ಈಡಿಗ ಸಮಾಜ ಅಧ್ಯಕ್ಷ ಸ್ಥಾನಕ್ಕೆ ವಿನೋದ ಗುತ್ತೇದಾರ ರಾಜೀನಾಮೆ

ಚಿತ್ತಾಪುರ: ತಾಲೂಕು ಈಡಿಗ ಸಮಾಜದ ಅಧ್ಯಕ್ಷ ವಿನೋದ ಗುತ್ತೇದಾರ ತಮ್ಮ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿರುವುದಾಗಿ ತಿಳಿಸಿದ್ದಾರೆ.

ಶುಕ್ರವಾರ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ವೈಯಕ್ತಿಕ ಕಾರಣದಿಂದ ರಾಜೀನಾಮೆ ನೀಡಿದ್ದೇನೆ. ೨೦೧೧ ರಿಂದ ಸತತ ೧೨ ವರ್ಷಗಳಿಂದ ಅಧ್ಯಕ್ಷರಾಗಿ ಸಮಾಜದ ಸೇವೆ ಪ್ರಾಮಾಣಿಕವಾಗಿ ಸಲ್ಲಿಸಿದ್ದೇನೆ ಎಂಬ ಹೆಗ್ಗಳಿಕೆ ಇದೆ ಎಂದರು.

ಎಲ್ಲರನ್ನು ಸಮಾನತೆಯಿಂದ ಸಮಾಜದ ಏಳ್ಗೆಗೆ ಶ್ರಮಿಸಿದ್ದೇನೆ. ಸಮಾಜದ ಪ್ರತಿಯೊಂದು ಸಮಾರಂಭ ಯಶಸ್ವಿಯಾಗಿ ನಿಭಾಯಿಸಿದ್ದೇನೆ. ಸಮಾಜದ ಜನರಿಗೆ ಪ್ರತಿಯೊಂದು ಹಕ್ಕು ಸಿಗಲು ಎಲ್ಲರೊಂದಿಗೆ ಹೋರಾಟ ಮಾಡಿದ್ದೇನೆ. ಸಮಾಜದ ಜನರ ಕುಲಕಸಬು ಸಿಗಬೇಕೆಂಬ ಸ್ವಾಮಿಗಳ ನೇತೃತ್ವದಲ್ಲಿ ಪಾದಯಾತ್ರೆ, ಹೋರಾಟ ಮಾಡಲಾಗಿದೆ. ಹಿರಿಯರು, ಕಿರಿಯರು, ಯುವಕರು, ಮಹಿಳೆಯರು ಸಮಾಜದ ಕಾರ್ಯಗಳಿಗೆ ನನಗೆ ಸಹಕಾರ ನೀಡಿದ್ದಾರೆ.

ಇದರಿಂದಾಗಿ ಅವರ ಸಹಕಾರ ಮರೆಯಲಾರೆ. ಮನೆಯ ವೈಯಕ್ತಿಕ ಕೆಲಸಗಳಿಂದ ಸಮಾಜದ ಕೆಲಸಕ್ಕೆ ಸತತ ಸಮಯ ನೀಡಲು ಆಗುತ್ತಿಲ್ಲ. ಯಾರು ತಪ್ಪು ಕಲ್ಪನೆ ಭಾವಿಸಬಾರದು. ಅಧ್ಯಕ್ಷ ಸ್ಥಾನ ಹೊಸಬರಿಗೂ ಸಿಗಬೇಕು. ಈಗ ಎಲ್ಲರೂ ಒಗ್ಗೂಡಿ, ಸಮಾಜದ ಸ್ವಾಮಿಗಳ ಸಾನ್ನಿಧ್ಯದಲ್ಲಿ ಎಲ್ಲರ ಸಲಹೆ ಮೇರೆಗೆ ನೂತನ ಅಧ್ಯಕ್ಷರಾಗಿ ಆಯ್ಕೆ ಮಾಡಿ ಅವರ ಕೆಲಸಗಳಿಗೆ ನಾವುಗಳು ಸಾಥ ನೀಡೋಣ. ಸಮಾಜ ಇನ್ನೂ ಹೆಚ್ಚು ಎತ್ತರಕ್ಕೆ ಬೆಳೆಸೋಣ ಎಂದು ಅವರು ಹೇಳಿದರು.