ದೇಶದ ಸ್ವಾತಂತ್ರ್ಯಕ್ಕಾಗಿ ರಕ್ತ-ಜೀವತರ್ಪಣ ಗೈದವರನ್ನು ಭಾರತೀಯರು ಮರೆಯುವಂತಿಲ್ಲ

ಶಹಾಬಾದ: ಈ ದೇಶದ ಸ್ವಾತಂತ್ರ್ಯ ಬರಿ ಶಾಂತಿ ಮಂತ್ರದ ಹೋರಾಟದಿಂದ ಸಿಕ್ಕಿದೆ ಎಂಬುದು ಪೂರ್ಣ ಸತ್ಯವಲ್ಲ. ಅದಕ್ಕೂ ಮೊದಲು ಅಸಂಖ್ಯ ಜನ ಹೋರಾಟಗಾರರು ಈ ದೇಶದ ಸ್ವಾತಂತ್ರ್ಯಕ್ಕಾಗಿ ತಮ್ಮ ರಕ್ತ-ಜೀವತರ್ಪಣ ಗೈದಿರುವರೆಂಬುದನ್ನು ಭಾರತೀಯರು ಮರೆಯುವಂತಿಲ್ಲ ಎಂದು ಬಸವರಾಜ ಮತ್ತಿಮಡು ಹೇಳಿದರು.

ಅವರು ಸೋಮವಾರ ನಗರದ ಬಸವೇಶ್ವರ ವೃತ್ತದಲ್ಲಿ ಅಮೃತ ಮಹೋತ್ಸವದ ನಿಮಿತ್ತ ಆಯೋಜಿಸಲಾದ ಸ್ವಾತಂತ್ರ್ಯ ದಿನಾಚರಣೆ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಮಾತನಾಡಿದರು.

ದೇಶವನ್ನು ಬ್ರಿಟಿಷರ ದಾಸ್ಯದಿಂದ ಬಿಡುಗಡೆಗೊಳಿಸಲು ಭಗತ್‌ಸಿಂಗ್, ಚಂದ್ರಶೇಖರ ಆಜಾದ, ಸುಭಾಶ್ಚಂದ್ರಭೋಸರಂತಹ ಅಸಂಖ್ಯ ಮಹನೀಯರು ತಮ್ಮ ವೈಯಕ್ತಿಕ ಬದುಕಿನ ಸಂತೋಷಗಳನ್ನು ತ್ಯಾಗ ಮಾಡಿದರು.ಬ್ರಿಟಿಷರ ವಿರುದ್ಧ ಉಗ್ರ ಹೋರಾಟದ ಇತಿಹಾಸ ಬರೆದರು ಎಂದು ಹೇಳಿದರು.

ನಗರಸಭೆಯ ಅಧ್ಯಕ್ಷೆ ಅಂಜಲಿ ಗಿರೀಶ ಕಂಬಾನೂರ, ತಹಸೀಲ್ದಾರ ಸುರೇಶ ವರ್ಮಾ, ಶಂಕರ ವಳಸಂಗ, ಪ್ರಕಾಶ ವಳಸಂಗ, ಬನ್ನಪ್ಪ ಸೈದಾಪೂರ,ಚನ್ನಬಸಪ್ಪ ಕೊಲ್ಲೂರ್, ಸಾವಿತ್ರಿ ಪಾಟೀಲ, ಅಣವೀರಪ್ಪ ಇಂಗಿನಶೆಟ್ಟಿ,ಚೇತನ ವಳಸಂಗ, ಮಲ್ಲಿಕಾರ್ಜುನ ವಾಲಿ, ತಿಪ್ಪಣ್ಣ ನಾಟೇಕಾರ,ಸೂರ್ಯಕಾಂತ ಕೋಬಾಳ,ಯಲ್ಲಪ್ಪ ದಂಡಗುಲಕರ್, ರವಿ ರಾಠೋಡ, ಸುಭಾಷ ಜಾಪೂರ,ಕ್ಷೇತ್ರ ಶಿಕ್ಷಣಾಧಿಕಾರಿ ಮಲ್ಲಿಕಾರ್ಜುನ ಸೇಡಂ, ಶಿಕ್ಷಣ ಸಂಯೋಜಕ ಶ್ರೀಧರ ರಾಠೋಡ ಸೇರಿದಂತೆ ಅನೇಕರು ಇದ್ದರು.