ಅತೃಪ್ತ ಶಾಸಕರ ಅರ್ಜಿ ವಿಚಾರಣೆ: ಎಲ್ಲಾ ಅತೃಪ್ತ ಶಾಸಕರನ್ನು ಅನರ್ಹಗೊಳಿಸಿ ಆದೇಶ

ಬೆಂಗಳೂರು: ಇಂದು ವಿಧಾನ ಸೌಧದಲ್ಲಿ ಧಿಡಿರ್ ಸುದ್ದಿಗೋಷ್ಠಿ ಕರೆದು ಸ್ಪೀಕರ್,  ಅತೃಪ್ತ ಶಾಸಕ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ಪೀಕರ್​ ರಮೇಶ್​ ಅತೃಪ್ತ ಶಾಸಕರಿಗೆ ಬಿಗ್​ ಶಾಕ್​ ನೀಡಿದ್ದಾರೆ.

ರಾಜೀನಾಮೆ ನೀಡಿದ್ದ ಎಲ್ಲಾ ಅತೃಪ್ತ ಶಾಸಕರನ್ನು ಅನರ್ಹಗೊಳಿಸಿ ಆದೇಶ ನೀಡಿದ್ದಾರೆ. ಸದನಕ್ಕೆ ಗೈರಾದ ಕಾಗವಾಡ ಕ್ಷೇತ್ರದ ಶಾಸಕ ಶ್ರೀಮಂತ ಪಾಟೀಲ್​ ಅವರಿಗೂ ಅನರ್ಹಗೊಳಿಸಿ ಆದೇಶ ಹೋರಡಿಸಿದ್ದಾರೆ.  ಕಾಂಗ್ರೆಸ್​​ನ 11 ಹಾಗೂ ಜೆಡಿಎಸ್​ನ 3 ಶಾಸಕರು ಅನರ್ಹಗೊಂಡಿದ್ದಾರೆ.

ಇಂದಿನಿಂದಲೇ ಅನರ್ಹತೆ ಅನ್ವಯವಾಗಲಿದೆ ಎಂದು ಸ್ಪೀಕರ್ ರಮೇಶ್ ಕುಮಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. 15ನೇ ವಿಧಾನಸಭೆ ಅವಧಿ ಮುಗಿಯವವರೆಗೂ ಈ ಶಾಸಕರು ಅನರ್ಹರು ಎಂದು ಸ್ಪೀಕರ್​​ ಆದೇಶ ಹೋರಡಿಸಿದ್ದಾರೆ. ಇದಕ್ಕೂ ಮುನ್ನ ಮಾಜಿ ಸಚಿವ ಜೈಪಾಲರೆಡ್ಡಿ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ ಸ್ಪೀಕರ್ ಅವರ ಸಾಧನೆಗಳನ್ನು ಹೇಳುವ ಮೂಲಕ ಭಾವುಕರಾದರು.

ಅನರ್ಹಗೊಂಡ ಜೆಡಿಎಸ್​​ ಶಾಸಕರು:

1. ಕೆ.ಆರ್​ ಪೇಟೆ ಶಾಸಕ ಕೆಸಿ ನಾರಾಯಣ ಗೌಡ
2. ಮಹಾಲಕ್ಷ್ಮೀ ಲೇಔಟ್​ ಗೋಪಾಲಯ್ಯ
3. ಹುಣಸೂರು ಶಾಸಕ ಹೆಚ್​ ವಿಶ್ವನಾಥ್​

ಅನರ್ಹಗೊಂಡ ಕಾಂಗ್ರೆಸ್​ ಶಾಸಕರು:

1. ಹೊಸಕೋಟೆ ಶಾಸಕ ಎಂಟಿಬಿ ನಾಗರಾಜ್
2. ಕಾಗವಾಡ ಶಾಸಕ ಶ್ರೀಮಂತ್​ ಪಾಟೀಲ್​​
3. ರಾಜರಾಜೇಶ್ವರಿ ನಗರ ಶಾಸಕ ಮುನಿರತ್ನ
4. ಮಸ್ಕಿ ಶಾಸಕ ಪ್ರತಾಪ್​ ಗೌಡ ಪಾಟೀಲ್​
5. ಯಲ್ಲಾಪುರ ಶಾಸಕ ಶಿವರಾಮ್​ ಹೆಬ್ಬಾರ್​
6. ಯಶವಂತಪುರ ಶಾಸಕ ಎಸ್​ಟಿ ಸೋಮಶೇಖರ್
7. ಹಿರೇಕೆರೂರು ಶಾಸಕ  ಬಿ.ಸಿ ಪಾಟೀಲ್
8. ಕೆಆರ್​ ಪುರ ಶಾಸಕ ಬೈರತಿ ಬಸವರಾಜ್​
9. ವಿಜಯನಗರ ಶಾಸಕ ಆನಂದ್​ ಸಿಂಗ್
10. ಶಿವಾಜಿನಗರ ಶಾಸಕ ರೋಷನ್​ ಬೇಗ್​
11. ಚಿಕ್ಕಬಳ್ಳಾಪುರ ಶಾಸಕ ಕೆ. ಸುಧಾಕರ್​