ಜೈ ಕನ್ನಡಿಗರ ಸೇನೆಯಿಂದ ರಸ್ತೆ ದುರಸ್ತಿಗೆ ಪಾಲಿಕೆ ಆಯುಕ್ತರಿಗೆ ಮನವಿ

ಕಲಬುರಗಿ: ನಗರದ ವಾರ್ಡ ನಂ. ೧೨ ರಲ್ಲಿ ಬರುವ ನಗರೇಶ್ವರ ಶಾಲೆಯ ಎದುರಗಡೆ ಇರುವ ರಸ್ತೆಯು ತುಂಬಾ ಹದಗೆಟ್ಟಿರುತ್ತದೆ. ಎಂದು ಜೈ ಕನ್ನಡಿಗರ ಸೇನೆ ಕಲಬುರಗಿ ಘಟಕದ ವತಿಯಿಂದ ಮಹಾನಗರ ಪಾಲಿಕೆ ಆಯುಕ್ತರಿಗೆ ಮಂಗಳವಾರ ಮನವಿ ಪತ್ರ ಸಲ್ಲಿಸಿದರು.

ಈ ರಸ್ತೆಯು ನಗರೇಶ್ವರ ಶಾಲೆಯಿಂದ ವಿ.ಆರ್.ಎಲ್, ಆಫೀಸ್‌ವರೆಗೆ ರಸ್ತೆ ಹದಗೆಟ್ಟಿರುತ್ತದೆ. ಈ ರಸ್ತೆಯಲ್ಲಿ ಚಿಕ್ಕ ಚಿಕ್ಕ ಮಕ್ಕಳು, ವಿದ್ಯಾರ್ಥಿಗಳು, ಸಾರ್ವಜನಿಕರು, ವಯೋವೃದ್ಧರು ಓಡಾಡುತ್ತಿರುತ್ತಾರೆ. ಈಗ ಸದ್ಯ ಮಳೆಗಾಲ ಇರುವದರಿಂದ ರಸ್ತೆಯ ತುಂಬೆಲ್ಲ ನೀರು ಕೇಸರು ತುಂಬಿ ಕೊಳ್ಳುತ್ತಿರುವದರಿಂದ ಸಾರ್ವಜನಿಕರಿಗೆ ಓಡಾಡಲು ತುಂಬಾ ತೊಂದರೆಯಾಗುತ್ತಿದೆ. ಆದ್ದರಿಂದ ತಾವುಗಳು ಈ ವಿಷಯವನ್ನು ಕುಲಂಕುಷವಾಗಿ ಪರಿಶೀಲಿಸಿ ಶೀಘ್ರವೇ ರಸ್ತೆ ದುರಸ್ತಿ ಮಾಡಲು ಕ್ರಮ ತೆಗೆದುಕೊಳ್ಳಬೇಕೆಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.

ಜೈ ಕನ್ನಡಿಗರ ಸೇನೆಯ ರಾಜ್ಯಾಧ್ಯಕ್ಷ ದತ್ತು ಹೆಚ್. ಭಾಸಗಿ, ಜಗನ್ನಾಥ ಸೂರ್ಯವಂಶಿ, ರಾಮಾ ಪೂಜಾರಿ, ಹುಸೇನ, ಚೈತನ ಸಾಂಗೈಕರ್, ಕವಿರಾಜ, ಸಂಜು, ಉಮೇಶ ಇದ್ದರು.