಿಡಿಸಿದರು.

ಇದೇ ವೇಳೆ ಶಾಲೆಯ ಉಪ ಪ್ರಾಚಾರ್ಯ ಎಸ್. ಎಲ್. ಲಮಾಣಿ ರಂಗೋಲಿ ಚಿತ್ರಗಳನ್ನು ವೀಕ್ಷಿಸಿ ಮಾತಾನಾಡಿದ ಅವರು, ವಿದ್ಯಾರ್ಥಿಗಳು ರಂಗೋಲಿ ಬಿಡಿಸುವುದರ ಮೂಲಕ ತಮ್ಮ ಪ್ರತಿಭೆಯನ್ನು ಅನಾವರಣಗೊಳಿಸಿದ್ದಾರೆ ಎಂದು ಹೇಳಿದ್ದರು.

ವಿಶೇಷವಾಗಿ ಕನ್ನಡ ವಿಷಯದ ಕುರಿತು ಇದ್ದಲ್ಲಿಯಿಂದ ಬಿಡಿಸಿದ ರಂಗೋಲಿ ಬ್ರಹತ್ ಆಕಾರದಾಗಿತ್ತು. ಜೊತೆಗೆ ಎಲ್ಲಾ ವಿಷಯಗಳ ರಂಗೋಲಿ ನೋಡುಗರ ಕಣ್ಮನ ಸೆಳೆಯುವಂತೆ ಮಾಡಿತ್ತು. ಆಸಕ್ತಿಯಿಂದ ಸ್ಪರ್ಧೆಯಲ್ಲಿ ಎಲ್ಲಾ ವಿದ್ಯಾರ್ಥಿಗಳು ಭಾಗವಹಿಸಿ ಬಿಡಿಸಿದ ರಂಗೋಲಿ ಆಕರ್ಷಣೆಗೊಳಿಸಿತ್ತು. ಅಲ್ಲದೇ ಶಾಲೆಯ ಕೀರ್ತಿ ಹೆಚ್ಚಿಸಲು ಮಕ್ಕಳು ಪಾತ್ರರಾದರು ಎಂದರು.

ಶಿಕ್ಷಕರಾದ ರಾಜು ಪೂಜಾರ, ಶ್ರೀಲತಾ ಕೆ, ಗೀತಾ ಪದಕಿ, ಅರುಂದತಿ ಬಟನೂರ, ಆರ್. ಎಂ. ದೇವರೆಡ್ಡಿ, ಜ್ಯೋತಿ, ಪುಷ್ಪಾ ಇದ್ದರು.