ವಾರ್ಡ ಸಮಿತಿ ರಚನೆ ಪ್ರಕ್ರಿಯೆ ಚಾಲನೆಗೆ ನಾಳೆ ಸಮಾವೇಶ

ಕಲಬುರಗಿ: ಕರ್ನಾಟಕ ರಾಜ್ಯದ ನಗರಗಳಲ್ಲಿ ನಾಗರೀಕರ ಪಾಲ್ಗೊಳ್ಳುವಿಕೆಯನ್ನು ಒಳಗೊಂಡಂತೆ ವಾರ್ಡ ಸಮಿತಿಗಳನ್ನು ಸಾಂಸ್ಥಿಕಗೊಳಿಸಿ,ಬಲಪಡಿಸುವ ಉದ್ದೇಶದಿಂದ ಇದೇ ವರ್ಷದ ಜೂನ್‍ನಲ್ಲಿ ಜನಾಗ್ರಹ ಸಂಸ್ಥೆ ಆಶ್ರಯದಲ್ಲಿ ರಾಜ್ಯದ ವಿವಿಧ ನಗರಗಳ ನಾರೀಕರ ಕರ್ನಾಟಕ ವಾರ್ಡ ಸಮಿತಿ ಬಳಗ ರಚಿಸಲಾಗಿದೆ.

ರಾಜ್ಯಮಟ್ಟದ ನಾಗರಿಕರ ಸಮಾವೇಶ ಸೆಪ್ಟೆಂಬರ್ 18ರಂದು ಬೆಂಗಳೂರಿನಲ್ಲಿ ಜರುಗಲಿದೆ. ರಾಜ್ಯವ್ಯಾಪಿ ಮಹಾನಗರಗಳಿಂದ ನಾಗರಿಕರು ಈ ಎಲ್ಲ ಪರಿಸ್ಥಿತಿಗಳನ್ನು ಸಂಪೂರ್ಣವಾಗಿ ವಿಶ್ಲೇಷಿಸಿ, ಪರಸ್ಪರ ಅನುಭವಗಳನ್ನು ಹಂಚಿಕೊಳ್ಳಲು ಮತ್ತು ತಮ್ಮ ನಗರಗಳಲ್ಲಿ ಕಾನೂನಾತ್ಮಕವಾಗಿ ನಾಗರಿಕರ ವಾರ್ಡ ಸಮಿತಿ ರಚನೆ ಪ್ರಕ್ರಿಯೆಗೆ ಚಾಲನೆ ಒದಗಿಸುವ ನಿಟ್ಟಿನಲ್ಲಿ ಇದೇ ಮೊದಲು ಸಮಾವೇಶ ಹಮ್ಮಿಕೊಳಲಾಗಿದೆ ಎಂದು ಜನಾಗ್ರಹ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.