ಸಿದ್ದು ಪಾಟೀಲ ನೇತೃತ್ವದಲ್ಲಿ ಆಮ್ ಆದ್ಮಿ ಪಕ್ಷದ ಸದಸ್ಯತ್ವ ಅಭಿಯಾನ

ಕಲಬುರಗಿ: ಇಲ್ಲಿನ ದಕ್ಷಿಣ ಮತಕ್ಷೇತ್ರದ ವ್ಯಾಪ್ತಿಯ ಮಹಾನಗರದ ಪಾಲಿಕೆಯ ವಾರ್ಡ್ ನಂ. ೪೪ರ ವಿದ್ಯಾನಗರದಲ್ಲಿ ಸಿದ್ದು ಪಾಟೀಲ (ತೇಗನೂರ) ಅವರ ನೇತೃತ್ವದಲ್ಲಿ ಆಮ್ ಆದ್ಮಿಯ ಪಕ್ಷದ ಪ್ರಣಾಳಿಕೆ ಹಾಗೂ ಸದಸ್ಯತ್ವ ಅಭಿಯಾನದ ಪಾದಯಾತ್ರೆ ಹಮ್ಮಿಕೊಳ್ಳಲಾಗಿತ್ತು.

ದಕ್ಷಿಣ ಮತಕ್ಷೇತ್ರದ ಬಹುತೇಕ ಬಡಾವಣೆಗಳಲ್ಲಿ ರಸ್ತೆಗಳು ಹಾಳಾಗಿವೆ. ಅವುಗಳ ದುರಸ್ಥಿ ಕಾರ್ಯ ಸಂಬಂಧ ಪಟ್ಟ ಅಧಿಕಾರಿಗಳು ಹಾಗೂ ಚುನಾಯಿತ ಪ್ರತಿನಿಧಿಗಳು ಮಾಡುವದು ಅವರ ಕರ್ತವ್ಯವಾಗಿದೆ. ಆದರೆ ಚುನಾಯಿತ ಪ್ರತಿನಿಧಿಗಳು ಜನರ ಸಮಸ್ಯಗಳಿಗೆ ಸ್ಪಂಧಿಸದೇ ಇರುವುದು ಅಭಿವೃದ್ದಿಗೆ ಹಿಡಿದ ಕನ್ನಡಿಯಾಗಿದೆ.

ವಾರ್ಡ್ ನಂ. ೪೪ರ ವಿದ್ಯಾನಗರದಲ್ಲಿ ಈಗಾಗಲೇ ಮತದಾರರದಿಗೆ ಪಕ್ಷದ ಕುರಿತು ಉತ್ತಮ ಪ್ರತಿಕ್ರಿಯೇ ಇದೆ. ಮುಂದಿನ ದಿನಗಳಲ್ಲಿ ಬದಲಾವಣೆಯನ್ನು ಅಲ್ಲಿನ ಮತದಾರರು ಬಯಸಿದ್ದಾರೆ. ಇಗಿರುವ ರಾಜಕೀಯ ವ್ಯವಸ್ಥೆಯಿಂದ ಬಡವಾಣೆಯ ಎಲ್ಲಾ ನಾಗರಿಕರು ರೋಷಿಹೋಗಿದ್ದಾರೆ. ಮುಂದಿನ ದಿನಗಳಲ್ಲಿ ಬದಲಾವಣೆಯನ್ನು ತರುವ ಬರವಸೆಯ ಮಾತುಗಳನ್ನು ಮತದಾರರಿಂದ ವ್ಯಕ್ತವಾಗಿದೆ.

ಇದೇ ಸಂದರ್ಭದಲ್ಲಿ ಆಮ್ ಆದ್ಮಿ ಪಕ್ಷ ಸರಕಾರ ರಚಿಸಿದರೆ ಮಹಿಳೆಯರಿಗೆ, ಯುವತಿಯರಿಗೆ, ಯುವಕರಿಗೆ, ಹಾಗೂ ವೃದ್ಧರಿಗೆ ಯಾವೇಲ್ಲಾ ಸವಲತ್ತುಗಳು ಒದಗಿಸಬಹುದು ಎಂಬ ಪಕ್ಷದ ಪ್ರಣಾಳಿಕೆಯನ್ನು ಸಾರ್ವಜನಿಕರಲ್ಲಿ ವಿತರಿಸಲಾಯಿತು.

ಹಿಸಾಮುದ್ದೀನ್ನ,ಮೌಸಿನ್,ಅಫ್ರೋಜ್,ಸಚಿನ್ ಕೋಗನೂರ, ಶಿವಕುಮಾರ ರೇಶ್ಮಿ , ರಾಘವೇಂದ್ರ ಪಾಟೀಲ್, ಕಿರಣ,ಸಂಧ್ಯಾರಾಜ್, ಇಮ್ರಾನ್ ಸೇರಿದಂತೆ ಯುವಕರು, ಹಿರಿಯರು ಪಾದಯಾತ್ರೆಯಲ್ಲಿ ಪಾಲ್ಗೊಂಡು ಶಕ್ತಿ ತುಂಬಿದರು.